രണ്ടാം സെമസ്റ്റർ എംഎസ്സി ക്ലിനിക്കൽ ന്യൂട്രീഷൻ ആൻഡ് ഡയറ്റെറ്റിക്സ് ഫലം പ്രസിദ്ധീകരിച്ചു
2016 ഓഗസ്റ്റ്, സെപ്റ്റംബർ മാസങ്ങളിലെ രണ്ടാം സെമസ്റ്റർ എംഎസ്സി ക്ലിനിക്കൽ ന്യൂട്രീഷൻ ആൻഡ് ഡയറ്റെറ്റിക്സ് (റെഗുലർ, സപ്ലിമെന്ററി, ബെറ്റർമെന്റ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ ജൂണ് ഒന്നു വരെ സ്വീകരിക്കും.
2017 ജനുവരിയിൽ നടത്തിയ മൂന്നാം സെമസ്റ്റർ എംഎസ്സി ക്ലിനിക്കൽ ന്യൂട്രീഷൻ ആൻഡ് ഡയറ്റെറ്റിക്സ് (റെഗുലർ, സപ്ലിമെന്ററി, ബെറ്റർമെന്റ്)ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ ജൂണ് ഒന്നു വരെ സ്വീകരിക്കും.
ഇന്റർ യൂണിവേഴ്സിറ്റി സെന്റർ ഫോർ ഡിസബിലിറ്റി സ്റ്റഡീസിൽ 2017 ഏപ്രിലിൽ നടത്തിയ രണ്ടാം സെമസ്റ്റർ എംഫിൽ ഡിസെബിലിറ്റി സ്റ്റഡീസ് (സിഎസ്എസ്) ഡിഗ്രി പരീക്ഷാ ഫലം പ്രസിദ്ധീകരിച്ചു.
സ്കൂൾ ഓഫ് ടൂറിസം സ്റ്റഡീസ് 2017 ജനുവരിയിൽ നടത്തിയ മൂന്നാം സെമസ്റ്റർ എംടിടിഎം റെഗുലർ, എംടിഎം റീ അപ്പിയറൻസ് (സിഎസ്എസ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
പ്രാക്ടിക്കൽ
2017 ഏപ്രിലിലെ മൂന്നാം സെമസ്റ്റർ എംഎസ്സി സ്പേസ് സയൻസ് ആൻഡ് ടെക്നോളജി (റെഗുലർ, സപ്ലിമെന്ററി) ഡിഗ്രി പരീക്ഷകളുടെ പ്രാക്ടിക്കൽ നാളെ എറണാകുളം സെന്റ് ആൽബർട്സ് കോളജിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ.
2017 മാർച്ചിലെ നാലാം സെമസ്റ്റർ ബിഎസ്സി കംപ്യൂട്ടർ സയൻസ് (സിബിസിഎസ്എസ് റെഗുലർ, സപ്ലിമെന്ററി) ഡിഗ്രി പരീക്ഷയുടെ പ്രാക്ടിക്കൽ 30 മുതൽ അതാതു കോളജുകളിൽ നടത്തും. ടൈംടേബിൾ വെബ്സൈറ്റിൽ.
പരീക്ഷാതീയതി
ഏഴാം സെമസ്റ്റർ ബിടെക് (പഴയ സ്കീം) 2017 മേയ്, ജൂണ് പരീക്ഷയുടെ ഇലക്ടീവ് ഒന്ന് ആർട്ടിഫിഷൽ ഇന്റലിജൻസ് ആൻഡ് എക്സ്പേർട്ട് സിസ്റ്റം പേപ്പറിന്റെ പരീക്ഷ ജൂണ് രണ്ടിനു 9.30 മുതൽ 12.30 വരെ നടത്തും.
പിഎച്ച്ഡി നൽകി
എംജി സർവകലാശാലാ എം.എച്ച്. ഷൈല, വി. അന്പിളി (സുവോളജി), അബിൻ വർഗീസ് (എൻവയോണ്മെന്റൽ സയൻസസ്). സുനിൽ സി. വട്ടപ്പാലം (ഫിസിക്സ്). കെ.ആർ. സൗമ്യ (മൈക്രോബയോളജി), എം.ആർ. വിജയൻ (എഡ്യൂക്കേഷൻ), കെ. എസ്. സിന്ധു (കെമിസ്ട്രി) എന്നിവർക്കു പിഎച്ച്ഡി നൽകി.
ബിരുദം : 37,887 പേർ രജിസ്റ്റർ ചെയ്തു
സർക്കാർ, എയ്ഡഡ്, സ്വശ്രയ ആർട്സ് ആൻഡ് സയൻസ് കോളജുകളിലെ ഏകജാലകം വഴിയുള്ള ഒന്നാം വർഷ ഡിഗ്രി പ്രോഗ്രാമുകളിൽ പ്രവേശനത്തിന് 37,887 അപേക്ഷകൾ ലഭിച്ചു. 28,311 അപേക്ഷകർ ബാങ്കിൽ ഫീസ് അടച്ചു. ഓണ്ലൈൻ രജിസ്ട്രേഷൻ 29നു വൈകുന്നേരം അഞ്ചിനു അവസാനിക്കും.
ക്വോട്ട സീറ്റ് പ്രവേശനം
സ്പോർട്സ്, കൾച്ചറൽ, വികലാംഗ സംവരണ സീറ്റുകളിലേക്കു പ്രവേശനത്തിനായി അപേക്ഷകർക്കു 27 വരെ കോളജുകളിൽ നേരിട്ട് അപേക്ഷ സമർപ്പിക്കാം. റാങ്ക് ലിസ്റ്റ് 29വരെ കോളജുകളിൽ പ്രസിദ്ധീകരിക്കുന്നതും പ്രവേശനം 30 നുള്ളിൽ പൂർത്തീകരിക്കും.
കോളജുകളുടെ ശ്രദ്ധയ്ക്ക്
പ്രവേശനം സംബന്ധിച്ചു ചില കോളജുകൾ സ്വന്തം നിലയിൽ പത്രപരസ്യങ്ങൾ നൽകുന്നതായി ശ്രദ്ധയിൽപ്പെട്ടു. ക്യാപ് പ്രവേശനം സംബന്ധിച്ച് സ്വന്തം നിലയിൽ കോളജുകൾ പരസ്യം നൽകരുത്.
മാനേജ്മെന്റ്, കമ്യൂണിറ്റി ക്വോട്ടകളിലേക്കുള്ള പ്രവേശനം സർവകലാശാല ഷെഡ്യൂൾ അനുസരിച്ചുവേ നടത്താവൂ.
ഇലേണിംഗ് പുസ്തക പ്രകാശനം
ഇലേണിംഗ് ഫാക്കൽറ്റി ഡെവലപ്പ്മെന്റ് പ്രോഗ്രാമിനോടനുബന്ധിച്ച് ഡിപ്പാർട്ട്മെന്റ് ഓഫ് പ്രിന്റിംഗ് ആൻഡ് പബ്ലിഷിംഗ് പ്രസിദ്ധീകരിക്കുന്ന ഇൻസ്ട്രക്ഷണൽ ഡിസൈൻ ഫോർ ഷോർട്ട് ലേണിംഗ് ഓബ്ജക്ട് എന്ന പുസ്തകത്തിന്റെ പ്രകാശനം നാളെ രാവിലെ 10.30ന് സ്കൂൾ ഓഫ് കംപ്യൂട്ടർ സയൻസിൽ വൈസ് ചാൻസിലർ ഡോ. ബാബു സെബാസ്റ്റ്യൻ നിർവഹിക്കും.