ഒന്നാം ഘട്ട അലോട്ട്മെന്റ്
201718 അധ്യയന വർഷത്തിലെ ഒന്നാം വർഷ ബിരുദ പ്രവേശനത്തിനുള്ള ഒന്നാം ഘട്ട അലോട്ട്മെന്റ് admissio ns.kerala university.ac.in എന്ന വെബ് സൈറ്റിൽ പ്രസിദ്ധീകരിച്ചു. അപേക്ഷകർക്ക് അപേക്ഷാനന്പറും പാസ്വേർഡും ഉപയോഗിച്ച് ലോഗ് ഇൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. അലോട്ട്മെന്റ് ലഭിച്ച കുട്ടികൾ പ്രവേശന ഫീസ് ഒടുക്കുന്നതിനുള്ള ചലാൻ പ്രിന്റ് ഔട്ട് എടുത്ത് എസ്ബിഐയുടെ ഏതെങ്കിലും ശാഖയിൽ ഫീസ് ഒടുക്കണം. പ്രവേശന ഫീസ് ജനറൽ വിഭാഗത്തിന് 1525 രൂപയും എസ്സി/എസ്ടി വിഭാഗത്തിന് 840 രൂപയുമാണ്. പ്രവേശനഫീസ് ഒടുക്കിയ വിദ്യാർഥികൾ നിശ്ചിത സമയത്തിനകം ലോഗ് ഇൻ ചെയ്ത് പ്രവേശന ഫീസ് ഒടുക്കിയ വിവരം (ജേർണൽ നന്പർ) 19ന് വൈകുന്നേരം അഞ്ചിനകം വെബ്സൈറ്റിൽ നൽകി അലോട്ട്മെന്റ് ഉറപ്പാക്കണം.
അലോട്ട്മെന്റിൽ തൃപ്തരാണെങ്കിൽ പ്രവേശന ഫീസ് ഒടുക്കിയ വിവരം വെബ്സൈറ്റിൽ ചേർത്ത ശേഷം ആവശ്യമെങ്കിൽ അവരുടെ ഹയർ ഓപ്ഷനുകൾ 20നു ഉച്ചകഴിഞ്ഞ് രണ്ടുവരെ നീക്കം ചെയ്യാം. ഹയർ ഓപ്ഷനുകൾ നിലനിർത്തുന്ന അപേക്ഷകരെ അടുത്ത അലോട്ട്മെന്റിൽ ആ ഓപ്ഷനുകളിലേയ്ക്ക് പരിഗണിക്കുന്നതും ഇങ്ങനെയുള്ളവർ പുതിയ അലോട്ട്മെന്റിൽ ലഭിക്കുന്ന സീറ്റ് നിർബന്ധമായും സ്വീകരിക്കേണ്ടതുമാണ്.
രണ്ടാം സെമസ്റ്റർ ഡിഗ്രി പരീക്ഷ
രണ്ടാം സെമസ്റ്റർ കരിയർ റിലേറ്റഡ് സിബിസിഎസ് ബിഎ/ബിഎസ്സി/ബികോം/ബിസിഎ/ബിബിഎ/ബിപിഎ/ബിഎസ്ഡബ്ലിയു/ബിവോക് (2013 അഡ്മിഷൻ, 2014 അഡ്മിഷൻ, 2015 അഡ്മിഷൻ ആൻഡ് 2016 അഡ്മിഷൻ) പരീക്ഷകൾ ജൂലൈ 11ന് ആരംഭിക്കും. പരീക്ഷകൾക്ക് 23 വരെ(50 രൂപ പിഴയോടെ ജൂണ് 28, 125 രൂപ സൂപ്പർ ഫൈനോട് കൂടി ജൂണ് 30) ഓണ്ലൈനായി ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.
എംഎ ജർമൻ ഫലം
ഏപ്രിലിൽ നടത്തിയ 201517 അധ്യയന വർഷത്തിലെ എംഎ ജർമൻ ലാംഗ്വേജ് ആൻഡ് ലിറ്ററേച്ചർ പരീക്ഷാഫലം പ്രസിദ്ധീകരിച്ചു. സി.കൃഷ്ണ ചന്ദ്രൻ (150502/2017) ഒന്നാം റാങ്ക് നേടി.
ബിഎ ഓണേഴ്സ് പരീക്ഷ
ജൂലൈ അഞ്ചിന് ആരംഭിക്കുന്ന നാലാം സെമസ്റ്റർ ബിഎ ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷയ്ക്ക് 19വരെ (50 രൂപ പിഴയോടെ ജൂണ് 22, 125 രൂപ സൂപ്പർ ഫൈനോട് കൂടി ജൂണ് 23) ഓണ്ലൈനായി ഫീസടച്ച് അപേക്ഷിക്കാം.
ബിടെക് ടൈംടേബിൾ
ജൂലൈ അഞ്ചിന് ആരംഭിക്കുന്ന 2013 സ്കീം നാലാം സെമസ്റ്റർ ബിടെക് (2013 സ്കീം) ഇംപ്രൂവ്മെന്റ്/സപ്ലിമെന്ററി പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
ബികോം ഫലം
ഫെബ്രുവരിയിൽ നടത്തിയ ഒന്നും രണ്ടും വർഷ ബികോം ആന്വൽ സ്കീം പരീക്ഷയുടെ പാർട്ട് ഒന്നും രണ്ടും പരീക്ഷാഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്കും പുനർമൂല്യനിർണയത്തിനും ജൂലൈ 15 വരെ അപേക്ഷിക്കാം. പരാജയപ്പെട്ടവർക്ക് 24വരെ (50 രൂപ പിഴയോടെ ജൂണ് 27, 125 രൂപ സൂപ്പർ ഫൈനോട് കൂടി ജൂണ് 29) ഫീസടച്ച് അപേക്ഷിക്കാം. തീയതി പിന്നീട് അറിയിക്കും.