എംജി സർവകലാശാല പ്രശംസാപത്രം നൽകും
കോട്ടയം: ഫുൾ ബ്രൈറ്റ് ഫെലോഷിപ്പ് നേടിയ എംജി യൂണിവേഴ്സിറ്റിയിലെ ഇന്റർനാഷണൽ ആൻഡ് ഇന്റർ യൂണിവേഴ്സിറ്റി സെന്റർ ഫോർ നാനോ സയൻസ് ആൻഡ് നാനോ ടെക്നോളജി ഡയറക്ടർ പ്രഫ. സാബു തോമസ്, നാഷണൽ അക്കാദമി ഓഫ് സയൻസസ് ഇന്ത്യ സമിതിയംഗമായി തെരഞ്ഞെടുക്കപ്പെട്ട ഐഐആർബിഎസ് ഡയറക്ടർ പ്രഫ. ഇബ്നുസൗദ്, ഗവേഷണ മേഖലയിൽ ശ്രദ്ധേയമായ നേട്ടങ്ങൾ കൈവരിച്ച യൂണിവേഴ്സിറ്റിയിലെ ഗവേഷകരായ അഞ്ജു കെ. നായർ, ജിഷ ചന്ദ്രൻ എന്നിവർക്കു പ്രശംസ പത്രം നൽകാൻ ഇന്നലെ ചേർന്ന എംജി യൂണിവേഴ്സിറ്റി സിൻഡിക്കറ്റ് യോഗം തീരുമാനിച്ചു.
യൂണിവേഴ്സിറ്റിയിലെ പരീക്ഷാ നടത്തിപ്പിനു നേതൃത്വം നൽകുകയും ബിരുദഫലങ്ങൾ അതിവേഗത്തിൽ പ്രസിദ്ധപ്പെടുത്തി യൂണിവേഴ്സിറ്റിയിലെ പരീക്ഷാ നടത്തിപ്പിനു നേതൃത്വം നൽകിയ പരീക്ഷാ കണ്ട്രോളറുടെ ചുമതല വഹിച്ചിരുന്ന പരീക്ഷാ വിഭാഗം ജോയിന്റ് രജിസ്ട്രാർ സി. രവീന്ദ്രനും, യൂണിവേഴ്സിറ്റിയിലെ ഡേറ്റാ സെന്റർ സ്ഥാപിച്ചുതുമായി ബന്ധപ്പെട്ട പ്രവർത്തനങ്ങൾക്കു സ്തുത്യർഹമായ മേൽനോട്ടം വഹിച്ച യൂണിവേഴ്സിറ്റിയിലെ ഉദ്യോഗസ്ഥരായ ഭരണവിഭാഗം ജോയിന്റ് രജിസ്ട്രാർ ജി. രമേഷ്, വൈസ്ചാൻസലറുടെ ഓഫീസിലെ ഡെപ്യൂട്ടി രജിസ്ട്രാർ പി. രഘുനാഥ്, സിസ്റ്റം മാനേജറുടെ ചുമതലയുള്ള എം. വി ഹരികൃഷ്ണൻ, പരീക്ഷാ കംപ്യൂട്ടർ വിഭാഗം സെക്ഷൻ ഓഫീസർ ആർ ദിലീപ് കുമാർ എന്നിവർക്കും പ്രശംസ പത്രം നൽകുവാനുള്ള ശിപാർശയും സിൻഡിക്കറ്റ് അംഗീകരിച്ചു. യോഗത്തിൽ വൈസ് ചാൻസലർ ഡോ. ബാബു സെബാസ്റ്റ്യൻ അധ്യക്ഷത വഹിച്ചു.