നാലാം സെമസ്റ്റര്‍ എംസിഎ ഫലം പ്രസിദ്ധീകരിച്ചു
2016 ഒക്‌ടോബറില്‍ അഫിലിയേറ്റഡ് കോളജുകളിലും, യൂണിവേഴ്‌സിറ്റി കോളജ് ഓഫ് അപ്ലൈഡ് സയന്‍സസിലും നടത്തിയ നാലാം സെമസ്റ്റര്‍ എംസിഎ (2014 അഡ്മിഷന്‍ റെഗുലര്‍2011 മുതല്‍ 2013 വരെ അഡ്മിഷന്‍ സപ്ലിമെന്‍ററിലാറ്ററല്‍ എന്‍ട്രി2015 അഡ്മിഷന്‍ റെഗുലര്‍2013 ആന്‍ഡ് 2014 അഡ്മിഷന്‍ സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോ ധനയ്ക്കും പുനര്‍മൂല്യ നിര്‍ണയത്തിനു മുള്ള അപേക്ഷകള്‍ ജൂണ്‍ ഒന്ന് വരെ സ്വീകരിക്കും.2017 ജനുവരിയില്‍ നടത്തിയ ഒന്നാം വര്‍ഷ ബിഫാം സപ്ലിമെന്ററി ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോ ധനയ്ക്കും പുനര്‍മൂല്യനിര്‍ണയത്തിനു മുള്ള അപേക്ഷകള്‍ 31വരെ സ്വീകരിക്കും.
പിഎച്ച്ഡി കോഴ്സ് വര്‍ക്ക് പരിക്ഷാഫലം
സ്‌കൂള്‍ ഓഫ് ഗാന്ധിയന്‍ തോട്ട് ആന്‍ഡ് ഡെവലപ്‌മെന്‍റ്് സ്റ്റഡീസ് 2016 ഓഗസ്റ്റില്‍ നടത്തിയ പിഎച്ച്ഡി കോഴ്‌സ്‌വര്‍ക്ക് (സിഎസ്എസ്) ഡിഗ്രി പരീക്ഷാ ഫലം പ്രസിദ്ധീകരിച്ചു.
എംഫില്‍ പ്രവേശന റാങ്ക് ലിസ്റ്റ്
സ്‌കൂള്‍ ഓഫ് മാനേജ്‌മെന്റ് ആന്‍ഡ് ബിസിനസ് സ്റ്റഡീസില്‍ 20162017 എംഫില്‍ ബാച്ച് പ്രവേശനത്തിന് യോഗ്യരായവരുടെ റാങ്ക് ലിസ്റ്റ് പപ്രസിദ്ധീകരിച്ചു. വിശദവിവരങ്ങള്‍ സര്‍വ്വകലാശാലാ വെബ്‌സൈറ്റില്‍ ലഭ്യമാണ്.
എംഫില്‍ എസ്ടി സീറ്റൊഴിവ്
സ്‌കൂള്‍ ഓഫ് ബയോസയന്‍സസില്‍ എംഫില്‍ ബയോസയന്‍സസ് കോഴ്‌സില്‍ ഒരു എസ്ടി സംവരണ സീറ്റൊഴിവുണ്ട്. താത്പര്യമുള്ള, യോഗ്യരായ അപേക്ഷകര്‍ എല്ലാ സര്‍ട്ടിഫിക്കറ്റുകളുമായി 25ന് സ്‌കൂള്‍ ഡയറക്ടര്‍ മുമ്പാകെ ഹാജരാകണം. എസ്ടി വിഭാഗത്തിന്റെ അഭാവത്തില്‍ എസ്‌സി വിഭാഗക്കാരെ പരിഗണിക്കുന്നതാണ്. 0481 2731035
ബിഎ, ബികോം ഉത്തരക്കടലാസ് കൈപ്പറ്റണം
2017 മാര്‍ച്ചില്‍ നടത്തിയ അഞ്ച്, ആറ് സെമസ്റ്റര്‍ ബിഎ, ബികോം (പ്രൈവറ്റ് രജിസ്‌ട്രേഷന്‍) ഡിഗ്രി പരിക്ഷകളുടെ ഉത്തരക്കടലാസ് മൂല്യനിര്‍ണയത്തില്‍ പങ്കെടുക്കുവാന്‍ ഉത്തരവു ലഭിച്ചിട്ടുള്ള ബികോം ചീഫ് എക്‌സാമിനര്‍മാരും അഡീഷണല്‍ എക്‌സാമിനര്‍മാരും 22ന് രാവിലെ 10നു യൂണിവേഴ്‌സിറ്റി അസംബ്ലി ഹാളിലും, ബിഎ ചീഫ് എക്‌സാമിനര്‍മാരും അഡീഷണല്‍ എക്‌സാമിനര്‍മാരും 29ന് രാവിലെ 10ന്് സില്‍വര്‍
ജൂബിലി പരീക്ഷാഭവനു സമീപം പരീക്ഷാഭവന്‍ അനക്‌സിലും റിപ്പോര്‍ട്ടു ചെയ്ത് ഉത്തരക്കടലാസ് കൈപ്പറ്റണം.
