പിജിഡിഎച്ച്ആർഎം, പിജിഡിഎംഎം, പിജിഡിടിടിഎം ടൈംടേബിൾ
വിദൂര വിദ്യാഭ്യാസ കേന്ദ്രം 19 മുതൽ 28വരെ നടത്തുന്ന പിജിഡിഎച്ച്ആർഎം, പിജിഡിഎംഎം, പിജിഡിടിടിഎം സപ്ലിമെന്ററി പരീക്ഷകളുടെ ടൈംടേബിൾ വെബ്സൈറ്റിൽ ലഭിക്കും.
ഒന്നാം വർഷ ബിരുദ പ്രവേശനം 2017: ഓണ്ലൈൻ രജിസ്ട്രേഷൻ അവസാന തീയതി ജൂണ് 10
അഫിലിയേറ്റ് ചെയ്തിട്ടുള്ള കോളജുകളിൽ ഒന്നാം വർഷ ബിരുദ പ്രവേശനത്തിനുള്ള ഓണ്ലൈൻ രജിസ്ട്രേഷൻ 10ന് അവസാനിക്കും. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാലയിലേക്ക് അയക്കേണ്ട തില്ല. പ്രവേശന സമയത്ത് കോളജുകളിൽ ഹാജരാക്കിയാൽ മതിയാകും.
എസ്ഇബിസി വിഭാഗത്തിന്റെ പ്രവേശനം
2017ലെ ഒന്നാം വർഷ ബിരുദ പ്രവേശനത്തിന് ക്ഷണിച്ച ഓണ്ലൈൻ അപേക്ഷയിൽ എസ്ഇബിസി വിഭാഗത്തിനുളള സംവരണത്തിന് വാർഷിക വരുമാനം ബാധകമാക്കിയിരുന്നു. എന്നാൽ ഇപ്പോൾ ഇതിനുള്ള മാനദണ്ഡം നോണ് ക്രിമിലെയർ സർട്ടിഫിക്കറ്റാണ്. ആറ് ലക്ഷം രൂപയിൽ കൂടുതൽ വാർഷിക വരുമാനം ഉണ്ടെ ന്ന കാരണത്താൽ ഓണ്ലൈൻ അപേക്ഷയിൽ എസ്ഇബിസി സംവരണം നൽകാൻ കഴിയാതിരുന്ന വിദ്യാർഥികൾക്ക് നോണ് ക്രിമിലെയർ സർട്ടിഫിക്കറ്റ് ബന്ധപ്പെട്ട അധികാരികളിൽ നിന്നും ലഭ്യമാകുന്ന പക്ഷം അഡ്മിഷൻ വെബ്സൈറ്റിൽ ലോഗിൻ ചെയ്ത ശേഷം അവരുടെ ഓണ്ലൈൻ അപേക്ഷയിൽ മാറ്റം വരുത്താം. ഇങ്ങനെയുള്ള അപേക്ഷകർ തങ്ങളുടെ പ്രൊഫൈലിൽ നോണ് ക്രിമിലെയർ ആണോ/അല്ലയോ എന്ന് രേഖപ്പെടുത്തണം. ആറ് ലക്ഷത്തിൽ താഴെ വാർഷിക വരുമാനം രേഖപ്പെടുത്തി ഇതിനകം അപേക്ഷ സമർപ്പിച്ചവർ തത്കാലം അപേക്ഷയിൽ മാറ്റം വരുത്തേണ്ടതില്ല. എന്നാൽ എസ്ഇബിസി സംവരണ സീറ്റിൽ പ്രവേശനം അനുവദിക്കപ്പെടുന്ന എല്ലാവരും കോളജുകളിൽ പ്രവേശനത്തിനായി ഹാജരാകുന്പോൾ നോണ് ക്രിമിലെയർ സർട്ടിഫിക്കറ്റ് നിർബന്ധമായും ഹാജരാക്കണം. ഇപ്രകാരം സർട്ടിഫിക്കറ്റ് ഹാജരാക്കാത്തവരുടെ സംവരണ സീറ്റിലുള്ള പ്രവേശനം നിഷേധിക്കപ്പെടും. ജനറൽ, എസ്സി, എസ്ടി വിഭാഗക്കാർക്ക് ഇത് ബാധകമല്ല. ഒഇസി വിഭാഗത്തിൽ അപേക്ഷിച്ചവർക്ക് ഒബിഎച്ച്/ ഒബിഎക്സ് സംവരണത്തിന് അർഹതയുണ്ടെ ങ്കിൽ അക്കാര്യവും ലോഗിൻ ചെയ്ത ശേഷം പ്രൊഫൈലിൽ മാറ്റണം. പുതുതായി രജിസ്റ്റർ ചെയ്യുന്ന ജനറൽ/എസ്സി/എസ്ടി വിഭാഗത്തിൽപ്പെടുന്ന വിദ്യാർഥികൾക്ക് ക്രിമിലെയർ ഓപ്ഷൻ, നോണ് ക്രിമിലെയർ എന്നോ ക്രിമിലെയർ എന്നോ നൽകാം. ഏത് ഓപ്ഷൻ സ്വീകരിച്ചാലും അവർക്ക് ലഭിക്കേണ്ട അലോട്ട്മെന്റിനെ ബാധിക്കില്ല.
