എംഎസ്‌സി ഫിസിക്സ്, കെമിസ്ട്രി, ജോഗ്രഫി പ്രവേശനം
കണ്ണൂർ യൂണിവേഴ്സിറ്റിയുടെ പയ്യന്നൂർ സ്വാമി ആനന്ദതീർഥ കാന്പസിൽ പയ്യന്നൂരിൽ പ്രവർത്തിക്കുന്ന സ്കൂൾ ഓഫ് പ്യൂർ ആൻഡ് അപ്പലൈഡ് ഫിസിക്സിൽ എംഎസ്‌സി ഫിസിക്സ് (അഡ്വാൻസ് മെറ്റിരിയൽ), എംഎസ്‌സി കെമിസ്ട്രി (മെറ്റീരിയൽ സയൻസ്), എംഎസ്‌സി ജോഗ്രഫി എന്നീ കോഴ്സുകളിലേക്ക് അപേക്ഷ ക്ഷണിച്ചു. പ്രവേശനപരീക്ഷയിൽ ലഭിക്കുന്ന മാർക്കിന്‍റെ അടിസ്ഥാനത്തിലാണു പ്രവേശനം. അപേക്ഷാഫോറവും പ്രോസ്പെക്ടസും www.kannuruniversity.ac.in എന്ന വെബ്സൈറ്റിൽനിന്ന് ഡൗണ്ലോഡ് ചെയ്യാം. ഈമാസം 31 നകം അപേക്ഷിക്കണം. ജനറൽവിഭാഗത്തിനു 400 രൂപയും എസ് സി/ എസ് ടി വിഭാഗത്തിനു 250 രൂപയുമാണ് അപേക്ഷാഫീസ്. വിലാസം: ഹെഡ്, സ്കൂൾ ഓഫ് പ്യൂർ ആൻഡ് അപ്പലൈഡ് ഫിസിക്സ്, കണ്ണൂർ യൂണിവേഴ്സിറ്റി, സ്വാമി ആനന്ദതീർഥ കാന്പസ്, എടാട്ട് (പിഒ), പയ്യന്നൂർ, കണ്ണൂർ, 670327. ഫോണ്: 04972806401, 04972806403 (ഫിസിക്സ്), 04972806402 (കെമിസ്ട്രി), 04972806400, 04972806403 (ജ്യോഗ്രഫി).
ഒന്നാം സെമസ്റ്റർ ഡിഗ്രി പരീക്ഷാഫലം
കണ്ണൂർ സർവകലാശാലയുടെ ഒന്നാം സെമസ്റ്റർ ബിഎ/ബിബിഎം/ബിഎ അഫ്സൽഉൽഉലമ/ബിഎസ്ഡബ്ല്യു/ബിടിടിഎം (സപ്ലിമെന്‍ററി2013 നും അതിനു മുന്പും അഡ്മിഷനുംനവംബർ 2016) ഡിഗ്രികളുടെ പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/ സൂക്ഷ്മപരിശോധന/ ഫോട്ടോകോപ്പി എന്നിവയ്ക്കുള്ള ഓണ്‍ലൈൻ അപേക്ഷകൾ വെബ്സൈറ്റിൽനിന്നും ഡൗണ്ലോഡ് ചെയ്ത മാർക്ക് ലിസ്റ്റിന്‍റെ സ്വയം സാക്ഷ്യപ്പെടുത്തിയ പകർപ്പിനൊപ്പം ജൂണ്‍ ഏഴുവരെ സ്വീകരിക്കും.
നാലാം സെമസ്റ്റർ ബി.ടെക് പരീക്ഷാഫലം
സെന്‍റ് ഗ്രിഗോറിയസ് കോളജ് വിദ്യാർഥികളുടെ 2016 മേയ് മാസം നടത്തിയ നാലാം സെമസ്റ്റർ ബിടെക് (റഗുലർ/സപ്ലിമെന്‍ററി/ഇംപ്രൂവ്മെന്‍റ്) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. മാർക്ക് ലിസ്റ്റ് ലഭ്യമാകുന്ന തീയതി പിന്നീട് അറിയിക്കും. പുനഃപരിശോധന/സൂക്ഷ്മപരിശോധന/ ഫോട്ടോകോപ്പി എന്നിവയ്ക്കുള്ള അപേക്ഷകൾ വെബ്സൈറ്റിൽനിന്നും ഡൗണ്ലോഡ് ചെയ്ത മാർക്ക് ലിസ്റ്റിന്‍റെ സ്വയം സാക്ഷ്യപ്പെടുത്തിയ പകർപ്പിനോടൊപ്പം ജൂണ്‍ മൂന്നിനകം സർവകലാശാലയിൽ സമർപ്പിക്കണം.
