ബിഎസ്സി ഹോട്ടൽ മാനേജ്മെന്റ് ആൻഡ് കാറ്ററിംഗ് പ്രാക്ടിക്കൽ പരീക്ഷ
കരിയർ റിലേറ്റഡ് സിബിസിഎസ്എസ് ആറാം സെമസ്റ്റർ ബിഎസ്സി ഹോട്ടൽ മാനേജ്മെന്റ് ആൻഡ് കാറ്ററിംഗ് സയൻസിന്റെ പ്രാക്ടിക്കൽ (പ്രോജക്ട് റിപ്പോർട്ട് ആൻഡ് വൈവ വോസി) പരീക്ഷകൾ മെയ് 29 മുതൽ അതാത് പരീക്ഷാകേന്ദ്രങ്ങളിൽ വച്ച് നടത്തുന്നതാണ്. വിശദമായ ടൈംടേബിൾ വെബ്സൈറ്റിൽ ലഭിക്കും.
ബിരുദ പ്രവേശനം 2017 അക്ഷയ കേന്ദ്രങ്ങളിലെ ജീവനക്കാർക്ക് പരിശീലനം
2017 വർഷത്തെ ബിരുദ പ്രവേശനവുമായി പരിശീലനത്തിൽ പങ്കെടുക്കാത്ത അക്ഷയ കേന്ദ്രങ്ങളിലെ ജീവനക്കാർക്ക് 29ന് രാവിലെ പതിനൊന്നിന് സർവകലാശാല ആസ്ഥാനത്തുള്ള കംപ്യൂട്ടർ സെന്ററിൽ പരിശീലനം നൽകുന്നു. ഒരു അക്ഷയ കേന്ദ്രത്തിൽ നിന്ന് ഒരാൾക്ക് ഈ സൗജന്യ പരിശീലനത്തിൽ പങ്കെടുക്കാം. പങ്കെടുക്കാനാഗ്രഹിക്കുന്നവർ 27ന് നാലിനുമുൻപ് 04712386296 എന്ന ഫോണ് നന്പറിൽ ബന്ധപ്പെട്ട് രജിസ്റ്റർ ചെയ്യണം. പരാതി രഹിതമായ ഓണ്ലൈൻ രജിസ്ട്രേഷൻ ലക്ഷ്യമിട്ടാണ് സർവകലാശാല ഇത്തരത്തിൽ പരിശീലനം നൽകുന്നത്. ഈ അവസരം പരമാവധി പ്രയോജനപ്പെടുത്താൻ അറിയിക്കുന്നു. പങ്കെടുക്കുന്നവർ സ്വന്തം ചെലവിൽ ഹാജരാകണം.
KMAT പരീക്ഷ
ജൂണ് 11ന് നടക്കുന്ന KMAT2017 പരീക്ഷയ്ക്ക് ഓണ്ലൈൻ അപേക്ഷകൾ സ്വീകരിക്കുന്ന അവസാന തീയതി മെയ് 31. കൂടുതൽ വിവരങ്ങൾക്ക് kmatkerala.in എന്ന വെബ്സൈറ്റ് സന്ദർശിക്കുക.
ബിഎ/ബിഎസ്സി/ബികോം/ബിസിഎ/ബിബിഎ പരീക്ഷാകേന്ദ്രങ്ങൾ
30ന് ആരംഭിക്കുന്ന ആറാം സെമസ്റ്റർ കരിയർ റിലേറ്റഡ് സിബിസിഎസ് ബിഎ/ബിഎസ്സി/ബികോം/ബിസിഎ/ ബിബിഎ (2010 അഡ്മിഷൻ മേഴ്സി ചാൻസ്, 2011, 2012 അഡ്മിഷൻ) പരീക്ഷയ്ക്ക് അന്പലത്തറ നാഷണൽ കോളജ്, വാഴിച്ചൽ ഇമ്മാനുവൽ കോളജ്, കാഞ്ഞിരംകുളം കെഎൻഎം കോളജ്, തോന്നയ്ക്കൽ എ.ജെ കോളജ്, കുറവൻകോണം യുഐടി, നെയ്യാറ്റിൻകര യുഐടി എന്നീ സെന്ററുകൾ ആവശ്യപ്പെട്ട വിദ്യാർഥികൾ അവിടെ നിന്നും ഹാൾടിക്കറ്റ് വാങ്ങി കുറവൻകോണം യുഐടിയിൽ പരീക്ഷയെഴുതണം. ചവറ എംഎസ്എൻ ഇൻസ്റ്റിറ്റ്യൂട്ട്, കൊല്ലം യുഐടി, കൊല്ലം എസ്എൻ കോളജ്, എന്നീ സെന്ററുകൾ ആവശ്യപ്പെട്ട വിദ്യാർഥികൾ അവിടെ നിന്നും ഹാൾടിക്കറ്റ് വാങ്ങി കൊല്ലം യുഐടിയിൽ പരീക്ഷയെഴുതണം. കരുവാറ്റ യുഐടി, തുറവൂർ എസ്എൻജിഎം, എന്നീ സെന്ററുകൾ ആവശ്യപ്പെട്ട വിദ്യാർഥികൾ അവിടെ നിന്നും ഹാൾടിക്കറ്റ് വാങ്ങി ആലപ്പുഴ യുഐടിയിൽ പരീക്ഷയെഴുതണം. കൊട്ടാരക്കര യുഐടി, അടൂർ യുഐടി എന്നീ സെന്ററുകൾ ആവശ്യപ്പെട്ട വിദ്യാർഥികൾ അവിടെ നിന്നും ഹാൾടിക്കറ്റ് വാങ്ങി അടൂർ യുഐടിയിൽ പരീക്ഷയെഴുതണം. വിശദമായ ടൈംടേബിൾ വെബ്സൈറ്റിൽ ലഭിക്കും.