ഡിഗ്രി പ്രവേശനം: ഒന്നാംഘട്ട അലോട്ട്മെന്റ് ഫീസ് 19 വരെ അടയ്ക്കാം
201718 അധ്യയന വർഷത്തെ ബിരുദ പ്രവേശനത്തിനുള്ള ഒന്നാംഘട്ട അലോട്ട്മെന്റ് ലഭിച്ചവർ അഡ്മിഷൻ ഫീസ് അടയ്ക്കേണ്ട അവസാന തീയതി 19 വൈകുന്നേരം അഞ്ച്വരെയാണ്. അലോട്ട്മെന്റ് ലഭിച്ചവർ അഡ്മിഷൻ ഫീസ് അടയ്ക്കുവാനുള്ള ചെലാൻ പ്രിന്റൗട്ട് എടുത്ത് എസ്ബിഐ യുടെ ഏതെങ്കിലും ശാഖയിൽ ഫീസ് അടയ്ക്കണം. അഡ്മിഷൻ ഫീസ് ജനറൽ വിഭാഗത്തിന് 1525/ രൂപയും എസ്.സി/എസ്.ടി വിഭാഗത്തിന് 840/ രൂപയുമാണ്. അഡ്മിഷൻ ഫീസ് അടച്ചവർ നിശ്ചിത സമയത്തിനകം ലോഗിൻ ചെയ്ത് അഡ്മിഷൻ ഫീസ് ഒടുക്കിയ വിവരം (ജേണൽ നന്പർ) നിർബന്ധമായും വെബ്സൈറ്റിൽ നൽകി അലോട്ട്മെന്റ് ഉറപ്പാക്കണം. അല്ലാത്തപക്ഷം അവരുടെ അലോട്ട്മെന്റ് റദ്ദാകും. ഒന്ന്, രണ്ട്, മൂന്ന് അലോട്ട്മെന്റുകളിൽ അലോട്ട്മെന്റ് ലഭിച്ചവർ മൂന്നാം അലോട്ട്മെന്റ് പ്രസിദ്ധീകരിച്ചതിനുശേഷം മാത്രം കോളജുകളിൽ ഹാജരായാൽ മതിയാകും.
മൂന്നാം സെമസ്റ്റർ ബിരുദ വിദ്യാർഥികളുടെ കോളജ് മാറ്റം
മൂന്നാം സെമസ്റ്റർ ബിരുദ വിദ്യാർഥികൾ (സിബിസിഎസ്) ക്ക് 201718 അധ്യയന വർഷത്തിൽ കോളജ് മാറ്റത്തിനായി നിശ്ചിത അപേക്ഷാഫോമിൽ അപേക്ഷിക്കാം. വിദ്യാർഥികൾ രണ്ടാം സെമസ്റ്റർ പരീക്ഷയ്ക്ക് രജിസ്റ്റർ ചെയ്തിരിക്കണം. കോളജ് മാറ്റം, ഗവണ്മെന്റ് എയ്ഡഡ് കോളജുകൾ തമ്മിലും, സ്വാശ്രയ കോളജുകൾ തമ്മിലും അനുവദിക്കും. അപേക്ഷയോടൊപ്പം പ്ലസ് ടു അല്ലെങ്കിൽ തത്തുല്യ പരീക്ഷകളുടെ മാർക്ക് ലിസ്റ്റ് സഹിതം പഠിക്കുന്ന കോളജിലെ പ്രിൻസിപ്പലിന്റെ ശിപാർശയോടെ ചേരാനുദ്ദേശിക്കുന്ന കോളജിൽ ജൂലൈ മൂന്നിനകം സമർപ്പിക്കണം. ഇത്തരത്തിൽ ലഭിച്ച അപേക്ഷകൾ പ്രിൻസിപ്പൽ മെറിറ്റ് അടിസ്ഥാനത്തിൽ റാങ്ക് ചെയ്ത് ജൂലൈ 12നകം രജിസ്ട്രാറിന്റെ ഓഫീസിൽ സമർപ്പിക്കണം. അപേക്ഷയോടൊപ്പം ഫീസായി 1000 രൂപയും തെരഞ്ഞെടുക്കുകയാണെങ്കിൽ 1500 രൂപ വീണ്ടും അടയ്ക്കണം. അന്തർ സർവകലാശാല കോളജ് മാറ്റത്തിനായി അപേക്ഷയോടൊപ്പം പഠിച്ച കോഴ്സിന്റെ സ്കീമും സിലബസും രജിസ്ട്രാറിന്റെ അറ്റസ്റ്റേഷനോട് കൂടി 2000 രൂപ ഫീസടച്ച് സർവകലാശാല രജിസ്ട്രാർക്ക് സമർപ്പിക്കണം.
