ഏകജാലക ബിരുദ പ്രവേശനം: രണ്ടാംഘട്ട അലോട്ട്മെന്റ് നാളെ
ഏകജാലക ബിരുദ പ്രവേശനത്തിനുള്ള രണ്ടാമത്തെ അലോട്ട്മെന്റ് നാളെ രാവിലെ പത്ത് മുതൽ ലഭിക്കും. അലോട്ട്മെന്റ് ലഭിച്ചവർ മാൻഡേറ്ററി ഫീസായി ജനറൽ വിഭാഗം 425 രൂപയും എസ്സി/എസ്ടി വിഭാഗം 100 രൂപയും അടയ്ക്കണം. ഒന്നാമത്തെ അലോട്ട്മെന്റിന് ശേഷം മാൻഡേറ്ററി ഫീസ് അടച്ചവർ വീണ്ടും അടയ്ക്കേണ്ടതില്ല. ഫീസടയ്ക്കാനുള്ള ലിങ്ക് (www.uoc.ac.in) നാളെ രാവിലെ 11 മുതൽ 21 വരെ ലഭ്യമാവും. അലോട്ട്മെന്റ് ലഭിച്ചിട്ടും മാൻഡേറ്ററി ഫീസടയ്ക്കാത്തവർക്ക് ലഭിച്ച അലോട്ട്മെന്റ് നഷ്ടമാകും. തുടർന്നുള്ള അലോട്ട്മെന്റ് പ്രക്രിയയിൽ നിന്നും അവർ പുറത്താകും. അവർക്ക് പിന്നീട് അലോട്ട്മെന്റ് പ്രക്രിയയിൽ തിരികെ പ്രവേശിക്കാനാവില്ല. ലഭിച്ച ഓപ്ഷനിൽ തൃപ്തരായവർ ഹയർ ഓപ്ഷനുകൾക്ക് പരിഗണിക്കേണ്ടതില്ലെങ്കിൽ നിർബന്ധമായും ഹയർ ഓപ്ഷൻ റദ്ദ് ചെയ്യണം. നിലനിർത്തുന്ന പക്ഷം തുടർന്നുള്ള അലോട്ട്മെന്റുകളിൽ പ്രസ്തുത ഹയർ ഓപ്ഷനുകളിൽ ഏതെങ്കിലും ഒന്ന് ലഭിച്ചാൽ അവ നിർബന്ധമായും സ്വീകരിക്കേണ്ടിവരും. ഇവർക്ക് നേരത്തെ ലഭിച്ച അലോട്ട്മെന്റ് പുനഃസ്ഥാപിച്ച് കിട്ടാനാവാത്ത വിധം നഷ്ടമാകും. ഹയർ ഓപ്ഷനുകൾ എല്ലാം റദ്ദാക്കാൻ നോഡൽ സെന്ററുകൾ മുഖാന്തരം മാത്രമേ സാധ്യമാവുകയുള്ളൂ. എന്നാൽ വിദ്യാർത്ഥികൾക്ക് സ്വന്തം ലോഗിൻ വിവരങ്ങൾ ഉപയോഗിച്ച് ഹയർ ഓപ്ഷനുകൾ ഭാഗികമായി റദ്ദാക്കാൻ കഴിയും. അലോട്ട്മെന്റ് ലഭിച്ച് ഫീസടച്ച് ഹയർ ഓപ്ഷൻ നിലനിർത്തിയിരിക്കുന്നവർ 24 മുതൽ 29 വരെ കോളജിൽ റിപ്പോർട്ട് ചെയ്യണം. ഒന്നാമത്തെ ഓപ്ഷൻ ലഭിച്ചവർക്കും ലഭിച്ച ഓപ്ഷനിൽ തൃപ്തരായവർക്കും അഡ്മിറ്റ് കാർഡ് ലഭ്യമാവും. എന്നാൽ ലഭിച്ച ഓപ്ഷനിൽ തൃപ്തരായ വിദ്യാർഥികൾ അഡ്മിറ്റ് കാർഡ് ലഭിക്കുന്നതിന് എല്ലാ ഹയർ ഓപ്ഷനുകളും റദ്ദ് ചെയ്യേണ്ടതാണ്. അഡ്മിറ്റ് കാർഡ് എടുത്ത വിദ്യാർഥികൾ സ്ഥിരം അഡ്മിഷൻ എടുക്കുന്നതിനായി 29ന് മുന്പ് അലോട്ട്മെന്റ് ലഭിച്ച കോളജിൽ റിപ്പോർട്ട് ചെയ്യണം.
