എംജി പിജി പ്രവേശനപരീക്ഷ ഇന്നും നാളെയും
എംജി സർവകലാശാല പഠനവകുപ്പുകളിലെ പിജി പ്രവേശനപരീക്ഷ ഇന്നും നാളെയും തിരുവനന്തപുരം, കോഴിക്കോട്, കോട്ടയം, എറണാകുളം എന്നീ കേന്ദ്രങ്ങളിൽ മുൻനിശ്ചയ പ്രകാരം തന്നെ നടക്കും.
പരീക്ഷത്തീയതി
ഒന്നും രണ്ടും സെമസ്റ്റർ എംഎസ്സി. സ്പേസ് സയൻസ് ആൻഡ് ടെക്നോളജി (2016 ന് മുന്പുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകൾ 28, ജൂലൈ 10 തീയതികളിൽ ആരംഭിക്കും. അപേക്ഷകൾ 15 വരെയും, 50 രൂപ പിഴയോടെ 16 വരെയും, 500 രൂപ സൂപ്പർഫൈനോടെ 19 വരെയും സ്വീകരിക്കും.
ബികോം (വൊക്കേഷണൽ ഒഎം ആൻഡ് എസ്പി) മേഴ്സിചാൻസ് പരീക്ഷകൾ 23 മുതൽ . വിശദമായ ടൈംടേബിൾ സർവകലാശാലാ വെബ്സൈറ്റിൽ .
പുതുക്കിയ പരീക്ഷാത്തീയതി
ജൂണ് അഞ്ചിന് നടത്താൻ നിശ്ചയിച്ചിരുന്നതും മാറ്റിവച്ചതുമായ ഒന്നും രണ്ടും സെമസ്റ്റർ ബിടെക് (പഴയ സ്കീം) 2017 പരീക്ഷയുടെ എൻജിനിയറിംഗ് ഗ്രാഫിക്സ് പരീക്ഷ 15 ന് നടത്താനായി പുതുക്കി നിശ്ചയിച്ചു. പരീക്ഷാ കേന്ദ്രത്തിനും സമയത്തിനും മാറ്റമില്ല.
പ്രാക്ടിക്കൽ, വൈവ വോസി
2017 ഏപ്രിലിൽ നടത്തിയ അഞ്ചാം സെമസ്റ്റർ ബിസിഎ, ബിഎസ്സി കംപ്യൂട്ടർ അപ്ലിക്കേഷൻ യുജി (സിബിസിഎസ്എസ്2013 ആൻഡ് 2014 അഡ്മിഷൻ ഇംപ്രൂവ്മെന്റ്, സപ്ലിമെന്ററി) ഡിഗ്രി പരീക്ഷകളുടെ പ്രാക്ടിക്കൽ, പ്രോജക്ട് വൈവാ വോസി പരീക്ഷകൾ 15നു മൂവാറ്റുപുഴ ഇലാഹിയ കോളജ് ഓഫ് ആർട്സ് ആൻഡ് സയൻസിലും, 16നു ഏറ്റുമാനൂർ ഏറ്റുമാനൂരപ്പൻ കോളജിലും എരുമേലി എംഇഎസ് കോളജിലും നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ.
നാലാം സെമസ്റ്റർ എംഎംഎച്ച് (റെഗുലർ, സപ്ലിമെന്ററി) മേയ്, ജൂണ് 2017 ഡിഗ്രി പരീക്ഷകളുടെ പ്രോജക്ടും വൈവാ വോസിയും 17നു രാവിലെ 9.30 മുതൽ കുട്ടിക്കാനം മരിയൻ കോളജിൽ നടത്തും. ടൈംടേബിൾ സർവകലാശാലാ വെബ്സൈറ്റിൽ.
പരീക്ഷാഫലം
2016 സെപ്റ്റംബറിൽ നടത്തിയ രണ്ടാം സെമസ്റ്റർ എംഎച്ച്ആർഎം (റെഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ 21 വരെ സ്വീകരിക്കും.
എംഫിൽ ക്ലാസുകൾ 15 ന് ആരംഭിക്കും.
സ്കൂൾ ഓഫ് ബയോസയൻസസിൽ 201617 അധ്യയന വർഷത്തിലെ എംഫിൽ ക്ലാസുകൾ 15നു രാവിലെ 10നു ആരംഭിക്കും.
എംഫിൽ എസ്സി സീറ്റൊഴിവ്
സ്കൂൾ ഓഫ് കെമിക്കൽ സയൻസിലെ 201617 എംഫിൽ ബാച്ചിലേക്ക് ഒരു പട്ടികജാതി സംവരണ സീറ്റ് ഒഴിവിൽ അപേക്ഷ ക്ഷണിച്ചു താത്പര്യമുള്ള, യോഗ്യരായ അപേക്ഷകർ എല്ലാ സർട്ടിഫിക്കറ്റുകളുമായി 14നു രാവിലെ 11നു സ്കൂൾ ഓഫ് കെമിക്കൽ സയൻസ് ഡയറക്ടർ മുന്പാകെ ഹാജരാകണം. ഫോണ് : 0481 2731036
റിസർച്ച് സ്റ്റാഫ് ഒഴിവ്
അഡ്വാൻസ്ഡ് മോളിക്യൂലാർ മെറ്റീരിയൽസ് റിസർച്ച് സെന്ററിൽ ഈഴവ സംവരണവിഭാഗത്തിൽ കരാർ അടിസ്ഥാനത്തിൽ ഒരു റിസർച്ച് സ്റ്റാഫ് ഒഴിവുണ്ട്. കെമിസ്ട്രിയിൽ പിഎച്ച്ഡി ബിരുദമാണ് യോഗ്യത. ഇനോർഗാനിക്, മെറ്റീരിയൽ കെമിസ്ട്രിയിൽ പോസ്റ്റ് ഡോക്ടറൽ പ്രവൃത്തിപരിചയം അഭിലഷണീയം. പ്രായം 2017 ജനുവരി ഒന്നിനു 43 വയസ്. പ്രതിമാസ വേതനം 25,000/ രൂപ. താത്പര്യമുള്ളവർക്ക് വിശദമായ ബയോഡാറ്റയും സർട്ടിഫിക്കറ്റുകളുടെ കോപ്പിയും സഹിതം തയാറാക്കിയ അപേക്ഷ ഓണററി ഡയറക്ടർ,
എഎംഎംആർസി, കെമിക്കൽ സയൻസ് ബിൽഡിംഗ്, എംജി സർവകലാശാല, പ്രിയദർശിനി ഹിൽസ് (പിഒ), കോട്ടയം 686560 എന്ന വിലാസത്തിൽ 17 വരെ സമർപ്പിക്കാം.
പ്രോജക്റ്റ് ഫെലോ, ടെക്നിക്കൽ അസിസ്റ്റന്റ് ഒഴിവുകൾ
എംജി സർവകലാശാലയിൽ ഡിപ്പാർട്ട്മെന്റ് ഓഫ് സയൻസ് ആൻഡ് ടെക്നോളജിയുടെ പഴ്സ് പ്രോഗ്രാമിന്റെ ഭാഗമായി അഞ്ച് സയൻസ് വകുപ്പുകളിലേക്ക് പ്രൊജക്റ്റ് ഫെലോ, ടെക്നിക്കൽ അസിസ്റ്റന്റ് എന്നിവരെ നിയമിക്കുന്നതിന് അപേക്ഷകൾ ക്ഷണിച്ചു.
അപേക്ഷ സ്വീകരിക്കുന്ന അവസാനതീയതി 19. വിശദവിവരങ്ങൾ വെബ്സൈറ്റിൽ.