എംഎസ്സി എൻവയോണ്മെന്റൽ സയൻസ് : അപേക്ഷ ക്ഷണിച്ചു
കണ്ണൂർ സർവകലാശാലയുടെ മാങ്ങാട്ടുപറന്പ് കാന്പസിൽ പ്രവർത്തിക്കുന്ന എൻവയോണ്മെന്റൽ സ്റ്റഡീസ് പഠനവകുപ്പിൽ പിജി പ്രവേശനത്തിന് അപേക്ഷ ക്ഷണിച്ചു. എൻവയോണ്മെന്റൽ സയൻസ്,എൻവയോണ്മെന്റൽ മാനേജ്മെന്റ്, ബോട്ടണി, സുവോളജി, കെമിസ്ട്രി, ഫിസിക്സ്, മൈക്രോബയോളജി, ബയോടെക്നോളജി, ബയോകെമിസ്ട്രി, അഗ്രികൾച്ചർ, ഹോർട്ടി കൾച്ചർ, ഫോറസ്ട്രി, ജിയോളജി, ജിയോഗ്രഫി തുടങ്ങിയ ശാസ്ത്രശാഖകളിൽ ബിരുദം നേടിയവർക്കും സിവിൽ, മെക്കാനിക്കൽ, കെമിക്കൽ, എൻവയോണ്മെന്റൽ ശാഖകളിലുള്ള എൻജിനിയറിംഗ് ബിരുദധാരികൾക്കും അപേക്ഷിക്കാം. ഫലം പ്രതീക്ഷിക്കുന്ന അവസാനവർഷ ബിരുദ വിദ്യാർഥികൾക്കും അപേക്ഷിക്കാം. പ്രവേശനപരീക്ഷയുടെ അടിസ്ഥാനത്തിലായിരിക്കും പ്രവേശനം. 400 രൂപയാണ് (എസ് സി/ എസ് ടി 250 രൂപ) അപേക്ഷാഫീസ്. അപേക്ഷാ ഫോറവും പ്രോസ്പെക്ടസും സർവകലാശാലയുടെ www.kannuruniversity.ac.in എന്ന വെബ്സൈറ്റിൽ ലഭ്യമാണ്. അപേക്ഷകൾ അപേക്ഷാഫീസിന്റെ ചെലാൻ സഹിതം ഹെഡ്, ഡിപ്പാർട്ട്മെന്റ് ഓഫ് എൻവയോണ്മെന്റൽ സ്റ്റഡീസ്, കണ്ണൂർ യൂണിവേഴ്സിറ്റി കാന്പസ്, മാങ്ങാട്ടുപറന്പ് (പിഒ) 670567 എന്ന വിലാസത്തിലോ നേരിട്ടോ ഈമാസം 31 നകം സമർപ്പിക്കണം. ഫോണ്: 04972781043, 9946349800.
ബികോം/ബിബിഎ (വിദൂര വിദ്യാഭ്യാസം) പ്രായോഗിക പരീക്ഷ
കണ്ണൂർ സർവകലാശാലയുടെ അവസാനവർഷ ബികോം/ബിബിഎ (വിദൂര വിദ്യാഭ്യാസം) ഡിഗ്രി (റഗുലർ/സപ്ലിമെന്ററി/ഇംപ്രൂവ്മെന്റ് മാർച്ച് 2017) യുടെ പ്രായോഗിക പരീക്ഷകൾ തോട്ടട ശ്രീനാരായണ കോളജിൽ രജിസ്റ്റർ ചെയ്ത വിദ്യാർഥികൾക്ക് 26 മുതലും മറ്റു കേന്ദ്രങ്ങളിൽ രജിസ്റ്റർ ചെയ്ത വിദ്യാർഥികൾക്കു 29 മുതലും ആരംഭിക്കും. വിശദമായ ടൈംടേബിൾ യൂണിവേഴ്സിറ്റി വെബ്സൈറ്റിൽ ലഭ്യമാണ്.
കോളജുകളും പഠനവകുപ്പുകളും ജൂൺ ഒന്നിന് തുറക്കും
സർവകലാശാലയുടെ കീഴിലുള്ള പഠനവകുപ്പുകളും അഫിലിയേറ്റഡ് കോളജുകളും മധ്യവേനൽ അവധി കഴിഞ്ഞ് ജൂൺ ഒന്നിനു തുറക്കും.
നോഡൽ ഓഫീസർമാർ രജിസ്റ്റർ ചെയ്യണം
കണ്ണൂർ സർവകലാശാലയോട് അഫിലിയേറ്റ് ചെയ്തിട്ടുള്ള എല്ലാ ആർട്സ് സയൻസ് കോളജുകളിലെയും നോഡൽ ഓഫീസർമാർ ഇന്നുതന്നെ www.cap.kannuruniversity.ac.in എന്ന വെബ്സൈറ്റിൽ രജിസ്റ്റർ ചെയ്യണം.
ജേർണലിസം കോഴ്സിന് അപേക്ഷ ക്ഷണിച്ചു
കണ്ണൂർ യൂണിവേഴ്സിറ്റി മാസ് കമ്മ്യൂണിക്കേഷൻ ആൻഡ് ജേർണലിസം പിജി കോഴ്സിന് അപേക്ഷ ക്ഷണിച്ചു. അപേക്ഷാഫോറം യൂണിവേഴ്സിറ്റി വെബ്സൈറ്റിൽ ലഭിക്കും. പൂരിപ്പിച്ച അപേക്ഷയോടൊപ്പം എല്ലാ സർട്ടിഫിക്കറ്റുകളുടെയും സ്വയം സാക്ഷ്യപ്പെടുത്തിയ കോപ്പിയും അപേക്ഷാഫീസ് 400 രൂപയും (എസ് സി/എസ്ടി 250 രൂപ) കോഴ്സ് ഡയറക്ടർ, ഡിപ്പാർട്ട്മെന്റ് ഓഫ് മാസ് കമ്യൂണിക്കേഷൻ ആൻഡ് ജേർണലിസം, മാങ്ങാട്ടുപറന്പ് കാന്പസ്, കണ്ണൂർ യൂണിവേഴ്സിറ്റി670567 എന്ന വിലാസത്തിൽ അയയ്ക്കണം. അവസാന തീയതി ഈമാസം 31 ആണ്. പ്രവേശന പരീക്ഷ ജൂൺ 21ന് രാവിലെ 11ന് ജേർണലിസം ഡിപ്പാർട്ട്മെന്റിൽ നടക്കും.