ബിരുദ ഏകജാലകം രണ്ടാംഘട്ട അലോട്ട്മെന്റ് : ഓപ്ഷനുകൾ ഇന്നു വരെ
19നു നടക്കുന്ന ഡിഗ്രി പ്രവേശനത്തിന്റെ രണ്ടാം അലോട്ട്മെന്റിന് പരിഗണിക്കപ്പെടുന്നതിനായി അപേക്ഷകർക്ക് തങ്ങൾ നേരത്തെ നൽകിയ ഓപ്ഷനുകൾ പുനഃ ക്രമീകരിക്കാൻ ഇന്നു വൈകുന്നേരം അഞ്ചു വരെ സൗകര്യമുണ്ടാകും.
അപേക്ഷകർക്ക് തങ്ങളുടെ ആപ്ലിക്കേഷൻ നന്പർ, പാസ് വേഡ് ഇവ ഉപയോഗിച്ച് ലോഗിൻ ചെയ്ത് ഓപ്ഷനുകളിൽ ആവശ്യമായ പുനക്രമീകരണം നടത്താൻ സാധിക്കും. എന്നാൽ പുതുതായി കോളജുകളോ, പ്രോഗ്രാമുകളോ കൂട്ടിച്ചേർക്കുവാൻ ഈ ഘട്ടത്തിൽ സാധിക്കുകയില്ല. ഒന്നാം അലോട്ട്മെന്റ് വഴി പ്രവേശനം ലഭിച്ച വിദ്യാർഥികൾ തങ്ങൾക്ക് നിലവിൽ ലഭിച്ച അലോട്ട്മെന്റിൽ തൃപ്തരാണെങ്കിൽ നിലിനിൽക്കുന്ന ഹയർ ഓപ്ഷനുകൾ ’ഡിലീറ്റ്’ ചെയ്യണം.
അലോട്ട്മെന്റ് ലഭിച്ച വിദ്യാർഥികൾ ഹയർ ഓപ്ഷൻ ഡിലീറ്റ് ചെയ്യാതിരിക്കുകയും തന്മൂലം രണ്ടാം അലോട്ട്മെന്റിൽ പുതുതായി ഹയർ ഓപ്ഷനിലെ മറ്റൊരു പ്രോഗ്രാമിലേക്ക്, കോളജിലേക്ക് അലോട്ട്മെന്റ് ലഭിക്കുകയും ചെയ്യുന്ന പക്ഷം പുതുതായി അലോട്ട്മെന്റ് ലഭിച്ച പ്രോഗ്രാമിലേക്ക്, കോളജിലേക്ക് നിർബന്ധമായും പ്രവേശനം നേടേണ്ടതായി വരും. കൂടാതെ അവർക്ക് ലഭിച്ച ആദ്യ അലോട്ട്മെന്റ് റദ്ദാക്കപ്പെടുകയും ചെയ്യും. സ്ഥിര പ്രവേശനം നേടിയിട്ടുള്ളവർ ഹയർ ഓപ്ഷനുകൾ റദ്ദാക്കേണ്ടതില്ല.
