ബികോം സൂക്ഷ്മപരിശോധന
2016 ജൂലൈയിൽ നടത്തിയ രണ്ടാം സെമസ്റ്റർ ബികോം പരീക്ഷയുടെ ഉത്തരക്കടലാസുകളുടെ സൂക്ഷ്മപരിശോധനയ്ക്കായി ഓണ്ലൈനായും ഓഫ്ലൈനായും അപേക്ഷിച്ചിട്ടുള്ള വിദ്യാർഥികൾ ഹാൾടിക്കറ്റുമായി ഇ.ജെടു സെക്ഷനിൽ 14 മുതൽ 24 വരെയുള്ള പ്രവൃത്തി ദിവസങ്ങളിൽ നേരിൽ ഹാജരാകണം. ഫോണ്: 04712386457.
മാർക്ക് ലിസ്റ്റുകൾ കൈപ്പറ്റണം
വിദൂരവിദ്യാഭ്യാസ കേന്ദ്രം നടത്തുന്ന ബിബിഎ ഡിഗ്രി കോഴ്സിന്റെ നാലാം സെമസ്റ്റർ പരീക്ഷയുടെ മാർക്ക് ലിസ്റ്റുകൾ അതാത് പരീക്ഷാകേന്ദ്രങ്ങളിൽ (കൊല്ലം ടികെഎം ആർട്സ് ആൻഡ് സയൻസ് കോളജ്, ചേർത്തല എസ്എൻ കോളജ്, തിരുവനന്തപുരം പാളയം എസ്ഡിഇ) നിന്നും കൈപ്പറ്റാം.
കമ്യൂണിറ്റി ക്വോട്ട
201718 അധ്യയന വർഷത്തിലെ ഒന്നാം വർഷ ബിരുദ പ്രവേശനത്തിൽ കമ്യൂണിറ്റി ക്വോട്ടയിൽ അപേക്ഷിച്ചവരുടെ റാങ്ക് ലിസ്റ്റ് 20ന് ബന്ധപ്പെട്ട കോളജ് നോട്ടീസ് ബോർഡിൽ പ്രസിദ്ധീകരിക്കും. പരാതി ഉള്ളവർ 24നു വൈകുന്നേരം അഞ്ചിനു മുൻപ് രേഖാമൂലം പരാതി ബന്ധപ്പെട്ട പ്രിൻസിപ്പലിനെ അറിയിക്കണം. പരാതികൾ പരിഗണിച്ച് തീർപ്പാക്കിയ ശേഷം റാങ്ക് ലിസ്റ്റ് 26ന് കോളജ് നോട്ടീസ് ബോർഡിൽ പ്രസിദ്ധപ്പെടുത്തും. ജൂലൈ ഒന്നു മുതൽ കോളജുകളിൽ പ്രവേശനം നേടാം.
സ്പോർട്സ് ക്വോട്ട
201718 അധ്യയന വർഷത്തിലെ ഒന്നാം വർഷ ബിരുദ പ്രവേശനത്തിൽ സ്പോർട്സ് ക്വോട്ടയിൽ അപേക്ഷിച്ചവരുടെ റാങ്ക് ലിസ്റ്റ് 19ന് ബന്ധപ്പെട്ട കോളജ് നോട്ടീസ് ബോർഡിൽ പ്രസിദ്ധപ്പെടുത്തും. പരാതി ഉള്ളവർ 24ന് വൈകുന്നേരം അഞ്ചിനു മുൻപ് രേഖാമൂലം പരാതി ബന്ധപ്പെട്ട പ്രിൻസിപ്പലിനെ അറിയിക്കണം. പരാതികൾ പരിഗണിച്ച് തീർപ്പാക്കിയ ശേഷം റാങ്ക് ലിസ്റ്റ് 26ന് കോളജ് നോട്ടീസ് ബോർഡിൽ പ്രസിദ്ധപ്പെടുത്തും. ജൂലൈ01 മുതൽ കോളജുകളിൽ പ്രവേശനം നേടാം.
മാനേജ്മെന്റ് ക്വോട്ട ലിങ്ക്
201718 അധ്യയന വർഷത്തിലെ ഒന്നാം വർഷ ബിരുദ പ്രവേശനത്തിനുള്ള മാനേജ്മെന്റ് ക്വോട്ട രജിസ്ട്രേഷനുള്ള ലിങ്ക് 26 മുതൽ വെബ്സൈറ്റിൽ ലഭ്യമാകും. ഒരു പ്രാവശ്യം ഓണ്ലൈൻ രജിസ്ട്രേഷൻ നടത്തിയിട്ടുള്ള വിദ്യാർഥികൾ വീണ്ടും രജിസ്ട്രേഷൻ നടത്തേണ്ടതില്ല. ആദ്യത്തെ ഓണ്ലൈൻ രജിസ്ട്രേഷന്റെ പ്രിന്റൗട്ട് തന്നെ മാനേജ്മെന്റ് ക്വാട്ട പ്രവേശനത്തിനും ഉപയോഗിക്കാം.
ബിഎ മ്യൂസിക് പ്രവേശനം
ഒന്നാം വർഷ ബിഎ മ്യൂസിക്കിന് പ്രവേശനം ആഗ്രഹിക്കുന്നവർ ഓണ്ലൈൻ അപേക്ഷയുടെ പ്രിന്റൗട്ടും അനുബന്ധരേഖകളും 15ന് വൈകുന്നേരം അഞ്ചിനു മുൻപ് അതത് കോളജുകളിൽ സമർപ്പിക്കണം. അഭിരുചി പരീക്ഷകൾ നീറമണ്കര എൻഎസ്എസ് കോളജിൽ 21 നും കൊല്ലം എസ്എൻ വനിതാ കോളജിൽ 22 നും തിരുവനന്തപുരം വഴുതക്കാട് ഗവണ്മെന്റ് വനിതാ കോളജിൽ 23 നും നടത്തും. 24ന് റാങ്ക് ലിസ്റ്റ് അതത് കോളജുകളിൽ പ്രസിദ്ധപ്പെടുത്തും. കൂടുതൽ വിവരങ്ങൾക്ക് ബന്ധപ്പെട്ട കോളജ് പ്രിൻസിപ്പലിനെ സമീപിക്കണം.
ബിഎസ്സി ഇലക്ട്രോണിക്സ് ഫലം
2016 ജൂലൈയിൽ നടത്തിയ രണ്ടാം സെമസ്റ്റർ ബിഎസ്സി ഇലക്ട്രോണിക്സ് (2013, 2014 അഡ്മിഷൻ സപ്ലിമെന്ററി, 2015 അഡ്മിഷൻ െ റഗുലർ) പരീക്ഷയുടെ ഫലം വെബ്സൈറ്റിൽ ലഭിക്കും.
സൗജന്യ യോഗ ക്ലാസ്
തുടർ വിദ്യാഭ്യാസ വ്യാപനകേന്ദ്രത്തിന്റെ ആഭിമുഖ്യത്തിൽ അന്തർദേശീയ യോഗാദിനത്തോടനുബന്ധിച്ച് 14 മുതൽ 21 വരെ രാവിലെ ആറുമുതൽ ഏഴുവരെ പൊതുജനങ്ങൾക്കായി മ്യൂസിയം റേഡിയോ പാർക്കിൽ സൗജന്യ യോഗാ ക്ലാസ് നടത്തും.
താത്പര്യമുള്ളവർ ഫോണ്: 7907051697 എന്ന നമ്പറിൽ ബന്ധപ്പെടുക.