കാര്യവട്ടം യൂണിവേഴ്സിറ്റി എൻജിനിയറിംഗ് കോളജിൽ ബിടെക് എൻആർഐ ക്വാട്ടയിലേക്ക് അപേക്ഷിക്കാം
കാര്യവട്ടം യൂണിവേഴ്സിറ്റി കോളജ് ഓഫ് എൻജിനിയറിംഗ് ഒന്നാം വർഷ ബിടെക് (201718) കംപ്യൂട്ടർ സയൻസ്, ഇൻഫർമേഷൻ ടെക്നോളജി, ഇലക്ട്രോണിക്സ് ആൻഡ് കമ്യൂണിക്കേഷൻസ് എന്നീ ബ്രാഞ്ചുകളിൽ എൻആർഐ ക്വാട്ടയിൽ അനുവദിക്കപ്പെട്ടിട്ടുള്ള സീറ്റുകളിലേക്ക് അപേക്ഷിക്കാം. അവസാന തീയതി ജൂണ്‍ അഞ്ച്. വിശദവിവരങ്ങൾ വെബ്സൈറ്റിൽ ലഭിക്കും. ഫോണ്: 04712308874.
സർട്ടിഫിക്കറ്റ് കോഴ്സ് ഇൻ കമ്യൂണിക്കേറ്റീവ് അറബിക്
അറബിക് പഠനവകുപ്പ് നടത്തുന്ന ആറ് മാസ സർട്ടിഫിക്കറ്റ് കോഴ്സ് ഇൻ കമ്യൂണിക്കേറ്റിവ് അറബിക് (201718, പാർട്ട് ടൈം ഈവനിംഗ്) കോഴ്സിന്റെ ഉദ്ഘാടനം ജൂണ്‍ ഒന്നിന് രാവിലെ 11ന് കാര്യവട്ടം കാന്പസിലെ അറബി വകുപ്പിൽ നടക്കും. രജിസ്റ്റർ ചെയ്തിട്ടുള്ള മുഴുവൻ വിദ്യാർഥികളും കൃത്യസമയത്ത് ഹാജരാകണം.
എംഎസ്‌സി ക്ലിനിക്കൽ ന്യൂട്രിഷൻ ആൻഡ് ഡയറ്റെറ്റിക്സ് പരീക്ഷ
വിദൂര വിദ്യാഭ്യാസ പഠന കേന്ദ്രം ജൂലൈ 10 മുതൽ നടത്തുന്ന രണ്ടാം വർഷ എംഎസ്‌സി ക്ലിനിക്കൽ ന്യൂട്രിഷൻ ആൻഡ് ഡയറ്റെറ്റിക്ക്സ് (എംഎസ്‌സി സിഎൻഡി)(റഗുലർ ആൻഡ് സപ്ലിമെന്‍ററി) പരീക്ഷയ്ക്ക് ജൂണ്‍ ഒൻപത് വരെ(50 രൂപ പിഴയോടെ ജൂണ്‍ 13, 125 രൂപ പിഴയോടെ ജൂണ്‍ 15) ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.
പി.ജി ഡിപ്ലോമ ഇൻ യോഗ തെറാപ്പി (ഈവനിംഗ്) സീറ്റൊഴിവ്
തുടർ വിദ്യാഭ്യാസ വ്യാപന കേന്ദ്രം നടത്തുന്ന പി.ജി ഡിപ്ലോമ ഇൻ യോഗ തെറാപ്പി (ഈവനിംഗ് ബാച്ച്) കോഴ്സിന് സീറ്റൊഴിവുണ്ട്. കേരള സർവകലാശാല അംഗീകരിച്ച ബിരുദമാണ് അടിസ്ഥാന യോഗ്യത. കോഴ്സ് കാലാവധി ഒരു വർഷം. ക്ലാസുകൾ തിങ്കൾ മുതൽ ശനി വരെ വൈകുന്നേരം അഞ്ചു മുതൽ ഏഴുവരെ. കോഴ്സ് ഫീസ് 19500/ രൂപ അപേക്ഷ ഫീസ് 100 രൂപ. താത്പര്യമുള്ളവർ തിരുവനന്തവുരം പിഎംജി ജംഗ്ഷനിലെ സിഎസിഇഇ വകുപ്പുമായി ബന്ധപ്പെടുക. അവസാന തീയതി ജൂണ്‍ ഏഴ്. വിശദ വിവരങ്ങൾക്ക് ഫോണ് : 04712302523.