26 ലെ പരീക്ഷകൾ മാറ്റി
26നു നടത്താനിരുന്ന അഞ്ചാം സെമസ്റ്റർ ബിഎച്ച്എം (പുതിയ സ്കിം 2014 അഡ്മിഷൻ, 2014നു മുന്പുള്ള അഡ്മിഷൻ സപ്ലിമെന്ററി), നാലാം സെമസ്റ്റർ (സിബിസിഎസ്എസ് യൂജി 2013നു മുന്പുള്ള അഡ്മിഷൻ സപ്ലിമെന്ററി), ആറാം സെമസ്റ്റർ ഡിഡിഎംസിഎ (2014 അഡ്മിഷൻ റെഗുലർ), നാലാം സെമസ്റ്റർ ബിപിഎഡ് (2015 അഡ്മിഷൻ റെഗുലർ) എന്നീ പരീക്ഷകൾ 30നു രാവിലെ 9.30 മുതൽ 12.30 വരെയും, രണ്ടാം വർഷ ബിഫാം (2015 അഡ്മിഷൻ റെഗുലർ, 2015നു മുന്പുള്ള അഡ്മിഷൻ സപ്ലിമെന്ററി) ജൂലൈ മൂന്നിന് രാവിലെ 9.30 മുതൽ 12.30 വരെയും, രണ്ടാം വർഷ ബിഎസ്സിനഴസിംഗ് സപ്ലിമെന്ററി പരീക്ഷ ജൂലൈ മൂന്നിന് രാവിലെ 9.30 മുതൽ 11.30 വരെയും, നാലാം സെമസ്റ്റർ ബിഎ, ബികോം പ്രൈവറ്റ് രജിസ്ട്രേഷൻ ഡിഗ്രി പരീക്ഷകൾ ജൂലൈ 10നു ഉച്ചകഴിഞ്ഞു 1.30 മുതൽ 4.30 വരെയും, ഒന്നാം സെമസ്റ്റർ എംസിഎ (പുതിയ സ്കീം സ്റ്റാസ്, പഴയ സ്കീം അഫിലിയേറ്റഡ് കോളജുകൾ പരീക്ഷകൾ ജൂലൈ അഞ്ചിന് രാവിലെ 9.30 മുതൽ 12.30 വരെ നടത്തുന്നതിനായി പുതുക്കി നിശ്ചയിച്ചു.
പ്രാക്ടിക്കൽ പരീക്ഷ
അഞ്ചാം സെമസ്റ്റർ എംസിഎ (506 കംപ്യൂട്ടർ ഗ്രാഫിക്സ് ലാബ് 2014 അഡ്മിഷൻ റെഗുലർ, 20112013 അഡ്മിഷൻ സപ്ലിമെന്ററി അഫിലിയേറ്റഡ് കോളജുകൾ ആൻഡ് സ്റ്റാസ്, 2015 അഡ്മിഷൻ ലാറ്ററൽ എൻട്രി റെഗുലർ 2013 ആൻഡ് 2014 അഡ്മിഷൻ സപ്ലിമെന്ററി) മേയ് 2017 ഡിഗ്രി പരീക്ഷയുടെ പ്രാക്ടിക്കൽ 27നു അതാത് കോളജുകളിൽ ആരംഭിക്കും.
പരീക്ഷാഫലം
2016 ഒകടോബറിൽ നടത്തിയ അഞ്ചാം സെമസ്റ്ററും 2017 മാർച്ചിൽ നടത്തിയ ആറാം സെമസ്റ്ററും ബിപിഇ (സിബിസിഎസ്എസ് 2014 അഡ്മിഷൻ) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ 20 വരെ സ്വീകരിക്കും.
എംജിയിൽ പ്രഭാഷണം
എംജി സർവകലാശാലാ ഇന്റർനാഷണൽ ആൻഡ് ഇന്റർ യൂണിവേഴ്സിറ്റി സെന്റർ ഫോർ നാനോസയൻസ് ആൻഡ് നാനോ ടെക്നോളജിയുടെ ആഭിമുഖ്യത്തിൽ ചൈനയിലെ സെ ജിയാംഗ് സർവകലാശാലയിൽ നിന്നുള്ള ഡോ. വിജയ് ശങ്കർ അശോകൻ ’മൈക്രോസ്കോപ്പിയിലെ പുതിയ സാധ്യതകൾ’ എന്ന വിഷയത്തിൽ ഇന്നു രാവിലെ 10 ന് സ്കൂൾ ഓഫ് കെമിക്കൽ സയൻസസ് സെമിനാർ ഹാളിൽ പ്രഭാഷണം നടത്തും.
വിശദവിവരങ്ങൾക്ക് ഫോണ് : 9447 149 547.