അഫ്സൽഉൽഉലമ പ്രിലിമിനറി പ്രവേശനം രണ്ടാംഘട്ട അലോട്ട്മെന്റ് ഇന്ന് ഉച്ചയ്ക്ക് രണ്ട് മുതൽ ലഭ്യമാകും. അലോട്ട്മെന്റ് ലഭിച്ചവർ 22നകം മാൻഡേറ്ററി ഫീസ് (ജനറൽ വിഭാഗം 425 രൂപ, എസ് സി, എസ്ടി 100 രൂപ) അടക്കണം. അലോട്ട്മെന്റ് ലഭിച്ചിട്ടും മാൻഡേറ്ററി ഫീസടക്കാത്തവർക്ക് ലഭിച്ച അലോട്ട്മെന്റ് നഷ്ടമാകും. തുടർന്നുള്ള അലോട്ട്മെന്റ് പ്രക്രിയയിൽ നിന്നും അവർ പുറത്താകും. അവർക്ക് പിന്നീട് അലോട്ട്മെന്റ് പ്രക്രിയയിൽ തിരികെ പ്രവേശിക്കാനാവില്ല. ഒന്നാം അലോട്ട്മെന്റ് ലഭിച്ച് മാൻഡേറ്ററി ഫീസ് അടച്ചവർ വീണ്ടും അടക്കേണ്ടതില്ല. ഇതുവരെ അലോട്ട്മെന്റ് ലഭിച്ച് ഫീസടച്ചവർ 22നകം താത്ക്കാലികമായോ സ്ഥിരമായോ പ്രവേശനം നേടണം. ഒന്നാം ഓപ്ഷൻ ലഭിച്ചവരും ലഭിച്ച ഓപ്ഷനിൽ തൃപ്തരായവരും (ഹയർ ഓപ്ഷൻ റദ്ദ് ചെയ്ത്) അഡ്മിറ്റ് കാർഡും സർട്ടിഫിക്കറ്റുകളും സഹിതം സ്ഥിരപ്രവേശനം നേടണം. താത്ക്കാലിക പ്രവേശനമാഗ്രഹിക്കുന്നവർ അലോട്ട്മെന്റ് കാർഡ് എടുത്ത് പ്രവേശനം നേടണം. താത്ക്കാലിക പ്രവേശന സമയത്ത് ഫീസോ, രേഖകളോ കോളജിൽ സമർപ്പിക്കേണ്ടതില്ല.
യോഗ ക്ലാസ് ദേശീയ ആയുഷ് മിഷനും കായിക പഠനവകുപ്പും ചേർന്ന് സംഘടിപ്പിക്കുന്ന പത്ത് ദിവസത്തെ യോഗ ക്ലാസ് സർവകലാശാലാ ഇൻഡോർ സ്റ്റേഡിയത്തിൽ നാളെ രാവിലെ ഏഴിന് വൈസ് ചാൻസലർ ഡോ.കെ. മുഹമ്മദ് ബഷീർ ഉദ്ഘാടനം ചെയ്യും. പങ്കെടുക്കാനാഗ്രഹിക്കുന്നവർ ഇന്ന് വൈകുന്നേരം അഞ്ചിനകം കായിക പഠനവകുപ്പിൽ രജിസ്റ്റർ ചെയ്യണം. ഫോണ് : 0494 2407501.
ഐഇടിയിലെ വിവിധ ഒഴിവുകൾ: അഭിമുഖം 22, 23 തിയതികളിൽ ഇൻസ്റ്റിറ്റ്യൂട്ട് ഓഫ് എൻജിനിയറിംഗ് ആൻഡ് ടെക്നോളജിയിൽ ഇൻസ്ട്രക്ടർ (ഇഇഇ, ഇസിഇ, സിവിൽ, പ്രിന്റിംഗ് ടെക്നോളജി), ലാബറട്ടറി അസിസ്റ്റന്റ് (ഫിസിക്സ് വിഭാഗം), ട്രേഡ്സ്മാൻ (സ്മിത്തി, പ്ലംബിംഗ്, ടർണിംഗ്, ഷീറ്റ് മെറ്റൽ) എന്നീ തസ്തികയിൽ കരാർ നിയമനത്തിന് 2016 ജനുവരി 12ലെ വിജ്ഞാപനപ്രകാരം ഓണ്ലൈനായി അപേക്ഷിച്ചവർക്കുള്ള അഭിമുഖം 22, 23 തിയതികളിൽ രാവിലെ പത്തിന് സർവകലാശാലാ ഭരണവിഭാഗത്തിൽ നടക്കും. യോഗ്യരായവരുടെ വിവരങ്ങൾ വെബ്സൈറ്റിൽ ((www.universityofcalicut.info) ഫോണ്: 0494 2407106.
എംഎഡ് പ്രവേശന റാങ്ക് ലിസ്റ്റ് നാളെ പ്രസിദ്ധീകരിക്കും എംഎഡ് പ്രവേശന റാങ്ക് ലിസ്റ്റ് നാളെ പ്രവേശന ഡയറക്ടറേറ്റിന്റെ വെബ്സൈറ്റിൽ പ്രസിദ്ധീകരിക്കും. റാങ്ക് ലിസ്റ്റ് പഠനവകുപ്പ്, കോളജുകളിൽ 22ന് ലഭ്യമാവും. ജനറൽ വിഭാഗം 27ന് രാവിലെ പത്തിനും സംവരണ വിഭാഗം 28ന് രാവിലെ പത്തിന് അതത് പഠനവകുപ്പ്, കോളജുകളിൽ ഹാജരാകണം. ഒന്നിലധികം കോളജുകളിൽ റിപ്പോർട്ട് ചെയ്യാനാഗ്രഹിക്കുന്നവർക്ക് സർട്ടിഫിക്കറ്റിന്റെ പകർപ്പുകൾ സഹിതം പ്രതിനിധികളെ അയക്കാവുന്നതാണ്. ക്ലാസുകൾ ജൂലൈ മൂന്നിന് ആരംഭിക്കും.