ലൈബ്രറി സയൻസ് കോഴ്സ് പ്രവേശനം
തുടർ വിദ്യാഭ്യാസ വ്യാപന കേന്ദ്രം (സിഎസിഇഇ) നടത്തുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് അപേക്ഷ ക്ഷണിച്ചു. യോഗ്യത പ്ലസ് ടു/ പ്രീഡിഗ്രി ജയം. കോഴ്സ് ഫീസ് 7500/ രൂപ. കോഴ്സ് കാലാവധി ആറ് മാസം. അപേക്ഷ ഫീസ് 100 രൂപ. ക്ലാസുകൾ ശനി ഞായർ ദിവസങ്ങളിൽ മാത്രം. വിശദവിവരങ്ങൾക്ക് പിഎംജി ജംഗ്ഷനിലെ സിഎസിഇഇ വകുപ്പുമായി ബന്ധപ്പെടുക. അവസാനതീയതി ജൂണ്‍ 15. ഫോണ് : 04712302523.
അഡ്വാൻസ്ഡ് ഫംഗ്ഷണൽ ഇംഗ്ലീഷ് ആൻഡ് പബ്ലിക് സ്പീക്കിങ് കോഴ്സ് സീറ്റൊഴിവ്
തുടർ വിദ്യാഭ്യാസ വ്യാപന കേന്ദ്രം നടത്തുന്ന സർട്ടിഫിക്കറ്റ് ഇൻ അഡ്വാൻസ്ഡ് ഫംഗ്ഷണൽ ഇംഗ്ലീഷ് ആന്‍ഡ് പബ്ലിക് സ്പീക്കിംഗ് കോഴ്സിന് സീറ്റൊഴിവുണ്ട്. യോഗ്യത പ്ലസ് ടു/ പ്രീഡിഗ്രി ജയം.അവസാനതീയതി ജൂണ്‍ ഏഴ്. കോഴ്സ് കാലാവധി ആറ് മാസം. കോഴ്സ് ഫീസ് 6000/. അപേക്ഷ ഫീസ് 100 രൂപ. വിശദവിവരങ്ങൾക്ക് പിഎംജി ജംഗ്ഷനിലെ സിഎസിഇഇ വകുപ്പുമായി ബന്ധപ്പെടുക. ഫോണ് : 04712302523.
ബിസിഎ ഫലം
2016 ജൂലൈയിൽ നടത്തിയ രണ്ടാം സെമസ്റ്റർ സിബിസിഎസ് കരിയർ റിലേറ്റഡ് ബിസിഎ (റഗുലർ 2015 സ്കീം, ഇംപ്രൂവ്മെന്‍റ്/ സപ്ലിമെന്‍ററി 2014 & 2013 സ്കീം) ഡിഗ്രി പരീക്ഷയുടെ ഫലം വെബ്സൈറ്റിൽ ലഭിക്കും.
ബിടെക് ടൈംടേബിൾ
ജൂണിൽ നടത്തുന്ന ആറാം സെമസ്റ്റർ ബിടെക് 2013 സ്കീം (റഗുലർ) പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
ബിഎസ്‌സി നഴ്സിംഗ് പരീക്ഷ
ജൂലൈ 25 മുതൽ നടത്തുന്ന രണ്ടാം വർഷ ബിഎസ്‌സി നഴ്സിംഗ് (സപ്ലിമെന്‍ററി) പരീക്ഷയ്ക്ക് ജൂലൈ നാല് വരെ(50 രൂപ പിഴയോടെ ജൂലൈ ആറ്, 125 രൂപ പിഴയോടെ ജൂലൈ പത്ത്) ഫീസടച്ച് അപേക്ഷിക്കാം.
ജൂലൈ 11മുതൽ നടത്തുന്ന മൂന്നാം വർഷ ബിഎസ്‌സി നഴ്സിംഗ് (സപ്ലിമെന്‍ററി) ഡിഗ്രി പരീക്ഷയ്ക്ക് ജൂണ്‍ 21വരെ (50 രൂപ പിഴയോടെ ജൂണ്‍ 23, 125 രൂപ പിഴയോടെ ജൂണ്‍ 26) ഫീസടച്ച് അപേക്ഷിക്കാം.
ബിഫാം സപ്ലിമെന്‍ററി പരീക്ഷ
ജൂണ്‍ 28 മുതൽ നടത്തുന്ന നാലാം വർഷ (അവസാന വർഷ) ബിഫാം സപ്ലിമെന്‍ററി പരീക്ഷയ്ക്ക് ജൂണ്‍ ഏഴുവരെ(50 രൂപ പിഴയോടെ ജൂണ്‍ ഒൻപത്, 125 രൂപ പിഴയോടെ ജൂണ്‍ 12) ഫീസടച്ച് അപേക്ഷിക്കാം.
എംഎസ്‌സി ഡെമോഗ്രഫി വൈവ വോസി
എംഎസ്‌സി ഡെമോഗ്രഫി നാലാം സെമസ്റ്റർ വിദ്യാർഥികളുടെ വൈവ വോസി മൂന്നിന് രാവിലെ 10.30ന് ഡിപ്പാർട്ട്മെന്‍റിൽ നടക്കും.