ബിഎ ഫലം
2017 ഫെബ്രുവരിയിൽ നടത്തിയ ബിഎ (ആന്വൽ)/ബിഎ (അഫ്സൽഉൽഉലാമ) പാർട്ട് ഒന്ന് ഇംഗ്ലീഷ്, പാർട്ട് രണ്ട് അഡീഷണൽ ലാംഗ്വേജ് സപ്ലിമെന്ററി പരീക്ഷയുടെ ഫലം വെബ്സൈറ്റിൽ ലഭിക്കും. പ്രസ്തുത പരീക്ഷയിൽ പരാജയപ്പെട്ട വിദ്യാർഥികൾക്ക് ജൂലൈ 11ന് ആരംഭിക്കുന്ന പാർട്ട് ഒന്നും രണ്ടും പരീക്ഷകൾക്ക് 19 മുതൽ ഫീസടച്ച് അപേക്ഷിക്കാം. പരീക്ഷയ്ക്ക് 26വരെ (50 രൂപ പിഴയോടെ ജൂണ് 28, 125 രൂപ സൂപ്പർ ഫൈനോട് കൂടി ജൂണ് 30) ഫീസടച്ച് അപേക്ഷിക്കാം. മുന്പ് ഓണ്ലൈനായി അപേക്ഷിച്ചിട്ടുള്ള വിദ്യാർഥികൾ തുടർന്നും ഓണ്ലൈനായി മാത്രം അപേക്ഷിക്കണം. പുനർ മൂല്യനിർണയത്തിന് ജൂലൈ 15 വരെ അപേക്ഷിക്കാം. കൂടാതെ കേരള സർവകലാശാലയ്ക്ക് കീഴിൽ 201619 വർഷത്തേക്ക് പ്രൈവറ്റായി രജിസ്റ്റർ ചെയ്യുകയും യഥാസമയം ഒന്നാം വർഷ പരീക്ഷയ്ക്ക് രജിസ്റ്റർ ചെയ്യാൻ സാധിക്കാത്തതുമായ വിദ്യാർഥികൾക്കും മേൽപ്പറഞ്ഞ ദിവസങ്ങളിൽ ഒന്നാം വർഷ പരീക്ഷാഫീസായ 730 രൂപയും 1000 രൂപ പിഴയും അടച്ച് ഓണ്ലൈനായി രജിസ്റ്റർ ചെയ്യാം. വിശദവിവരങ്ങൾ വെബ്സൈറ്റിൽ ലഭിക്കും.
ബിബിഎ പരീക്ഷാകേന്ദ്രം
വിദൂര വിദ്യാഭ്യാസകേന്ദ്രം 27ന് ആരംഭിക്കുന്ന ആറാം സെമസ്റ്റർ ബിബിഎ (റഗുലർ (2014) ആൻഡ് സപ്ലിമെന്ററി (2013)) പരീക്ഷയ്ക്ക് തിരുവനന്തവുരം പരീക്ഷാകേന്ദ്രമായി ആവശ്യപ്പെട്ട വിദ്യർഥികൾ പാളയത്തെ വിദൂര വിദ്യാഭ്യാസകേന്ദ്രത്തിൽ നിന്ന് ഹാൾടിക്കറ്റ് വാങ്ങി അതേ കേന്ദ്രത്തിൽ തന്നെ പരീക്ഷ എഴുതണം. കൊല്ലം പരീക്ഷാകേന്ദ്രമായി ആവശ്യപ്പെട്ട വിദ്യർഥികൾ കൊല്ലം വടക്കേവിള ഫാത്തിമ മെമ്മോറിയൽ ട്രെയിനിംഗ് കോളജിൽ നിന്ന് ഹാൾടിക്കറ്റ് വാങ്ങി അതേ കേന്ദ്രത്തിൽ തന്നെ പരീക്ഷ എഴുതണം. ചേർത്തല, കോട്ടയം, കണ്ണൂർ എന്നീ കേന്ദ്രങ്ങൾ ആവശ്യപ്പെട്ട വിദ്യാർഥികൾ ചേർത്തല എസ്എൻ കോളജിൽ നിന്ന് ഹാൾടിക്കറ്റ് വാങ്ങി അതേ കേന്ദ്രത്തിൽ തന്നെ പരീക്ഷ എഴുതണം.