പ്രിൻസിപ്പൽമാരുടെ യോഗം 21ന്
എൻജിനിയറിംഗ്, മെഡിക്കൽ ഒഴികെയുള്ള കോളജുകളിലെ പ്രിൻസിപ്പൽമാരുടെ യോഗം 21ന് രാവിലെ പത്തിന് സർവകലാശാലാ സെമിനാർ കോംപ്ലക്സിൽ ചേരും. പ്രവേശനം, പരീക്ഷാ നടത്തിപ്പ് തുടങ്ങിയ സുപ്രധാന വിഷയങ്ങൾ യോഗം ചർച്ചചെയ്യും. യുജിസി സ്ഥാപിച്ച കണ്സോർഷ്യം ഓഫ് എഡ്യുക്കേഷണൽ കമ്മ്യൂണിക്കേഷൻ ഡയറക്ടർ ഡോ. രജ്ബീർസിംഗ് പ്രഭാഷണം നടത്തും. പ്രിൻസിപ്പൽമാർക്ക് പുറമെ ഫിസിക്സ്, കെമിസ്ട്രി, ജിയോളജി, ജ്യോഗ്രഫി എന്നിവയിൽ ഏതെങ്കിലും ഒരു വിഷയത്തിലെ അധ്യാപകനെക്കൂടി യോഗത്തിൽ പങ്കെടുപ്പിക്കണം. സർവകലാശാലയിലെ എഡ്യുക്കേഷണൽ മൾട്ടീമീഡിയ സെന്ററിൽ ഈ വിഷയങ്ങളിൽ വീഡിയോ പ്രഭാഷണങ്ങൾ തയ്യാറാക്കുന്നതിനെക്കുറിച്ച് ചർച്ചചെയ്യാനാണിത്.
യുജിസി നെറ്റ്: ക്ലാസ് 20 മുതൽ
എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയും യുജിസി കരിയർ ആൻഡ് കൗണ്സലിംഗ് സെല്ലും സംയുക്തമായി മാനവിക വിഷയങ്ങളിൽ യുജിസിനെറ്റ് ജനറൽ പേപ്പർ (പേപ്പർ ഒന്ന്) പരീക്ഷാർഥികൾക്കായി നടത്തുന്ന പത്ത് ദിവസത്തെ സൗജന്യ യുജിസിനെറ്റ് പരിശീലന ക്ലാസ് 20ന് രാവിലെ പത്തിന് സർവകലാശാലാ ടാഗോർ നികേതൻ ഹാളിൽ ആരംഭിക്കും. നേരത്തെ അപേക്ഷ സമർപ്പിച്ചവരിൽ ആദ്യം രജിസ്റ്റർ ചെയ്ത 250 പേർക്കാണ് പ്രവേശനം.
ദേശീയതല മാനേജ്മെന്റ് മീറ്റ്
കോമേഴ്സ് ആൻഡ് മാനേജ്മെന്റ് സ്റ്റഡീസ് പഠനവകുപ്പ് സംഘടിപ്പിക്കുന്ന മാനേജ്മെന്റ് ഫെസ്റ്റ്അസെന്റ് 2017 സെപ്റ്റംബർ 19, 20 തിയതികളിൽ നടത്തും. ദേശീയതല മാനേജ്മെന്റ് ഫെസ്റ്റിൽ വിവിധ സംസ്ഥാനങ്ങളിലെ വിദ്യാർഥികൾ പങ്കെടുക്കും. ഡോ. ബി. വിജയചന്ദ്രൻ പിള്ള സ്റ്റാഫ് കോർഡിനേറ്ററാണ്. എ.സി. ഹിദായത്ത് ജനറൽ കണ്വീനറും സുമൽ സത്യൻ കോർഡിനേറ്ററുമാണ്.