കമ്യൂണിറ്റി ക്വാട്ട/സ്പോർട്ട്സ് ക്വാട്ട അപേക്ഷയുടെ അവസാന തീയതി ഒൻപത്
അഫിലിയേറ്റ് ചെയ്തിട്ടുള്ള കോളജുകളിൽ കമ്യൂണിറ്റി ക്വാട്ടയിലും സ്പോർട്ട്സ് ക്വാട്ടയിലും ഒന്നാം വർഷ ബിരുദ പ്രവേശനം ആഗ്രഹിക്കുന്ന എല്ലാ വിദ്യാർഥികളും ഏകജാലക സംവിധാനം വഴി സമർപ്പിച്ച അപേക്ഷയുടെ ഒരു പ്രിന്റൗട്ടും അനുബന്ധ രേഖകളും ബന്ധപ്പെട്ട കോളജുകളിൽ ഒൻപതിനു വൈകുന്നേരം അഞ്ചിനു മുൻപ് സമർപ്പിക്കണം. സർവകലാശാലയിലേക്ക് അപേക്ഷകൾ അയക്കരുത്.
പി.ജി സർട്ടിഫിക്കറ്റ് ഇൻ കൗണ്സലിംഗ് പ്രവേശനം
തുടർ വിദ്യാഭ്യാസ വ്യാപനകേന്ദ്രം നടത്തുന്ന പി.ജി സർട്ടിഫിക്കറ്റ് ഇൻ കൗണ്സലിംഗ് കോഴ്സിന് അപേക്ഷ ക്ഷണിക്കുന്നു.യോഗ്യത കേരള സർവകലാശാല അംഗീകരിച്ച ബിരുദം. കോഴ്സ് ഫീസ് 6000 രൂപ. കാലാവധി നാല് മാസം. അപേക്ഷ ഫീസ് 100 രൂപ. ക്ലാസുകൾ ശനി, ഞായർ ദിവസങ്ങളിൽ മാത്രം. അവസാന തീയതി 20. വിശദവിവരങ്ങൾക്ക് പിഎംജിയിലുള്ള സിഎസിഇഇ കേന്ദ്രവുമായി ബന്ധപ്പെടുക. ഫോണ്: 04712302523.
ഹിന്ദി അലുമ്നി അസോസിയേഷൻ വാർഷിക സംഗമം
രജത ജൂബിലി ആഘോഷത്തിന്റെ ഭാഗമായി തയാറാക്കിയ സുവനീറിന്റെ പ്രകാശനവും അസോസിയേഷന്റെ മറ്റ് ഭാവി പരിപാടികളെ പറ്റി ചർച്ച ചെയ്യുന്നതിനും ഹിന്ദി അലുമ്നി അസോസിയേഷന്റെ വാർഷിക സംഗമം 10നു രാവിലെ 10ന് ഹിന്ദി പഠനവകുപ്പിൽ നടക്കും.