ഇന്റേണൽ മാർക്ക് ഓണ്ലൈനായി സമർപ്പിക്കണം
കണ്ണൂർ സർവകലാശാലയുടെ കീഴിലുള്ള നാലാം സെമസ്റ്റർ ബിരുദവിദ്യാർഥികളുടെ (സിബിസിഎസ്എസ്2015 അഡ്മിഷൻ) ഇന്റേണൽ അസസ്മെന്റ് മാർക്കുകൾ ഓണ്ലൈനായി ഇന്നുമുതൽ ഒൻപതുവരെ സമർപ്പിക്കാം. സാക്ഷ്യപ്പെടുത്തിയ പ്രിന്റൗട്ട് 15 നകം സർവകലാശാലയിൽ എത്തിക്കണം. പരീക്ഷാഫലം പ്രസിദ്ധീകരിക്കുന്നതിലെ കാലതാമസം ഒഴിവാക്കാൻ ബന്ധപ്പെട്ട കോളജുകളിലെ പ്രിൻസിപ്പൽമാരും വകുപ്പുതലവൻമാരും ഇക്കാര്യം പ്രത്യേകം ഉറപ്പുവരുത്തണം. സംശയനിവാരണത്തിനായി
[email protected]എന്ന ഇമെയിൽ വിലാസത്തിലോ 0497 2715405 എന്ന നന്പറിലോ ബന്ധപ്പെടണം.
മൂന്നാം സെമസ്റ്റർ ബിഎ എൽഎൽബി പരീക്ഷാഫലം മൂന്നാം സെമസ്റ്റർ ബിഎ എൽഎൽബി നവംബർ 2015 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയത്തിനും സൂക്ഷ്മ പരിശോധനയ്ക്കുമുള്ള അപേക്ഷകൾ 14 വരെ സ്വീകരിക്കും.
ഈ പരീക്ഷയിൽ പരാജയപ്പെട്ട വിദ്യാർഥികൾ ഏഴിന് ആരംഭിക്കുന്ന മൂന്നാം സെമസ്റ്റർ (റെഗുലർ , സപ്ലിമെന്ററി) നവംബർ 2016 പരീക്ഷയ്ക്കുള്ള അപേക്ഷകൾ മൂന്നിനു വൈകുന്നേരം നാലിനുമുന്പ് പരീക്ഷാ കണ്ട്രോളർക്ക് സമർപ്പിക്കണം. വൈകി ലഭിക്കുന്നതും അപൂർണമോ ആയ അപേക്ഷകളും സ്വീകരിക്കില്ല.
അവസാന വർഷ ബികോം, ബിബിഎ (വിദൂര വിദ്യാഭ്യാസം) പ്രായോഗിക പരീക്ഷ കൂത്തുപറന്പ എംഇഎസ് കോളജിൽ കഴിഞ്ഞ 30 ന് നടത്തേണ്ടിയിരുന്ന അവസാന വർഷ ബികോം, ബിബിഎ (വിദൂര വിദ്യാഭ്യാസം) ഡിഗ്രി (റഗുലർ, സപ്ലിമെന്ററി, ഇംപ്രൂവ്മെന്റ് മാർച്ച് 2017) യുടെ പ്രായോഗിക പരീക്ഷകൾ അതേ കേന്ദ്രത്തിൽ ഈമാസം മൂന്നിന് നടക്കും.