കണ്ണൂർ സർവകലാശാലയുടെ നേരത്തെ മാറ്റിവച്ച നാലാം സെമസ്റ്റർ ബിഎ, ബിബിഎം, ബിസിഎ പരീക്ഷകൾ 19 മുതൽ നടക്കും. 19ന് ബിഎ പേപ്പർ 4B05ECO മാക്രോ ഇക്കണോമിക്സ് അനാലിസിസ് രണ്ട് (2013നും അതിനു മുന്പുമുള്ള അഡ്മിഷൻ), ബിസിഎ 4C04MAT ഓപ്പറേഷൻ റിസർച്ച്, ബിബിഎം 4A11BBM എന്റർപ്രണർഷിപ് (2011നും അതിനു മുന്പുമുള്ള അഡ്മിഷൻ), എന്നീ പരീക്ഷകളും 20ന് ബിഎ 4B06ECO ഇന്റർനാഷണൽ ഇക്കണോമിക്സ് (2011നും അതിനു മുന്പുമുള്ള അഡ്മിഷൻ), ബിബിഎം 4B06BBM ഫിനാൻഷ്യൽ മാനേജ്മെന്റ് (2011നും അതിനു മുന്പുമുള്ള അഡ്മിഷൻ) എന്നീ പരീക്ഷകളും 21ന് ബി.എ 4C04ECO മാത്തമാറ്റിക്കൽ ഇക്കണോമിക്സ് രണ്ട് (2012 13 അഡ്മിഷൻ), 4C08ECO ഹിസ്റ്ററി ഓഫ് ഇക്കണോമിക്സ് തോട്ട് രണ്ട് (2011നും അതിനു മുന്പുമുള്ള അഡ്മിഷൻ), 4C02HIS. സോഷ്യൽ ആൻഡ് കൾച്ചറൽ ഹിസ്റ്ററി ഓഫ് മോഡേണ് ഇംഗ്ലണ്ട്, ബിബിഎം 4C04BBM ഇൻഫർമേഷൻ ടെക്നോളജി ഫോർ മാനേജേഴ്സ് (2013നും അതിനു മുന്പുമുള്ള അഡ്മിഷൻ) എന്നീ പരീക്ഷകളും നടക്കും. പരീക്ഷാസമയത്തിൽ മാറ്റമില്ല.
തുറന്ന സംവാദം 12ന്
മാനേജ്മെന്റ് സ്റ്റഡീസിൽ ഗവേഷണം നടത്തുന്ന എ.കവിത എന്ന വിദ്യാർഥിനി തന്റെ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം (ഓപ്പണ് ഡിഫൻസ്) 12 ന് രാവിലെ 11ന് തലശേരി (പാലയാട്) കാന്പസിലെ മാനേജ്മെന്റ് സ്റ്റഡീസ് വിഭാഗത്തിൽ നടക്കും. പ്രബന്ധം സെമിനാറിന് മൂന്നു ദിവസം മുന്പുമുതൽ തലശേരി കാന്പസിലെ മാനേജ്മെന്റ് സ്റ്റഡീസ് വിഭാഗം ലൈബ്രറിയിൽ പരിശോധനയ്ക്ക് ലഭ്യമായിരിക്കും.
ഇന്റേണൽ മാർക്ക് ഓണ്ലൈൻ തീയതി നീട്ടി
കണ്ണൂർ സർവകലാശാലയുടെ കീഴിലുള്ള നാലാം സെമസ്റ്റർ ബിരുദവിദ്യാർഥികളുടെ (സിബിസിഎസ്എസ് 2015 അഡ്മിഷൻ) ഇന്റേണൽ അസസ്മെന്റ് മാർക്കുകൾ ഓണ്ലൈനായി സമർപ്പിക്കാനുള്ള തീയതി ഈ മാസം 16 വരെ നീട്ടി. സാക്ഷ്യപ്പെടുത്തിയ പ്രിന്റൗട്ട് 22നകം സർവകലാശാലയിൽ എത്തിക്കണം.
