ഇന്നത്തെ എംസിഎ പ്രവേശന പരീക്ഷ മാറ്റി
കാലിക്കട്ട് സർവകലാശാല ഇന്ന് നടത്താനിരുന്ന എംസിഎ പ്രവേശന പരീക്ഷ ജൂണ് 18ലേക്ക് മാറ്റി. സമയം രണ്ട് മണി. ഫോണ് : 0494 2407422, 2407017.
പ്രവേശന പരീക്ഷാ ഹാൾടിക്കറ്റ്
15ന് രാവിലെ 11ന് നടത്തുന്ന എംഎസ് സി ക്ലിനിക്കൽ സൈക്കോളജി, ഉച്ചയ്ക്ക് രണ്ടിന് നടത്തുന്ന എംഎസ് സി സൈക്കോളജി പ്രവേശന പരീക്ഷകളുടെ ഹാൾടിക്കറ്റ് www.cuonline.ac.in വെബ്സൈറ്റിൽ നിന്ന് ഡൗണ്ലോഡ് ചെയ്യാം. ഫോണ്: 0494 2407016, 2407017.
ബിപിഎഡ് ഇന്റഗ്രേറ്റഡ് പ്രവേശന പരീക്ഷാ ഹാൾടിക്കറ്റ്
15ന് രാവിലെ ഒന്പത് മണിക്ക് നടത്തുന്ന ബിപിഎഡ് ഇന്റഗ്രേറ്റഡ് (നാല് വർഷം) പ്രവേശന പരീക്ഷകളുടെ ഹാൾടിക്കറ്റ് www.cuonline.ac.in വെബ്സൈറ്റിൽ നിന്ന് ഡൗണ്ലോഡ് ചെയ്യാം. പ്രവേശന പരീക്ഷക്ക് ശേഷം കായിക ക്ഷമതാ പരീക്ഷയും ഉണ്ടാകും. ഫോണ് : 0494 2407016, 2407017.
എസ്ഡിഇ ഫൈനൽ എംഎ, എംഎസ് സി, എംകോം ഹാൾടിക്കറ്റ്
വിദൂരവിദ്യാഭ്യാസം 16ന് ആരംഭിക്കുന്ന ഫൈനൽ എംഎ, എംഎസ് സി, എംകോം (മൂന്നും നാലും സെമസ്റ്റർ) പരീക്ഷക്ക് ഹാൾടിക്കറ്റിൽ കൊടുത്ത കേന്ദ്രങ്ങളിൽ ഹാജരാകണം. ഹാൾടിക്കറ്റ് വെബ്സൈറ്റിൽ. പരീക്ഷാ കേന്ദ്രം ഉറപ്പുവരുത്തുന്നതിനായി വെബ്സൈറ്റിൽ കൊടുത്ത വിവരങ്ങളുമായി ഒത്തുനോക്കണം. സംശയ നിവാരണത്തിന് വെബ്സൈറ്റിൽ നൽകിയ നന്പറിൽ ബന്ധപ്പെടണം. മാന്വലായി അപേക്ഷിച്ചവർ ഹാൾടിക്കറ്റ് അനുവദിക്കപ്പെട്ട കേന്ദ്രത്തിൽ നിന്ന് കൈപ്പറ്റണം.
പരീക്ഷ
എംസിഎ അഞ്ചാം സെമസ്റ്റർ (2011 മുതൽ പ്രവേശനം) റഗുലർ, സപ്ലിമെന്ററി പരീക്ഷ 23ന് രാവിലെ 9.30ന് ആരംഭിക്കും.
മൂന്നാം സെമസ്റ്റർ എംഎസ് സി റേഡിയേഷൻ ഫിസിക്സ് റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷ 21ന് രാവിലെ 9.30ന് സർവകലാശാലാ ഫിസിക്സ് പഠനവകുപ്പിൽ ആരംഭിക്കും.
കാലിക്കട്ട് സർവകലാശാല എംടിഎച്ച്എം മൂന്നാം സെമസ്റ്റർ റഗുലർ പരീക്ഷ 21നും, ഒന്നാം സെമസ്റ്റർ റഗുലർ, സപ്ലിമെന്ററി പരീക്ഷ 30നും രാവിലെ 9.30ന് പെരിന്തൽമണ്ണ എംഇഎസ് ആർട്സ് ആൻഡ് സയൻസ് കോളജിൽ ആരംഭിക്കും.
കാലിക്കട്ട് സർവകലാശാല വിദൂരവിദ്യാഭ്യാസം എംബിഎ നാലാം സെമസ്റ്റർ (2013 പ്രവേശനംറഗുലർ, 2012 പ്രവേശനംസപ്ലിമെന്ററി) പരീക്ഷ 21ന് രാവിലെ 9.30ന് ആരംഭിക്കും.
പരീക്ഷാഫലം
2016 ഡിസംബറിൽ നടത്തിയ മൂന്നാം സെമസ്റ്റർ എംഎസ് സി പോളിമെർ കെമിസ്ട്രി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 23 വരെ ഓണ്ലൈനിൽ അപേക്ഷിക്കാം.
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎ ഫിലോസഫി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 22 വരെ ഓണ്ലൈനിൽ അപേക്ഷിക്കാം.
ബിഫാം രണ്ടാം വർഷ സപ്ലിമെന്ററി (നവംബർ 2016) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 20 വരെ ഓണ്ലൈനിൽ അപേക്ഷിക്കാം.
പുനർമൂല്യനിർണയ ഫലം
ഒന്നാം സെമസ്റ്റർ ബികോ, ബിബിഎ (സിയുസിബിസിഎസ്എസ്), ബികോം ഓണേഴ്സ് (സിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് നവംബർ 2015 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
പഞ്ചവത്സര എൽഎൽബി ആറാം സെമസ്റ്റർ ഒക്ടോബർ 2016 (തടഞ്ഞുവെച്ച ഫലം), പത്താം സെമസ്റ്റർ ഒക്ടോബർ 2016, അഞ്ചാം സെമസ്റ്റർ ഏപ്രിൽ 2016 പരീക്ഷയുടെ പുനർമൂല്യനിർണയ ഫലങ്ങൾ വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
ബിഎസ് സി കൗണ്സലിംഗ് സൈക്കോളജി പ്രാക്ടിക്കൽ
കാലിക്കട്ട് സർവകലാശാലയുടെ വിദൂരവിദ്യാഭ്യാസം ആറാം സെമസ്റ്റർ ബിഎസ് സി കൗണ്സലിംഗ് സൈക്കോളജി (സിയുസിബിസിഎസ്എസ്, സിസിഎസ്എസ്സപ്ലിമെന്ററി) പ്രാക്ടിക്കൽ പരീക്ഷ 14, 17 തിയതികളിൽ പേരാന്പ്ര സിൽവർ ആർട്സ് ആൻഡ് സയൻസ് കോളജിൽ നടക്കും. വെബ്സൈറ്റിൽ നൽകിയ ഷെഡ്യൂൾ പ്രകാരം വിദ്യാർഥികൾ ഹാജരാകണം.