ഏകജാലകം: രണ്ടാംഘട്ട അലോട്ട്മെന്റ് പ്രസിദ്ധീകരിച്ചു
ഏകജാലകത്തിലൂടെയുെള്ളബിരുദ പ്രവേശനത്തിന്റെ രണ്ടാം ഘട്ട അലോട്ട്മെന്റ് പ്രസിദ്ധീകരിച്ചു. യോഗ്യത നേടിയവർ ഇന്നു വൈകുന്നേരം നാലിനു മുന്പു പ്രവേശനം നേടണം. നാളെ മുതൽ 22 വരെ ഓപ്ഷൻ പുനക്രമീകരിക്കാം.
ഇന്നു വൈകുനേരം നാലിനു മുൻപായി ഫീസ് അടക്കാത്തവരുടെയും ഫീസടച്ച ശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും. തുടർന്നുള്ള അലോട്ട്മെന്റിലേക്ക് ഇവരെ പരിഗണിക്കില്ല.
നിലവിൽ അലോട്ട്മെന്റ് ലഭിച്ചവർ ഹയർ ഓപ്ഷനുകൾ നിലനിർത്താൻ ആഗ്രഹിക്കുന്ന പക്ഷം അലോട്ട്മെന്റ് ലഭിച്ച കോളജുകളിൽ താത്കാലിക പ്രവേശനം നേടണം. എന്നാൽ ഒന്നാം അലോട്ട്മെന്റിൽ ലഭിച്ച അലോട്ട്മെന്റ് സ്റ്റാറ്റസ് തന്നെയാണു രണ്ടാം അലോട്ട്മെന്റിലും കാണിക്കുന്നതെങ്കിൽ അതേ കോളജിൽതന്നെ പ്രവേശനത്തിനായി വീണ്ടും റിപ്പോർട്ട് ചെയ്യേണ്ടതില്ല. വിവിധ പ്രോഗ്രാമുകളിലേക്കുള്ള ഫീസ് സംബന്ധിച്ച ഉത്തരവുകൾ ക്യാപ്പ് വെബ്സൈറ്റിൽ നല്കിയിട്ടുണ്ട്. സർവകലാശാല നിഷ്കർഷിച്ചതിനേക്കാൾ കൂടുതൽ ഫീസ് ഈടാക്കുന്ന കോളജുകൾക്കെതിരെ ഉചിതമായ ശിക്ഷാ നടപടി സ്വീകരിക്കും.
പരീക്ഷാതീയതി
രണ്ടാം സെമസ്റ്റർ ബിരുദാനന്തര ബിരുദ പരീക്ഷ (സിഎസ്എസ് 2016 അഡ്മിഷൻ റെഗുലർ) ജൂലൈ 11 മുതൽ ആരംഭിക്കും.ടൈംടേബിൾ പിന്നീട്.
പ്രാക്ടിക്കൽ പരീക്ഷ
2017 മേയിൽ നടത്തിയ രണ്ടാം സെമസ്റ്റർ ബിഎസ്സി സൈബർ ഫോറൻസിക് (സിബിസിഎസ്എസ് റെഗുലർ, സപ്ലിമെന്ററി) ഡിഗ്രി പരീക്ഷയുടെ പ്രാക്ടിക്കൽ 22 മുതൽ അതതു കോളജുകളിൽ നടത്തും. ടൈംടേബിൾ വെബ്സൈറ്റിൽ.
പിഎച്ച്ഡി പരീക്ഷ
പിഎച്ച്ഡി അഭിരുചി എഴുത്തുപരീക്ഷ 2017 24നു രാവിലെ 10.00 മുതൽ ഉച്ചകഴിഞ്ഞു ഒന്നു വരെ കോട്ടയം സിഎംഎസ് കോളജിൽ നടത്തും. ഹാൾടിക്കറ്റുകൾ 23നു വൈകുന്നേരം അഞ്ചു വരെ phd.mgu.ac.in എന്ന വെബ്സൈറ്റിൽനിന്നു ഡൗണ്ലോഡ് ചെയ്യാം.
പരീക്ഷാഫലം
2017 ജനുവരിയിലെ അവസാന വർഷ ബിഎസ്സി മെഡിക്കൽ ലബോറട്ടറി ടെക്നോളജി (റെഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. ഗാന്ധി നഗർ എസ്എംഇയിലെ ആഷ്മി ശശി ഒന്നാം റാങ്ക് നേടി.
സൂക്ഷ്മ പരിശോധനയ്ക്കും പുനർമുല്യനിർണയത്തിനുമുള്ള അപേക്ഷ 30 വരെ സ്വീകരിക്കും.
2017 ജനുവരിയിലെ പത്താം സെമസ്റ്റർ ബിഎ ക്രിമിനോളജി എൽഎൽബി (ഓണേഴ്സ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
എറണാകുളം ഗവ. ലോ കോളജിലെ സി. ശ്രീലക്ഷ്മി, എസ്. ജയസൂര്യ മോചിതൻ, കെ. ദിവ്യ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷ 30 വരെ സ്വീകരിക്കും.