ബികോം പ്രാക്ടിക്കൽ പരീക്ഷ പുനഃക്രമീകരിച്ചു
അവസാന വർഷ ബികോം (വിദൂര വിദ്യാഭ്യാസ വിഭാഗംമാർച്ച് 2017) പരീക്ഷയ്ക്ക് ഇകെഎൻഎം ഗവ.കോളജ്, എളേരിത്തട്ട്, സെന്‍റ് പയസ് ടെൻത് കോളജ്, രാജപുരം, ഗവ.കോളജ് കാസർഗോഡ് എന്നീ കേന്ദ്രങ്ങളിൽ രജിസ്റ്റർ ചെയ്ത വിദ്യാർഥികൾക്ക് (മേയ് 29, 30, 31 തീയതികളിൽ കാസർഗോഡ് ഗവ. കോളജിൽ നിശ്ചയിച്ചത്) പ്രാക്ടിക്കൽ പരീക്ഷ ജൂണ്‍ 1, 2 തീയതികളിൽ കാസർഗോഡ് ദേളി കളനാടിലെ സഅദിയ കോളജിൽ നടക്കുന്ന രീതിയിൽ പുനഃക്രമീകരിച്ചു.
ഇതേ പരീക്ഷയ്ക്കു തളിപ്പറന്പ് സർ സയ്യിദ് കോളജ്, ശ്രീകണ്ഠാപുരം എസ്ഇഎസ് കോളജ് എന്നിവ കേന്ദ്രങ്ങളായി രജിസ്റ്റർ ചെയ്തവർക്ക് (മേയ് 29, 30 തീയതികളിൽ ശ്രീകണ്ഠപുരം എസ്ഇഎസ് കോളജിൽ നിശ്ചയിച്ചത്) പ്രാക്ടിക്കൽ പരീക്ഷ ജൂണ്‍ 1, 2 തീയതികളിൽ തളിപ്പറന്പ് സർ സയ്യിദ് കോളജിലും മേയ് 27ന് ശ്രീനാരായണ കോളജിൽ നിശ്ചയിക്കപ്പെട്ട പ്രാക്ടിക്കൽ പരീക്ഷ 30 ന് ചാല ചിന്മയ കോളജിലും നടക്കുന്ന രീതിയിൽ പുനഃക്രമീകരിച്ചു.
ഒന്നാം സെമസ്റ്റർ എംഎസ് സിഎംഎൽടി പരീക്ഷാഫലം
ഒന്നാം സെമസ്റ്റർ എംഎസ് സിഎംഎൽടി (സപ്ലിമെന്‍ററി ഡിസംബർ 2016) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
കേന്ദ്രീകൃത മൂല്യനിർണയ ക്യാന്പിൽ അധ്യാപകർ ഹജരാകണം
ജൂണ്‍ ഒന്നുമുതൽ കണ്ണൂർ സർവകലാശാലയിൽ അഫിലിയേറ്റ് ചെയ്യപ്പെട്ട കോളജുകൾ തുറന്നുപ്രവർത്തിക്കുമെങ്കിലും കേന്ദ്രീകൃത മൂല്യനിർണയ ക്യാന്പിൽ നിയോഗിക്കപ്പെട്ട അധ്യാപകർ ക്യാന്പ് തീരുന്നതുവരെ ക്യാന്പിൽ ഹാജരാകണമെന്ന് സർവകലാശാല വൈസ് ചാൻസലർ അറിയിച്ചു. ഇത്തരത്തിൽ നിയോഗിക്കപ്പെട്ട അധ്യാപകർക്ക് ക്യാന്പ് തീരുന്നതുവരെ ക്യാന്പിൽ തുടരാൻ അതത് കോളജുകളിലെ പ്രിൻസിപ്പൽമാർ അനുമതി നൽകേണ്ടതാണ്. ക്യാന്പിൽ മനഃപൂർവം പങ്കെടുക്കാത്ത അധ്യാപകർക്കെതിരേ അച്ചടക്ക നടപടികൾ സ്വീകരിക്കുന്നതാണെന്നും വൈസ് ചാൻസലർ അറിയിച്ചു.