രണ്ടാം സെമസ്റ്റർ എംപിഇ, എംപിഎഡ് ഡിഗ്രി പരീക്ഷകൾ ജൂലൈ ഏഴിന്
രണ്ടാം സെമസ്റ്റർ എംപിഇ, എംപിഎഡ് ഡിഗ്രി പരീക്ഷകൾ ജൂലൈ ഏഴിന് ആരംഭിക്കും.
അപേക്ഷകൾ 22 വരെയും, 50 രൂപ പിഴയോടെ 23 വരെയും, 500 രൂപ സൂപ്പർഫൈനോടെ 26 വരെയും സ്വീകരിക്കും.
പഞ്ചവത്സര എംഎസ്സി
ഇൻസ്റ്റിറ്റ്യൂട്ട് ഫോർ ഇന്റഗ്രേറ്റഡ് പ്രോഗ്രാംസ് ആൻഡ് റിസർച്ച് ഇൻ ബേസിക് സയൻസസിൽ ഫെലോഷിപ്പോടുകൂടി പഞ്ചവത്സര എം എസ്സി കോഴ്സിന് അപേക്ഷിക്കാം.
യോഗ്യത 55 ശതമാനത്തിൽ കുറയാത്ത മാർക്കോടെ പ്ലസ്ടു (സയൻസ്). സയൻസിലും , ഗവേഷണത്തിലും പ്രത്യേക താത്പര്യമുള്ള വിദ്യാർഥികൾക്ക് അപേക്ഷിക്കാം. എഴുത്തു പരീക്ഷയുടെയും ഇന്റർവ്യൂവിന്റെയും അടിസ്ഥാനത്തിലാണ് പ്രവേശനം.
അപേക്ഷ സ്വികരിക്കുന്ന അവസാന തീയതി ജൂലായ് 10. അപേക്ഷാ ഫോറത്തിനും വിശദവിവരങ്ങൾക്കും വെബ്സാറ്റ് കാ ണുക.
പരീക്ഷാഫലം
സ്കൂൾ ഓഫ് ബിഹേവിയറൽ സയൻസസ് 2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി ഡിസെബിലിറ്റി സ്റ്റഡീസ് ആൻഡ്് റീഹാബിലിറ്റേഷൻ സയൻസസ് (സിഎസ്എസ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
എംഫിൽ സീറ്റൊഴിവ്
സ്കൂൾ ഓഫ് ലെറ്റേഴ്സിൽ എംഫിൽ ഇംഗ്ലീഷ് വിഷയത്തിൽ ഒരു പട്ടികവർഗ സീറ്റൊഴിവുണ്ട്.
യോഗ്യരായ വിദ്യാർഥികൾ അസൽ സർട്ടിഫിക്കറ്റുകളുമായി 19 ന് സ്കൂൾ ഓഫ് ലെറ്റേഴ്സിൽ ഹാജരാകണം.
ഇന്റർവ്യൂ മാറ്റി
എൻഎസ്എസ് പ്രോഗ്രാം കോ ഓർഡിനേറ്റർ തസ്തികയിൽ അന്യത്ര സേവന വ്യവസ്ഥയിൽ നിയമനം നടത്തുന്നതിനു വേണ്ടി 19ന് നടത്താൻ നിശ്ചയിച്ചിരുന്ന ഇന്റർവ്യൂ മാറ്റി വച്ചു. പുതിയ തീയതി പിന്നീട്.
ഓറിയന്റേഷൻ പ്രോഗ്രാം മാറ്റി
ജൈവ സാക്ഷരത യജ്ഞവുമായി ബന്ധപ്പെട്ട് 19ന് അധ്യാപകർക്കും ഗവേഷകർക്കുമായി നടത്താൻ നിശ്ചയിച്ചിരുന്ന ഓറിയന്റേഷൻ പ്രോഗ്രമും തമിഴ്നാടു അഗ്രികൾച്ചറൽ യൂണിവേഴ്സിറ്റി വൈസ്ചാൻസലർ പ്രഫ. കെ. രാമസ്വാമിയുടെ പ്രഭാഷണവും മാറ്റിവച്ചു.