ബിഎസ്സി ഫലം
ഫെബ്രുവരിയിൽ നടത്തിയ ബിഎസ്സിആന്വൽ സ്കീം (പാർട്ട് ഒന്ന്, പാർട്ട് രണ്ട്, പാർട്ട് മൂന്ന് സ്റ്റാറ്റിസ്റ്റിക്സ് അക്കൗണ്ടിംഗ്) വിഷയങ്ങളുടെ പരീക്ഷാഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്കും പുനർമൂല്യനിർണയത്തിനും ജൂലൈ 16 വരെ അപേക്ഷിക്കാം. തോറ്റ വിദ്യാർഥികൾക്ക് ഏപ്രിൽ 2017 സെഷനിലെ പരീക്ഷയ്ക്ക് പിഴ കൂടാതെ 26വരെ (50 രൂപ പിഴയോടെ ജൂണ് 28, 125 രൂപ സൂപ്പർ ഫൈനോട് കൂടി ജൂണ് 30) ഫീസടച്ച് അപേക്ഷിക്കാം.
എംബിഎ ടൈംടേബിൾ
വിദൂര വിദ്യാഭ്യാസ പഠനകേന്ദ്രം ജൂലൈ 18 മുതൽ നടത്തുന്ന നാലാം സെമസ്റ്റർ എംബിഎ ഡിഗ്രി പരീക്ഷയുടെ ടൈംടേബിൾ വെബ്സൈറ്റിൽ (ലഭിക്കും.
മാർക്ക് ലിസ്റ്റും സർട്ടിഫിക്കറ്റും കൈപ്പറ്റണം
2016 ഡിസംബർ മാസത്തിൽ നടത്തിയ പിഎച്ച്ഡി കോഴ്സ് വർക്ക് പരീക്ഷയിൽ വിജയിച്ച വിദ്യാർഥികൾ മാർക്ക് ലിസ്റ്റും സർട്ടിഫിക്കറ്റും സിഎസ്എസ് ഓഫീസിൽ ഹാൾടിക്കറ്റുമായി വന്ന് കൈപ്പറ്റണം.
എംഎ സംസ്കൃതം ജനറൽ ലാംഗ്വേജ് ആൻഡ് ലിറ്ററേച്ചർ ഫലം
ഏപ്രിലിൽ നടത്തിയ 201517 അധ്യയന വർഷത്തിലെ എംഎ സംസ്കൃതം ജനറൽ ലാംഗ്വേജ് ആൻഡ് ലിറ്ററേച്ചർ പരീക്ഷാഫലം പ്രസിദ്ധീകരിച്ചു. ആര്യ എസ് .വിജയൻ (ടഗഠ 150501/2017) ഒന്നാം റാങ്ക് നേടി.
ബിപിഎഡ് ഫലം
2016 നവംബറിൽ നടത്തിയ ബാച്ചിലർ ഓഫ് ഫിസിക്കൽ എജ്യുക്കേഷൻ (ബിപിഎഡ്) ഒന്ന്, മൂന്ന്, അഞ്ച് സെമസ്റ്റർ (റഗുലർ ആൻഡ് സപ്ലിമെന്ററി) പരീക്ഷാഫലം വെബ്സൈറ്റിൽ ലഭിക്കും.
ബിബിഎ, ബിഎസ്സി ഇലക്ട്രോണിക്സ് ഫലം
2016 ഓഗസ്റ്റിൽ നടത്തിയ ഒന്നാം സെമസ്റ്റർ (കരിയർ റിലേറ്റഡ് സിബിസിഎസ്എസ്) ബിബിഎ, ബിഎസ്സി ഇലക്ട്രോണിക്സ് (2013 അഡ്മിഷന് മുന്പുള്ളത്) പരീക്ഷയുടെ ഫലം വെബ്സൈറ്റിൽ ലഭിക്കും.
എംഎ/എംഎസ്സി/ എംകോം/ എംഎസ്ഡബ്ലിയു/ എംപിഎ/ എംടിഎ പരീക്ഷ
നാലാം സെമസ്റ്റർ എംഎ/എംഎസ്സി/ എംകോം/ എംഎസ്ഡബ്ലിയു/ എംപിഎ/ എംടിഎ (റഗുലർ ആൻഡ് സപ്ലിമെന്ററി) പരീക്ഷയ്ക്കുള്ള ഓണ്ലൈൻ രജിസ്ട്രേഷൻ 19 മുതൽ ആരംഭിക്കും. പരീക്ഷയ്ക്ക് 23വരെ (50 രൂപ പിഴയോടെ ജൂണ് 29, 125 രൂപ സൂപ്പർ ഫൈനോട് കൂടി ജൂലൈ നാല്) ഫീസടച്ച് അപേക്ഷിക്കാം വിശദവിവരങ്ങൾ വെബ്സൈറ്റിൽ ലഭിക്കും.
