പ്രതിഫലം കൂടാതെ മൂല്യനിർണയം നടത്തേണ്ട ഉത്തരക്കടലാസുകളുടെ എണ്ണത്തിൽ തീരുമാനമായി
കണ്ണൂർ യൂണിവേഴ്സിറ്റിയുടെ കീഴിലുള്ള റെഗുലർ കോളജ് അധ്യാപകർ (യുജിസി സ്കെയിൽ) പ്രതിഫലം കൂടാതെ മൂല്യനിർണയം നടത്തേണ്ട ബിരുദബിരുദാനന്തര ഉത്തരക്കടലാസുകളുടെയും ഇതിനു മുകളിൽ വരുന്ന പേപ്പറുകൾക്ക് (വിദൂരവിദ്യാഭ്യാസം, സ്വാശ്രയ കോളജുകൾ എന്നിവ ഉൾപ്പെടെ) നൽകേണ്ട വർധിച്ച പ്രതിഫലം സംബന്ധിച്ചും സിൻഡിക്കേറ്റ് യോഗത്തിൽ തീരുമാനമായി. റഗുലർ കോളജ് അധ്യാപകരല്ലാത്തവർത്ത് (നോൺ യുജിസി) മൂല്യനിർണയും നടത്തിയ എല്ലാ പേപ്പറുകൾക്കും വർധിപ്പിച്ച നിരക്കിൽ പ്രതിഫലം നൽകും.
നാലാം സെമസ്റ്റർ ബിഎസ് സി മാത്സ് പരീക്ഷ 26ന്
കണ്ണൂർ സർവകലാശാലയുടെ മേയ് അഞ്ചിന് റദ്ദു ചെയ്ത നാലാം സെമസ്റ്റർ ബിഎസ് സി മാത്തമാറ്റിക്സ് ഡിഗ്രിയുടെ എലമെന്റ്സ് ഓഫ് മാത്തമാറ്റിക്സ് രണ്ട് പരീക്ഷ മേയ് 26ന് നടത്തുന്നതാണ്. പരീക്ഷാ സമയത്തിൽ മാറ്റമില്ല.
ഫൈനൽ ബിഡിഎസ് പാർട്ട് രണ്ട് പരീക്ഷാഫലം
ഫൈനൽ ബിഡിഎസ് പാർട്ട് രണ്ട് (സപ്ലിമെന്ററി ഡിസംബർ 2016) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം/സൂക്ഷ്മപരിശോധന/ഉത്തരക്കടലാസിന്റെ ഫോട്ടോകോപ്പി എന്നിവയ്ക്കുള്ള അപേക്ഷകൾ ജൂണ് രണ്ടു വരെ സർവകലാശാലയിൽ സ്വീകരിക്കും.