കണ്ണൂർ സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സെൽഫ് ഫിനാൻസിംഗ് കോളജുകളിലേക്കുള്ള 201718 അധ്യയനവർഷത്തെ ഒന്നാം വർഷ ഡിഗ്രി കോഴ്സുകളിലേക്കുള്ള പ്രവേശനം ഏകജാലക സംവിധാനത്തിലൂടെ നടത്തും. മേൽപ്പറഞ്ഞ കോളജുകളിലെ മെറിറ്റ് സീറ്റുകളിലേക്കും എല്ലാ സംവരണസീറ്റുകളിലേക്കും ഏകജാലക സംവിധാനം വഴി തന്നെയായിരിക്കും അലോട്ട്മെന്റ്. കണ്ണൂർ സർവകലാശാലയുടെ കീഴിൽ പ്രവേശനം ആഗ്രഹിക്കുന്ന എല്ലാ വിദ്യാർഥികളും ഏകജാലക സംവിധാനം വഴി അപേക്ഷ സമർപ്പിക്കണം. നാളെ വൈകുന്നേരം നാലുമുതൽ ഓൺലൈനായി രജിസ്റ്റർ ചെയ്യാം. ഓൺലൈൻ രജിസ്ട്രേഷൻ സംബന്ധമായ വിവരങ്ങൾ http://cap.kannuruniversity.ac.in എന്ന വെബ്സൈറ്റിൽ പ്രോസ്പെക്ടസ് എന്ന ലിങ്കിൽ ലഭ്യമാണ്. കൂടാതെ എല്ലാ കോളജുകളിലും ഇതിനായി ഹെൽപ്പ്ഡെസ്ക് ആരംഭിച്ചിട്ടുണ്ട്. കമ്യൂണിറ്റി, മാനേജ്മെന്റ്, സ്പോർട്സ് എന്നീ കോട്ടകളിൽ പ്രവേശനം ആഗ്രഹിക്കുന്നവർ ഓൺലൈൻ അപേക്ഷയുടെ പ്രിന്റ് ഔട്ടും ആവശ്യമായ രേഖകളും സഹിതം പ്രവേശനം ആഗ്രഹിക്കുന്ന കോളജുകളിൽ പ്രത്യേകം അപേക്ഷ സമർപ്പിക്കണം.
സെൽഫ് ഫിനാൻസിംഗ് കോളജുകളുടെ ഫീസ് നിരക്ക് സർക്കാർ/എയ്ഡഡ് കോളജുകളെ അപേക്ഷിച്ച് കൂടുതലാണ്. വിദ്യാർഥികൾക്ക് 20 ഓപ്ഷൻ വരെ സെലക്ട് ചെയ്യാം. കോളജുകളെ സംബന്ധിക്കുന്ന വിവരങ്ങൾ (ദൂരം, ഹോസ്റ്റൽ സൗകര്യം മുതലായവ) അതത് കോളജുകളുടെ വെബ്സൈറ്റിൽ ലഭ്യമാണ്. അതു പരിശോധിച്ചതിനുശേഷം മാത്രം കോളജുകൾ തെരഞ്ഞെടുക്കേണ്ടതാണ്.
ഓപ്ഷൻ കൊടുത്ത കോളജുകളിലേക്ക് അലോട്ട്മെന്റ് ലഭിക്കുകയാണെങ്കിൽ നിർബന്ധമായും പ്രവേശനം നേടേണ്ടതാണ്. അല്ലാത്തപക്ഷം തുടർന്നുവരുന്ന അലോട്ട്മെന്റിൽ പരിഗണിക്കുന്നതല്ല. പ്രവേശനം ആഗ്രഹിക്കുന്ന കോളജുകളും കോഴ്സുകളും മാത്രം തെരഞ്ഞെടുക്കാൻ പ്രത്യേകം ശ്രദ്ധിക്കണം. ഓൺലൈൻ രജിസ്ട്രേഷൻ ചെയ്തതിനുശേഷം അപേക്ഷയുടെ പ്രിന്റ് ഔട്ട് എടുത്ത് സൂക്ഷ്മമായി പരിശോധിച്ച് പിഴവുകൾ ഒന്നുമില്ല എന്ന് ഉറപ്പുവരുത്തേണ്ടതാണ്.
