സെനറ്റ്/ സ്റ്റുഡന്റ്സ് കൗണ്സിൽ തെരഞ്ഞെടുപ്പ് ഒന്പതിന്
സെനറ്റിലേയ്ക്കും സ്റ്റുഡന്റ്സ് കൗണ്സിലിലേയ്ക്കുമുള്ള വിദ്യാർഥി പ്രതിനിധികളുടേയും, കേരള സർവകലാശാല യൂണിയൻ ഭാരവാഹികളുടേയും തെരഞ്ഞെടുപ്പ് ജൂണ് ഒന്പതിന് സർവകലാശാല ഓഫീസിൽ നടത്തും. ഈ തെരഞ്ഞെടുപ്പുകളുമായി ബന്ധപ്പെട്ട നാമനിർദേശ പത്രികകൾ 30ന് ഉച്ചകഴിഞ്ഞ് രണ്ടിനു മുന്പായി സമർപ്പിക്കണം. ഈ തെരഞ്ഞെടുപ്പുകളുമായി ബന്ധപ്പെട്ട വിജ്ഞാപനങ്ങൾ സർവകലാശാല ഓഫീസിൽ 23ന് പ്രസിദ്ധീകരിക്കും. തെരഞ്ഞെടുപ്പ് വിജ്ഞാപനങ്ങളുടെ പൂർണ രൂപം വെബ്സൈറ്റിൽ ലഭിക്കും.
ഗസ്റ്റ് ലക്ചറർ ഒഴിവ്
കേരള സർവകലാശാലയുടെ കാര്യവട്ടം കാന്പസിലെ ബോട്ടണി വിഭാഗത്തിലെ പി.ജി ഡിപ്ലോമ ഇൻ ബയോ ഡൈവേഴ്സിറ്റി കണ്സർവേഷൻ എന്ന കോഴ്സിലേയ്ക്ക് സുവോളജി പഠിപ്പിക്കുവാൻ ഗസ്റ്റ് ലക്ചററെ ആവശ്യമുണ്ട്. യോഗ്യത എംഎസ് സി സുവോളജിയുടെ കൂടെ നെറ്റ് അല്ലെങ്കിൽ യുജിസി പരീക്ഷ പാസായിരിക്കണം. താത്പര്യമുള്ളവർ സർട്ടിഫിക്കറ്റിന്റെ സാക്ഷ്യപ്പെടുത്തിയ കോപ്പി സഹിതം 31നകം വകുപ്പ് മേധാവിക്ക് അപക്ഷ അയ്ക്കണം. അയയ്ക്കേണ്ട വിലാസം വകുപ്പ് മേധാവി, ബോട്ടണി വിഭാഗം, കേരള സർവകലാശാല, കാര്യവട്ടം 695581.
ബിഎ/ ബിഎസ്സി/ ബികോം പരീക്ഷാകേന്ദ്രങ്ങൾ
30ന് ആരംഭിക്കുന്ന ആറാം സെമസ്റ്റർ ബിഎ/ ബിഎസ്സി/ ബികോം സിബിസിഎസ് (2010 അഡ്മിഷൻ മേഴ്സി ചാൻസ്, 2011, 2012 അഡ്മിഷൻ) പരീക്ഷയ്ക്ക് തെരഞ്ഞെടുക്കപ്പെട്ടിട്ടുള്ള പരീക്ഷാകേന്ദ്രങ്ങളിലേക്ക് അലോട്ട്ചെയ്തിട്ടുള്ള കോളജുകളുടെ വിശദവിവരങ്ങൾ വെബ്സൈറ്റിൽ.
ബിടെക് ടൈടേബിൾ
എട്ടാം സെമസ്റ്റർ റെഗുലർ ബിടെക് 2013 സ്കീം കോഴ്സ് കോഡിൽ വരുന്ന പാർട്ട്ടൈം ബിടെക് റീസ്ട്രക്ച്ചേർഡ് ആറാം സെമസ്റ്റർ പരീക്ഷയുടെയും നാലാം സെമസ്റ്റർ പരീക്ഷയുടെയും ടൈംടേബിൾ വെബ്സൈറ്റിൽ ലഭിക്കും.
എംബിബിഎസ് പ്രാക്ടിക്കൽ, വൈവാ വോസി
മൂന്നാം വർഷ എംബിബിഎസ് പാർട്ട് രണ്ട് മാർച്ച് 2017 പരീക്ഷയുടെ പ്രാക്ടിക്കലും വൈവാ വോസിയും 24 മുതൽ നടക്കും. വിശദവിവരങ്ങൾ വെബ്സൈറ്റിൽ.
എംഎസ്സി മാത്തമാറ്റിക്സ് വൈവ വോസി
കേരള സർവകലാശാലയുടെ എംഎസ്സി മാത്തമാറ്റിക്സ് നാലാം സെമസ്റ്റർ വിദ്യാർഥികളുടെ വൈവ വോസി പരീക്ഷ ഗണിതശാസ്ത്ര വിഭാഗത്തിൽ 30നു രാവിലെ 10 മുതൽ നടക്കും.
എംഎ ഹിന്ദി വൈവ വോസി
കാര്യവട്ടം ഹിന്ദി വിഭാഗത്തിലെ എംഎ ഹിന്ദി വൈവ വോസി പരീക്ഷ 26ന് രാവിലെ 10ന് ഹിന്ദി പഠന വിഭാഗത്തിൽ നടക്കും. ഫോണ്: 04712308649.
എംഎ/എംഎസ്സി/എംകോം പരീക്ഷ
വിദൂര വിദ്യാഭ്യാസ പഠന കേന്ദ്രം നടത്തുന്ന എംഎ/എംഎസ്സി/എംകോം 2017 (പ്രീവിയസ് ആൻഡ് ഫൈനൽ) സപ്ലിമെന്ററി പരീക്ഷകൾക്കുള്ള അപേക്ഷകൾ പിഴകൂടാതെ 31വരെ (50 രൂപ പിഴയോടെ ജൂണ് മൂന്ന്, 125 രൂപ സൂപ്പർ ഫൈനോട് കൂടി ജൂണ് ഏഴ്) സ്വീകരിക്കും. ഓണ്ലൈൻ രജിസ്ട്രേഷൻ 23ന് ആരംഭിക്കും. വിശദമായ ടൈടേബിൾ വെബ്സൈറ്റിൽ .