മാനേജ്മെന്റ്/സ്പോർട്സ് ക്വാട്ടയിൽ ബിരുദ പ്രവേശനം
201718 വർഷത്തെ ബിരുദ പ്രവേശനത്തിന് മാനേജ്മെന്റ്/സ്പോർട്സ് ക്വാട്ടയിൽ പ്രവേശനത്തിന് 22 വരെ ഓണ്ലൈനായി (www.cuonline.ac.in) രജിസ്റ്റർ ചെയ്യാം. രജിസ്ട്രേഷൻ നടത്തുന്പോൾ കോളജ് ഓപ്ഷൻ നൽകേണ്ടതില്ല. ഈ വർഷത്തെ പ്രവേശനത്തിന് ജൂണ് രണ്ടിന് മുന്പായി അപേക്ഷിച്ചവർ വീണ്ടും രജിസ്റ്റർ ചെയ്യേണ്ടതില്ല.
ബികോം/ബിബിഎ പൊസിഷൻ ലിസ്റ്റ് വെബ്സൈറ്റിൽ
2016 വർഷത്തെ ബികോം/ബിബിഎ (സിസിഎസ്എസ്) എ, എൻ സീരീസ് വിദ്യാർഥികളുടെ പൊസിഷൻ ലിസ്റ്റ് വെബ്സൈറ്റിൽ പ്രസിദ്ധീകരിച്ചു. പൊസിഷൻ സർട്ടിഫിക്കറ്റ് ലഭിക്കുന്നതിന് നിശ്ചിത ഫീസടച്ച രശീതി സഹിതം ബികോം വിഭാഗത്തിൽ അപേക്ഷിക്കണം. തപാലിൽ ലഭിക്കേണ്ടവർ തപാൽ ചാർജ് സഹിതം സമർപ്പിക്കണം.
പരീക്ഷാ അപേക്ഷ
ഒന്നാം സെമസ്റ്റർ ബിപിഎഡ് (ദ്വിവത്സരം) റഗുലർ/സപ്ലിമെന്ററി പരീക്ഷയ്ക്ക് പിഴകൂടാതെ 19 മുതൽ 24 വരെയും 150 രൂപ പിഴയോടെ 29 വരെയും ഓണ്ലൈനിൽ അപേക്ഷിക്കാം.
പരീക്ഷാഫലം
2016 ജൂണിൽ നടത്തിയ രണ്ടാം സെമസ്റ്റർ എംഎസ്സി ജിയോഗ്രഫി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 29 വരെ ഓണ്ലൈനിൽ അപേക്ഷിക്കാം.
ജനുവരിയിൽ നടത്തിയ ഒന്നാം സെമസ്റ്റർ എംടെക് കംപ്യൂട്ടർ സയൻസ് ആൻഡ് എൻജിനിയറിംഗ്, പവർ ഇലക്ട്രോണിക്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 29 വരെ ഓണ്ലൈനിൽ അപേക്ഷിക്കാം.
പ്രിന്റിംഗ് ടെക്നോളജി കോണ്ടാക്ട് ക്ലാസ് ഇന്ന്
വിദൂരവിദ്യാഭ്യാസം ബിഎസ്സി പ്രിന്റിംഗ് ടെക്നോളജി 201415 പ്രവേശനം കോണ്ടാക്ട് ക്ലാസ് പ്രിന്റിംഗ് ടെക്നോളജി കേന്ദ്രത്തിൽ ഇന്ന് രാവിലെ പത്ത് മുതൽ നടക്കും.
മലയാളം, തമിഴ്, കന്നട റിഫ്രഷർ കോഴ്സ്
ഹ്യൂമണ് റിസോഴ്സ് ഡവലപ്മെന്റ് സെന്റർ ജൂലൈ ഏഴ് മുതൽ 27 വരെ നടത്തുന്ന മലയാളം ആൻഡ് അദർ റീജണൽ ലാംഗ്വേജസ് റിഫ്രഷർ കോഴ്സിലേക്ക് 22 വരെ ഓണ്ലൈനിൽ (ugchrdc.uoc.ac.in) അപേക്ഷിക്കാം. മലയാളം, തമിഴ്, കന്നട ഭാഷകൾ പഠിപ്പിക്കുന്ന അധ്യാപകർക്ക് പങ്കെടുക്കാം. ഫോണ്: 0494