ഏകജാലക സംവിധാനത്തിലുള്ള എല്ലാ ഫീസുകളും എസ്ബിഐ കളക്ട് മുഖാന്തിരം അടയ്ക്കണം. ഓൺലൈനായും ഇചലാൻ വഴിയും ഫീസ് അടയ്ക്കാനുള്ള സംവിധാനം എസ്ബിഐ കളക്ടിൽ ലഭ്യമാണ്. ഇതുസംബന്ധിച്ചുള്ള വിവരങ്ങൾ www.kannuruniversity.ac.in എന്ന വെബ്സൈറ്റിൽ ലഭ്യമാണ്. ഡിഡി, ചെക്ക്, മറ്റു ചലാനുകൾ തുടങ്ങിയവ സ്വീകരിക്കുന്നതല്ല. അലോട്ട്മെന്റ് ലഭിച്ചാൽ നിശ്ചിത തീയതിക്കുള്ളിൽ സർവകലാശാല ഫീസ് നിർബന്ധമായും അടയ്ക്കേണ്ടതാണ്. അല്ലാത്തപക്ഷം വിദ്യാർഥികൾ അലോട്ട്മെന്റിൽനിന്നും പുറത്താകുന്നതാണ്.
അലോട്ട്മെന്റ് ലഭിച്ച വിദ്യാർഥികൾക്ക് മൂന്നാം അലോട്ട്മെന്റിനുശേഷം അലോട്ട്മെന്റ് മെമ്മോ വെബ്സൈറ്റിൽനിന്നും ലഭിക്കും. മൂന്നാമത്തെ അലോട്ട്മെന്റിനു ശേഷം മാത്രമേ കോളജുകളിൽ പ്രവേശനം നേടേണ്ടതുള്ളൂ. മൂന്നാമത്തെ അലോട്ട്മെന്റിനുശേഷവും ഹയർ ഒപ്ഷനുകൾ നിലനിർത്താൻ ആഗ്രഹിക്കുന്നവർ സർവകലാശാല ഫീസ് മാത്രം അടച്ച് സർട്ടിഫിക്കറ്റുകൾ അലോട്ട്മെന്റ് ലഭിച്ച കോളജിൽ സമർപ്പിച്ച് താത്കാലിക അഡ്മിഷൻ നേടേണ്ടതാണ്.
അലോട്ട്മെന്റ് ലഭിച്ച വിദ്യാർഥികൾക്ക് തങ്ങൾക്കു ലഭിച്ച അലോട്ട്മെന്റിൽ സംതൃപ്തരാണെങ്കിൽ ഓരോ അലോട്ട്മെന്റിനുശേഷവും ഹയർ ഒപ്ഷനുകൾ റദ്ദാക്കാവുന്നതാണ്. ഹയർ ഒപ്ഷനുകൾ നിലനിർത്തുന്നപക്ഷം അടുത്ത അലോട്ട്മെന്റിൽ അവ പരിഗണിക്കുന്നതും അലോട്ട്മെന്റ് ലഭിക്കുന്നപക്ഷം അപേക്ഷകൻ നിർബന്ധമായും അത് സ്വീകരിക്കേണ്ടതാണ്. അലോട്ട്മെന്റ് ലഭിച്ചാൽ ലോവർ ഓപ്ഷൻ ഒരുകാരണവശാലും പരിഗണിക്കുന്നതല്ല. അലോട്ട്മെന്റ് തീയതി, കോളജുകളിൽ അഡ്മിഷൻ എടുക്കേണ്ട തീയതി തുടങ്ങിയവ അതത് സമയങ്ങളിൽ വെബ്സൈറ്റിലും സർവകലാശാല പത്രക്കുറിപ്പിലൂടെയും അറിയിക്കും. ഹെൽപ്പ് ലൈൻ: 0497 2715261, 2715284. ഫോൺ: 8078049249. ഇമെയിൽ:
[email protected] .