ബിരുദ ഏകജാലക പ്രവേശനം
അഫിലിയേറ്റഡ് ആര്‍ട്‌സ് ആന്‍ഡ് സയന്‍സ് കോളജുകളില്‍ ഒന്നാം വര്‍ഷ ബിരുദ പ്രവേശനത്തിന് ജാതി സംവരണം ഒഴികെയുള്ള സ്‌പോര്‍ട്‌സ്, കള്‍ച്ചറല്‍, വികലാംഗ സംവരണ സീറ്റുകളിലേക്ക് പ്രവേശനത്തിനായി അപേക്ഷകര്‍ക്ക് 27 വരെ കോളജുകളില്‍ നേരിട്ട് അപേക്ഷ സമര്‍പ്പിക്കാവുന്നതാണ്. റാങ്ക് ലിസ്റ്റ് 29നു കോളേജുകളില്‍ പ്രസിദ്ധീകരിക്കുന്നതും പ്രവേശനം 30നുള്ളില്‍ പൂര്‍ത്തീകരിക്കേണ്ടതുമാണ്.
മേല്‍ സൂചിപ്പിച്ച സംവരണ വിഭാഗങ്ങളിലേക്ക് പ്രവേശനം നേടിയ വിദ്യാര്‍ഥികളുടെ വിവരങ്ങള്‍ കോളജധികൃതര്‍ 30നു തന്നെ ഓണ്‍ലൈന്‍ അഡ്മിഷന്‍ പോര്‍ട്ടലില്‍ നിര്‍ബന്ധമായും അപ്‌ലോഡ് ചെയ്യേണ്ടതാണ്. പ്രവേശനം ലഭിച്ച വിദ്യാര്‍ഥികളുടെ വിവരങ്ങള്‍ അപ്‌ലോഡ് ചെയ്യുന്നതില്‍ വീഴ്ച വരുത്തിയാല്‍ ഉണ്ടാകാവുന്ന ഭവിഷ്യത്തുകള്‍ക്ക് കോളജധികൃതല്‍ ഉത്തരവാദികളായിരിക്കുന്നതുമാണ്. മാനേജ്‌മെന്റ്, കമ്മ്യൂണിറ്റി ക്വാട്ടാകളിലേക്കുള്ള പ്രവേശന നടപടികള്‍ യൂണിവേഴ്‌സിറ്റി പ്രസിദ്ധീകരിച്ചിട്ടുള്ള ഷെഡ്യൂള്‍ അനുസരിച്ച് മാത്രമേ നടത്തുവാന്‍ പാടുള്ളൂ. ഇതിനു വിരുദ്ധമായ നടപടികള്‍ യൂണിവേഴ്‌സിറ്റി ഗൗരവമായി കാണുന്നതും യുക്തമായ അനന്തര നടപടികള്‍ സ്വീകരിക്കുന്നതുമാണ്.
മേല്‍പ്പറഞ്ഞ സംവരണ വിഭാഗങ്ങളിലേക്ക് പ്രവേശനം ലഭിക്കുന്ന വിദ്യാര്‍ഥികള്‍ സര്‍വകലാശാലയിലേക്ക് ഒടുക്കേണ്ട ഫീസ് ഓണ്‍ലൈന്‍ പേമെന്‍റ്് ഗേറ്റ് വേ വഴി ഒടുക്കുന്നതിന് കോളജധികൃതര്‍ ശ്രദ്ധിക്കേണ്ടതാണ്.