എംഎസ്സി കംപ്യൂട്ടർ സയൻസ്, ബിഎച്ച്എം പ്രവേശന പരീക്ഷാ ഹാൾടിക്കറ്റ് 24ന് രാവിലെ 1ന് നടത്തുന്ന എംഎസ്സി കംപ്യൂട്ടർ സയൻസ്, രാവിലെ 10.30ന് നടത്തുന്ന ബിഎച്ച്എം പ്രവേശന പരീക്ഷകളുടെ ഹാൾടിക്കറ്റുകൾ www.cuonline.ac.in വെബ്സൈറ്റിൽ നിന്ന് ഡൗണ്ലോഡ് ചെയ്യാം. ഫോണ് : 0494 2407016, 2407017.
കണ്സോളിഡേറ്റഡ് മാർക്ക് ഷീറ്റ് എത്തിക്കണം സൈക്കോളജി പഠനവകുപ്പിൽ എംഎസ്സി അപ്ലൈഡ് സൈക്കോളജി പ്രവേശന പരീക്ഷ എഴുതിയവർ കണ്സോളിഡേറ്റഡ് മാർക്ക് ഷീറ്റ് പഠനവകുപ്പിൽ എത്തിക്കണം.
പരീക്ഷ കാലിക്കട്ട് സർവകലാശാല എംബിഎ (സിയുസിഎസ്എസ്) നാലാം സെമസ്റ്റർ (ഫുൾടൈം, പാർട്ട്ടൈം), ആറാം സെമസ്റ്റർ (പാർട്ട്ടൈം) റഗുലർ, സപ്ലിമെന്ററി പരീക്ഷ 30ന് രാവിലെ 9.30ന് ആരംഭിക്കും.
കാലിക്കട്ട് സർവകലാശാല എംബിഎ (സിയുസിഎസ്എസ്) രണ്ടാം സെമസ്റ്റർ (ഫുൾടൈം, പാർട്ട്ടൈം) റഗുലർ, സപ്ലിമെന്ററി പരീക്ഷ ജൂലൈ നാലിന് രാവിലെ 9.30ന് ആരംഭിക്കും.
ഇസ്ലാമിക് ചെയർ ദേശീയ വനിതാ സെമിനാറിലേക്ക് പ്രബന്ധങ്ങൾ ക്ഷണിച്ചു ഇസ്ലാമിക് ചെയറും ഡൽഹിയിലെ ഇൻസ്റ്റിറ്റ്യൂട്ട് ഓഫ് ഒബ്ജക്ടീവ് സ്റ്റഡീസും സംയുക്തമായി സെപ്റ്റംബർ 23, 24 തിയതികളിൽ ക്ഷേമ സമൂഹ നിർമിതിയിൽ സ്ത്രീകളുടെ പങ്ക് ’ എന്ന വിഷയത്തിൽ സംഘടിപ്പിക്കുന്ന ദേശീയ വനിതാ സെമിനാറിൽ താഴെ കൊടുത്ത ഏഴ് മേഖലകളിൽ പ്രബന്ധങ്ങൾ അവതരിപ്പിക്കുവാൻ താൽപര്യമുള്ളവരിൽ നിന്ന് അപേക്ഷ ക്ഷണിച്ചു. ഉദ്ദേശിക്കുന്ന വിഷയത്തിന്റെ തലക്കെട്ടും രത്നച്ചുരുക്കവും 20നകവും പൂർണ രൂപം ഓഗസ്റ്റ് 20നകവും എത്തിക്കണം. ഇംഗ്ലീഷിലോ മലയാളത്തിലോ (ഇംഗ്ലീഷിന് പ്രാമുഖ്യം) ഉള്ള പ്രബന്ധം 20 മിനിട്ടിൽ അവതരിപ്പിക്കുന്ന വിധം ക്രമീകരിക്കണം. സ്ത്രീകൾ മുഹമ്മദ് നബിയുടെ കാലഘട്ടത്തിൽ, തിരഞ്ഞെടുപ്പ് രാഷ്ടീയത്തിൽ സ്ത്രീകളുടെ പങ്ക്, സാമൂഹ്യ സാന്പത്തിക പുരോഗതിയിൽ മസ്ലിം സ്ത്രീകളുടെ പങ്ക്, സ്ത്രീകളും ആധുനിക വാർത്താ മാധ്യമങ്ങളും, സ്ത്രീ വിദ്യാഭ്യാസം മതപരവും മതേതരവും, ആധുനിക മുസ്ലിംലോകതലത്തിൽ സ്ത്രീകളുടെ പദവി, മുസ്ലിംലോകത്ത് സ്ത്രീ സംബന്ധിയായ നിയമങ്ങൾ എന്നിവയാണ് വിഷയങ്ങൾ. ഓരോ മേഖലയിലും പ്രബന്ധങ്ങൾക്ക് പുറമെ ചർച്ചയിൽ പങ്കെടുക്കാൻ താൽപര്യമുള്ളവരും രജിസ്റ്റർ ചെയ്യണം. ഡോ.എ.ഐ.റഹ്മത്തുള്ള (9946510138), എ.എ. വഹാബ് (9847325244). ഇമെയിൽ
[email protected],
[email protected]