മേഴ്സി ചാൻസ് പരീക്ഷ
2011 അഡ്മിഷൻ എംഎസ്സി കെമിസ്ട്രി/അനലറ്റിക്കൽ കെമിസ്ട്രി/ബോട്ടണി/കംപ്യൂട്ടർ സയൻസ് എന്നീ വിഷയങ്ങളുടെ രണ്ടാം സെമസ്റ്റർ മേഴ്സി ചാൻസ് അനുവദിച്ചിട്ടുണ്ട്. പരീക്ഷയക്ക് 29വരെ (50 രൂപ പിഴയോടെ ജൂലൈ ഒന്ന്, 125 രൂപ സൂപ്പർ ഫൈനോട് കൂടി ജൂലൈ നാല്) ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.
അന്താരാഷ്ട്ര യോഗ ദിനാഘോഷം
അന്താരാഷ്ട്ര യോഗ ദിനം പ്രമാണിച്ച് കേരള സർവകലാശാല ഡിപ്പാർട്ട്മെന്റ് ഓഫ് ഫിസിക്കൽ എഡ്യുക്കേഷന്റെ ആഭിമുഖ്യത്തിൽ യൂണിവേഴ്സിറ്റി സ്റ്റേഡിയത്തിൽ 21ന് രാവിലെ 6.30 മുതൽ ആഘോഷങ്ങൾ സംഘടിപ്പിക്കും. ഡോ. ടി.ആർ ശ്രീറാം നേതൃത്വം നൽകുന്ന യോഗാഭ്യാസ പ്രദർശനങ്ങളിൽ പൊതുജനങ്ങൾക്കും പങ്കെടുക്കാം.
ഡിപ്ലോമ ഇൻ കംപ്യൂട്ടർ ആപ്ലിക്കേഷന് അപേക്ഷ ക്ഷണിച്ചു
തുടർവിദ്യാഭ്യാസവ്യാപനകേന്ദ്രം ആറ്റിങ്ങൽ ഗവ. കോളജിൽ നടത്തുന്ന തൊഴിലധിഷ്ഠിത കോഴ്സായ ഡിപ്ലോമ ഇൻ കംപ്യൂട്ടർ ആപ്ലിക്കേഷന് അപേക്ഷ ക്ഷണിച്ചു. അപേക്ഷകൾ ആറ്റിങ്ങൽ ഗവ. കോളജിലെ സിഎസിഇഇ ഓഫീസിൽ നിന്നും ശനി ഞായർ ദിവസങ്ങളിൽ ലഭിക്കും. അപേക്ഷാ ഫോമിന് 110 രൂപ. യോഗ്യത പ്ലസ് ടു / പ്രീഡിഗ്രി ജയം. ക്ലാസുകൾ ശനി ഞായർ ദിവസങ്ങളിൽ മാത്രം. കോഴ്സ് കാലാവധി ആറ് മാസം. അപേക്ഷിക്കാനുള്ള അവസാന തീയതി 26. കുടുതൽ വിവരങ്ങൾക്ക് ഫോണ് : 8129415236.
പിജി ഡിപ്ലോമ ഇൻ യോഗ തെറാപ്പി കോഴ്സ്
തുടർവിദ്യാഭ്യാസവ്യാപനകേന്ദ്രം ജൂലൈ അഞ്ചിന് ആരംഭിക്കുന്ന പി.ജി ഡിപ്ലോമ ഇൻ യോഗ തെറാപ്പി കോഴ്സിന് ഏതാനും സീറ്റൊഴിവുണ്ട്. കേരള സർവകലാശാല അംഗീകരിച്ച ബിരുദമാണ് അടിസ്ഥാന യോഗ്യത. കോഴ്സ് കാലാവധി ഒരു വർഷം. ക്ലാസുകൾ തിങ്കൾ മുതൽ ശനി വരെ വൈകുന്നേരം അഞ്ച് മുതൽ ഏഴുവരെ. കോഴ്സ് ഫീസ് 19500/.അപേക്ഷാഫീസ് 100 രൂപ. താത്പര്യമുള്ളവർ തിരുവനന്തപുരം സിഎസിഇഇ കേന്ദ്രവുമായി ബന്ധപ്പെടുക. ഫോണ്: 04712302523.
ബിവോക് ഫലം
2016 നവംബറിൽ നടത്തിയ അഞ്ചാം സെമസ്റ്റർ ബിവോക് ഡിഗ്രി പ്രോഗ്രാം ഇൻ ടൂറിസം ആൻഡ് ഹോസ്പിറ്റാലിറ്റി മാനേജ്മെന്റ് (352) പരീക്ഷയുടെ (റഗുലർ 2014 അഡ്മിഷൻ) ഫലം വെബ്സൈറ്റിൽ ലഭിക്കും. പുനർമൂല്യനിർണയത്തിന് ജൂലൈ അഞ്ച് വരെ ഓണ്ലൈനായി അപേക്ഷിക്കാം.