പഠനക്കുറിപ്പ് വിതരണം
കണ്ണൂർ സർവകലാശാല വിദൂര വിദ്യാഭ്യാസ വിഭാഗം മൂന്നാം വർഷ ബിരുദ വിദ്യാർഥികളുടെ പഠനക്കുറിപ്പുകൾ ചുവടെ കൊടുത്തിരിക്കുന്ന രീതിയിൽ വിവിധ പഠനകേന്ദ്രങ്ങളിൽ വിതരണം ചെയ്യും. ഇതുവരെയും മൂന്നാംവർഷ ട്യൂഷൻ ഫീസ് അടയ്ക്കാത്ത വിദ്യാർഥികൾ ട്യൂഷൻ ഫീസ് അടച്ച് ചലാൻ സർവകലാശാല വിദൂര വിദ്യാഭ്യാസ വിഭാഗത്തിലോ അല്ലെങ്കിൽ പഠനക്കുറിപ്പുകൾ വിതരണം ചെയ്യുന്ന കേന്ദ്രങ്ങളിലോ എത്തിക്കണം. പഠനക്കുറിപ്പുകൾ കൈപ്പറ്റാൻ വരുന്ന വിദ്യാർഥികൾ നിർബന്ധമായും ഐഡന്റിറ്റി കാർഡ് കൊണ്ടുവരേണ്ടതാണ്. തീയതി, പരീക്ഷാകേന്ദ്രം, വിതരണ കേന്ദ്രം ബ്രായ്ക്കറ്റിൽ എന്നീ ക്രമത്തിൽ ചുവടെ.
12, 13 തീയതികളിൽ കെഎംഎം ഗവ. വിമൻസ് കോളജ് കണ്ണൂർ, കണ്ണൂർ എസ്എൻ കോളജ്, ഗവ. ബ്രണ്ണൻ കോളജ് തലശേരി, നിർമലഗിരി കോളജ് കൂത്തുപറന്പ് (കണ്ണൂർ സർവകലാശാല താവക്കര). 15ന് ഗവ. കോളജ് കാസർഗോഡ്, ജിപിഎം ഗവ. കോളജ് മഞ്ചേശ്വരം (കണ്ണൂർ സർവകലാശാല കാന്പസ്, കാസർഗോഡ്). 17ന് ഇകെഎൻഎം കോളജ് എളേരിത്തട്ട്, സെന്റ് പയസ് ടെൻത് കോളജ് രാജപുരം, എൻഎഎസ് കോളജ് കാഞ്ഞങ്ങാട് (എൻഎഎസ് കോളജ്, കാഞ്ഞങ്ങാട്).
20, 21 തീയതികളിൽ പയ്യന്നൂർ കോളജ്, സിഎഎസ് കോളജ് മാടായി, സർ സയ്യിദ് കോളജ് തളിപ്പറന്പ്, എസ്ഇഎസ് കോളജ് ശ്രീകണ്ഠപുരം (കണ്ണൂർ സർവകലാശാല കാന്പസ് , മാങ്ങാട്ടുപറന്പ്). 23ന് എംജി കോളജ് ഇരിട്ടി, പിആർഎൻഎസ്എസ് കോളജ് മട്ടന്നൂർ (എംജി കോളജ് , ഇരിട്ടി), 26ന് ഗവ. കോളജ് മാനന്തവാടി (ഗവ. കോളജ് , മാനന്തവാടി). രണ്ടാം വർഷ ബിരുദ വിദ്യാർഥികളുടെ പഠനക്കുറിപ്പുകൾ 28 മുതൽ വിതരണം ചെയ്യും. വിശദവിവരങ്ങൾ പിന്നീട് ലഭ്യമാക്കും.
ഗ്രേഡ് കാർഡ് വിതരണം
കണ്ണൂർ സർവകലാശാല വിദൂര വിദ്യാഭ്യാസ വിഭാഗത്തിൽ രജിസ്റ്റർ ചെയ്ത് 2016 ജൂണിൽ ഒന്നും രണ്ടും വർഷ റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷയെഴുതിയ ഹിസ്റ്ററി ഒഴികെയുള്ള വിഷയങ്ങളിലെ ബിരുദാനന്തര ബിരുദ വിദ്യാർഥികളുടെയും ഏപ്രിൽ 2016 റഗുലർ, സപ്ലിമെന്ററി ഇംപ്രൂവ്മെന്റ് പരീക്ഷയെഴുതിയ ഒന്നും രണ്ടും വർഷ ബിസിഎ ബിരുദ വിദ്യാർഥികളുടെയും ഗ്രേഡ് കാർഡുകൾ 14ന് താഴെപറയുന്ന കേന്ദ്രങ്ങളിൽ രാവിലെ 10.30 മുതൽ ഉച്ചകഴിഞ്ഞ് 3.30 വരെ വിതരണം ചെയ്യും. പരീക്ഷാകേന്ദ്രം, വിതരണ കേന്ദ്രം ബ്രായ്ക്കറ്റിൽ എന്നീ ക്രമത്തിൽ ചുവടെ.
