എംസിഎ പ്രവേശന പരീക്ഷ 18ന്
പത്തിന് നടത്താനിരുന്ന എംസിഎ പ്രവേശന പരീക്ഷ 18ന് സർവകലാശാലാ എൻജിനിയറിംഗ് കോളജിലും (സിയുഐഇടി കോഹിനൂർ), തൃശൂർ വിവേകോദയം ബോയ്സ് ഹയർ സെക്കൻഡറി സ്കൂളിലും 2.30 മുതൽ 4.30 വരെ നടക്കും.
നാടക ബിരുദംബിടിഎ: അപേക്ഷ ക്ഷണിച്ചു
തൃശൂർ അരണാട്ടുകര ഡോ. ജോണ് മത്തായി സെന്ററിൽ നടത്തുന്ന ബാച്ചലർ ഓഫ് തിയറ്റർ ആർട്സ് (ബിടിഎ) കോഴ്സ് പ്രവേശനത്തിന് അപേക്ഷ ക്ഷണിച്ചു. ഫീ: ജനറൽ 250 രൂപ, എസ്സി/എസ്ടി 100 രൂപ. അപേക്ഷ ഓണ്ലൈനിൽ (www.cuonline.ac.in) 24 വരെ സമർപ്പിക്കാം. അപേക്ഷയുടെ പ്രിന്റൗട്ട് 27നകം ജോണ് മത്തായി സെന്ററിൽ ലഭിക്കണം. ഈ കോഴ്സിന് ഓണ്ലൈൻ അലോട്ട്മെന്റ് ഉണ്ടായിരിക്കുന്നതല്ല. പ്രവേശനം തൃശൂർ സെന്ററിൽ വെച്ച് നടക്കും.
അഞ്ചാം സെമസ്റ്റർ ബിഎസ്സി/ബിസിഎ പുനർമൂല്യനിർണയ അപേക്ഷ
രണ്ടിന് പ്രസിദ്ധീകരിച്ച അഞ്ചാം സെമസ്റ്റർ ബിഎസ്സി/ബിസിഎ (സിയുസിബിസിഎസ്എസ്) റഗുലർ (നവംബർ 2016) പരീക്ഷകളുടെ പുനർമൂല്യനിർണയത്തിന് ജൂലൈ അഞ്ചു വരെ ഓണ്ലൈനിൽ അപേക്ഷിക്കാം. പ്രിന്റൗട്ട്, റിസൾട്ട് കോപ്പി, ചലാൻ എന്നിവ സഹിതം ജൂലൈ 12നകം പരീക്ഷാഭവനിൽ ലഭിക്കണം.
നാലാം സെമസ്റ്റർ എംബിഎ (എസ്ഡിഇ) പരീക്ഷാ കേന്ദ്രം
21ന് ആരംഭിക്കുന്ന വിദൂരവിദ്യാഭ്യാസം നാലാം സെമസ്റ്റർ എംബിഎ പരീക്ഷയ്ക്ക് കോഴിക്കോട് ഐഎച്ച്ആർഡി കോളജ് ഓഫ് അപ്ലൈഡ് സയൻസിലും കുറ്റിപ്പുറം സ്കൂൾ ഓഫ് മാനേജ്മെന്റ് സ്റ്റഡീസിലും അപേക്ഷിച്ചവർ കോഴിക്കോട് വെസ്റ്റ്ഹിൽ സെന്റ് അൽഫോണ്സ കോളജ് ഓഫ് ഹോട്ടൽ മാനേജ്മെന്റിലും, അരണാട്ടുകര ജോണ് മത്തായി സെന്ററിൽ അപേക്ഷിച്ചവർ തൃശൂർ പാറമേക്കാവ് കോളേജ് ഓഫ് ആർട്സ് ആന്റ് സയൻസിലുമാണ് പരീക്ഷയ്ക്ക് ഹാജരാകേണ്ടത്.
പരീക്ഷാ അപേക്ഷ
അഫിലിയേറ്റഡ് കോളജുകളിലെ നാലാം സെമസ്റ്റർ എംഎ/എംഎസ്സി/എംകോം/എംഎസ്ഡബ്ല്യൂ/എംഎൽഐഎസ്സി/എംസിജെ/എംജെടി/എംടിടിഎം/എംടിഎച്ച്എം (സിയുസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷക്ക് പിഴകൂടാതെ 19 മുതൽ 29 വരെയും 150 രൂപ പിഴയോടെ ജൂലൈ നാല് വരെയും ഓണ്ലൈനിൽ അപേക്ഷിക്കാം. പ്രിന്റൗട്ട് ചലാൻ സഹിതം ജൂലൈ അഞ്ചിനകം ലഭിക്കണം. പരീക്ഷ ജൂലൈ 28ന് ആരംഭിക്കും.
പഠനവകുപ്പുകളിലെ രണ്ടാം സെമസ്റ്റർ എംഎ/എംഎസ്സി/എംകോം/എംബിഎ/എംസിജെ/എംഎൽഐഎസ്സി/എംടിഎ (സിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് 24 വരെയും 150 രൂപ പിഴയോടെ 29 വരെയും ഓണ്ലൈനിൽ അപേക്ഷിക്കാം. പ്രിന്റൗട്ട് ചലാൻ സഹിതം 30നകം പരീക്ഷാഭവനിൽ ലഭിക്കണം. പരീക്ഷ ജൂലൈ 14ന് ആരംഭിക്കും.
പരീക്ഷാഫലം
2016 ജൂണിൽ നടത്തിയ രണ്ടാം സെമസ്റ്റർ എംഎസ്സി അപ്ലൈഡ് സുവോളജി (സിസിഎസ്എസ്) പരീക്ഷാഫലം വെബ്സൈറ്റിൽ.