ബിരുദ ഏകജാലകം: ട്രയൽ അലോട്ട്മെന്റ് പ്രസിദ്ധീകരിച്ചു
എംജി സർവകലാശാലയിലെ അഫിലിയേറ്റഡ് സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളജുകളിൽ ഏകജാലകം വഴിയുള്ള ഒന്നാം വർഷ ബിരുദ പ്രോഗ്രാമുകളിലേക്കുള്ള ട്രയൽ അലോട്ട്മെന്റ് പ്രസിദ്ധീകരിച്ചു. ഓപ്ഷനുകൾ നാളെ വൈകുന്നേരം അഞ്ചു വരെ പുതുക്കാവുന്നതും ഓണ്ലൈൻ അപേക്ഷയിൽ തിരുത്തലുകൾ വരുത്താവുന്നതുമാണ്. അപേക്ഷകർക്ക് ഉചിതമായ ഓപ്ഷനുകൾ തെരഞ്ഞെടുക്കുന്നതിലേക്കായി ഓപ്ഷനായി നൽകിയിട്ടുള്ള വിവിധ പ്രോഗ്രാമുകളിലെ ഇൻഡക്സ് മാർക്കും, ട്രയൽ അലോട്ട്മെന്റിലെ വിവിധ പ്രോഗ്രാമുകളിലെ ലാസ്റ്റ് റാങ്ക് വിശദാംശങ്ങളും പ്രൊവിഷണൽ റാങ്ക് ലിസ്റ്റും വെബ്സൈറ്റിൽ ലഭ്യമാണ്. അപേക്ഷകർക്ക് തങ്ങൾ ഓപ്ഷനായി നൽകിയിട്ടുള്ള വിവിധ പ്രോഗ്രാമുകളിലെ ഇൻഡക്സ് മാർക്ക്, വെബ്സൈറ്റിൽ നൽകിയിട്ടുള്ള വിവിധ പ്രോഗ്രാമുകളുടെ സീറ്റ് വിശദാംശങ്ങൾ, ലാസ്റ്റ് റാങ്ക് വിശദാംശംങ്ങൾ പ്രൊവിഷണൽ റാങ്ക് ലിസ്റ്റ് എന്നിവ പരിശോധിച്ച് ഉചിതമായ ഓപ്ഷനുകൾ ആവശ്യമെങ്കിൽ പുതുതായി നൽകുകയോ പുനക്രമീകരിക്കുകയോ ഒഴിവാക്കുകയോ ചെയ്യാം. അപേക്ഷയിലെ കൃത്യത ഉറപ്പു വരുത്തുന്നതിനും അനുയോജ്യമായ ഓപ്ഷനുകൾ നൽകുന്നതിനും ആവശ്യമായ വിവരങ്ങൾ വെബ്സൈറ്റിൽ നൽകിയിട്ടുണ്ട്. ഒന്നാം അലോട്ട്മെന്റ് 13 ന് പ്രസിദ്ധീകരിക്കും. ഹെൽപ്പ് ലൈൻ നന്പർ : 0481 6555563.
ബിഎഡ് (സ്പെഷൽ എഡ്യൂക്കേഷൻ) പ്രവേശനം
അഫിലിയേറ്റഡ് സ്പെഷൽ എഡ്യൂക്കേഷൻ ട്രെയിനിംഗ് കോളജുകളിൽ 201718 അധ്യയന വർഷത്തിൽ നടത്തുന്ന ബിഎഡ് (സ്പെഷൽ എഡ്യൂക്കേഷൻലേണിംഗ് ഡിസെബിലിറ്റി, ഇന്റലക്ച്വൽ ഡിസെബിലിറ്റി) പ്രോഗ്രാമുകൾക്ക് 16 വരെ അപേക്ഷിക്കാം. റാങ്ക് ലിസ്റ്റ് 19 ന് പ്രസിദ്ധീകരിക്കുകയും 24ന് അഭിമുഖവും പ്രവേശനവും നടത്തുകയും ജൂലൈ 14 ന് ക്ലാസുകൾ ആരംഭിക്കും. ഓഗസ്റ്റ് 14 ന് പ്രവേശനം അവസാനിപ്പിക്കും. വിശദവിവരങ്ങൾ സർവകലാശാലാ വെബ്സൈറ്റിൽ.
പരീക്ഷാത്തീയതി
അഫിലിയേറ്റഡ് കോളജുകളിലെയും, യൂണിവേഴ്സിറ്റി കോളജ് ഓഫ് ടീച്ചേർ എഡ്യൂക്കേഷനിലെയും രണ്ടാം സെമസ്റ്റർ ബിഎഡ് (ക്രെഡിറ്റ് ആൻഡ് സെമസ്റ്റർ 2016 അഡ്മിഷൻ റെഗുലർ, 2015 അഡ്മിഷൻ സപ്ലിമെന്ററിദ്വിവത്സര കോഴ്സ്) ഡിഗ്രി പരീക്ഷകൾ 30 ന് ആരംഭിക്കും. അപേക്ഷകൾ 12 വരെയും, 50 രൂപ പിഴയോടെ 13 വരെയും, 500 രൂപ സൂപ്പർഫൈനോടെ 16 വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതവും (പരമാവധി 100) സിവി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടക്കണം.
അപേക്ഷാത്തീയതി
തൃപ്പൂണിത്തുറ ആർഎൽവി കോളജിൽ 2016 ജൂലൈ മാസത്തിൽ നടത്തിയ എംഎഫ്എ പരീക്ഷയിൽ തോറ്റ വിദ്യാർഥികൾക്ക് ഒന്പതു വരെ എം എഫ്എ (റെഗുലർ, സപ്ലിമെന്ററി) പരീക്ഷയ്ക്ക് അപേക്ഷിക്കാം.
പ്രാക്ടിക്കൽ പരീക്ഷ
2017 മാർച്ചിൽ നടത്തിയ നാലാം സെമസ്റ്റർ ബിസിഎ, ബിഎസ്സി കംപ്യൂട്ടർ അപ്ലിക്കേഷൻ (സിബിസിഎസ്എസ് 2013 മുതലുള്ള അഡ്മിഷൻ) ഡിഗ്രി പരീക്ഷകളുടെ പ്രാക്ടിക്കൽ 13, 14 തീയതികളിൽ വിവിധ കേന്ദ്രങ്ങളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ.
പരീക്ഷാഫലം
2017 മാർച്ചിൽ നടത്തിയ ഫൈനൽ ബിഡിഎസ് പാർട്ട് രണ്ട് (പുതിയതും & പഴയതും സ്കീം സപ്ലിമെന്ററി) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കുള്ള അപേക്ഷകൾ 16 വരെ സ്വീകരിക്കും.