കെഎംഎം ഗവ. വിമൻസ് കോളജ് കണ്ണൂർ, എസ്എൻ കോളജ് കണ്ണൂർ, ഗവ. ബ്രണ്ണൻ കോളജ് തലശേരി (കണ്ണൂർ സർവകലാശാല, താവക്കര), ഗവ. കോളജ് കാസർഗോഡ്, ജിപിഎം ഗവ. കോളജ് മഞ്ചേശ്വരം (കണ്ണൂർ സർവകലാശാല കാന്പസ്, കാസർഗോഡ്), ഇ.കെ.എൻ.എം കോളജ് എളേരിത്തട്ട്, സെന്റ് പയസ് ടെൻത് കോളജ് രാജപുരം, എൻഎഎസ് കോളജ് കാഞ്ഞങ്ങാട് (എൻഎഎസ് കോളജ് , കാഞ്ഞങ്ങാട്), പയ്യന്നൂർ കോളജ് പയ്യന്നൂർ, സിഎഎസ് കോളജ് മാടായി, സർ സയ്യിദ് കോളജ് തളിപ്പറന്പ്, എസ്ഇഎസ് കോളജ് ശ്രീകണ്ഠപുരം (കണ്ണൂർ സർവകലാശാല കാന്പസ്, മാങ്ങാട്ടുപറന്പ്), എംജി കോളജ് ഇരിട്ടി, പിആർഎൻഎസ്എസ് കോളജ് , മട്ടന്നൂർ, നിർമലഗിരി കോളജ് , കൂത്തുപറന്പ് (എംജി കോളജ് , ഇരിട്ടി), ഗവ. കോളജ് , മാനന്തവാടി (ഗവ. കോളജ് , മാനന്തവാടി). വിദ്യാർഥികൾ ഹാൾ ടിക്കറ്റ്, ഐഡന്റിറ്റി കാർഡ് എന്നിവ കൊണ്ടുവരണം.
പിഎച്ച്ഡി പ്രവേശനം
കണ്ണൂർ സർവകലാശാലയുടെ കീഴിലുള്ള വിവിധ പഠനവകുപ്പുകളിലും അംഗീകൃത ഗവേഷണകേന്ദ്രങ്ങളിലും പിഎച്ച്ഡി ഗവേഷണത്തിനുള്ള പ്രവേശനപരീക്ഷയ്ക്കും തുടർന്നുള്ള കോഴ്സ് വർക്കിനും നിശ്ചിത യോഗ്യതയുള്ളവരിൽനിന്നും അപേക്ഷകൾ ക്ഷണിച്ചു. പിഎച്ച്ഡിക്കുള്ള അപേക്ഷകൾ ഓൺലൈനായി ചെയ്യാം. അപേക്ഷിക്കാനുള്ള അവസാന തീയതി ജൂലൈ ഏഴിനു വൈകുന്നേരം അഞ്ചുവരെയാണ്. ഓൺലൈനായി അപേക്ഷിച്ചശേഷം പ്രിന്റ് ഔട്ട് എടുത്ത് ഫോട്ടോ പതിച്ച് ഗസറ്റഡ് ഓഫീസറുടെ സാക്ഷ്യപ്പെടുത്തലോടുകൂടി ബന്ധപ്പെട്ട രേഖകൾ സഹിതം യൂണിവേഴ്സിറ്റിയിൽ സമർപ്പിക്കേണ്ട അവസാന തീയതി ജൂലൈ 14ന് വൈകുന്നേരം അഞ്ചുവരെയാണ്. പ്രസ്തുത തീയതിക്കുശേഷം സമർപ്പിക്കുന്ന അപേക്ഷകൾ സ്വീകരിക്കുന്നതല്ല. കൂടുതൽ വിവരങ്ങൾ www.kannuruniversity.ac.in എന്ന വെബ്സൈറ്റിൽ ലഭ്യമാണ്.