ഓഫ്സെറ്റ് പ്രിന്റിംഗ് ടെക്നോളജി കോഴ്സിന് അപേക്ഷിക്കാം
തിരുവനന്തപുരം: സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് ആൻഡ് ട്രെയിനിംഗും സംയുക്തമായി നടത്തുന്ന ഒരു വര്ഷ ദൈര്ഘ്യമുള്ള സര്ട്ടിഫിക്കറ്റ് ഇന് ഓഫ്സെറ്റ് പ്രിന്റിംഗ് ടെക്നോളജി കോഴ്സിലേക്ക് അപേക്ഷ ക്ഷണിച്ചു.
അപേക്ഷകര് പ്ലസ് ടു/വിഎച്ച്എസ്ഇ/ഡിപ്ലോമ അഥവാ തത്തുല്യ യോഗ്യതയോ പാസായിരിക്കണം. പട്ടികജാതി/വര്ഗ/മറ്റര്ഹ വിഭാഗക്കാര്ക്ക് നിയമാനുസൃത ഫീസ് സൗജന്യമായിരിക്കും.
പഠന കാലയളവില് സ്റ്റൈപ്പൻഡും ലഭിക്കും. ഒബിസി/എസ്ഇബിസി/മുന്നാക്ക സമുദായങ്ങളിലെ സാമ്പത്തികമായി പിന്നാക്കം നില്ക്കുന്ന വിദ്യാര്ഥികള്ക്ക് വരുമാന പരിധിക്ക് വിധേയമായി ഫീസ് സൗജന്യമായിരിക്കും.
പ്രിന്റിംഗ് വകുപ്പില് ഡിടിപി ഓപ്പറേറ്റര് ഗ്രേഡ് രണ്ട്, ഓഫ്സെറ്റ് പ്രിന്റിംഗ് മെഷീന് ഓപ്പറേറ്റര് ഗ്രേഡ് രണ്ട്, പ്ലേറ്റ് മേക്കര് ഗ്രേഡ്ര് രണ്ട് തസ്തികകളിലേക്ക് പിഎസ്സി മുഖേന നിയമനത്തിന് ഈ കോഴ്സ് സര്ട്ടിഫിക്കറ്റ് യോഗ്യതയായി സര്ക്കാര് അംഗീകരിച്ചിട്ടുണ്ട്.
തിരുവനന്തപുരം (0471 2474720), എറണാകുളം (0484 2605322), കോഴിക്കോട് (0495 2356591) എന്നീ കേന്ദ്രങ്ങളിലാണ് കോഴ്സ് നടത്തുന്നത്. ഫോണ് : 0471 2474720, 2467728. ജൂണ് ഒന്പതിനകം അപേക്ഷ സമര്പ്പിക്കണം.
അപേക്ഷാഫോം നൂറു രൂപയ്ക്ക് അതത് സെന്ററില് നിന്നു നേരിട്ടും ലഭിക്കും