യുജി പരീക്ഷാഫലം പ്രസിദ്ധീകരിച്ചു
വിദൂരവിദ്യാഭ്യാസം അഞ്ചാം സെമസ്റ്റർ ബിഎ/ബിഎ അഫ്സൽഉൽഉലമ/ബികോം/ബിബിഎ/ബിഎസ്സി മാത്തമാറ്റിക്സ് (സിയുസിബിസിഎസ്.എസ്) നവംബർ 2016 പരീക്ഷാഫലം വെബ്സൈറ്റിൽ ലഭ്യമാണ്. തിരുവനന്തപുരം, കോട്ടയം കേന്ദ്രങ്ങളിൽ പരീക്ഷയെഴുതിയവരുടെ ഫലവും, സെന്റ് തോമസ് കോളജ് പരീക്ഷാ കേന്ദ്രമായ ബികോം വിദ്യാർഥികളുടെ ഫലവും പിന്നീട് പ്രസിദ്ധീകരിക്കും.
ബിരുദ പ്രവേശനം രണ്ടാംഘട്ട അലോട്ട്മെന്റ്: 21ന് വൈകുന്നേരം അഞ്ചു മണി വരെ ഫീസ് അടക്കാം
ബിരുദ ഏകജാലക പ്രവേശനം രണ്ടാംഘട്ട അലോട്ട്മെന്റ് ലഭിച്ചവർക്ക് ഇന്ന് വൈകുന്നേരം അഞ്ച് വരെ മാൻഡേറ്ററി ഫീ അടക്കാം. അലോട്ട്മെന്റ് ലഭിച്ചിട്ടും മാൻഡേറ്ററി ഫീ അടയ്ക്കാത്തവർക്ക് നിലവിൽ ലഭിച്ച അലോട്ട്മെന്റ് നഷ്ടപ്പെടും. തുടർന്നുള്ള അലോട്ട്മെന്റ് പ്രക്രിയയിൽ നിന്ന് പുറത്താകുകയും ചെയ്യും. അലോട്ട്മെന്റ് ലഭിച്ച് മാൻഡേറ്ററി ഫീസ് അടച്ച് അഡ്മിറ്റ് കാർഡ് എടുത്തവർ എല്ലാ രേഖകളും സഹിതം 29നകം കോളജിൽ പ്രവേശനം നേടണം. ഹയർ ഓപ്ഷനിലേക്ക് പരിഗണിക്കേണ്ടവർ തുടർന്നുള്ള അലോട്ട്മെന്റുകൾക്ക് കാത്തിരിക്കണം.
ബിഎ ഇംഗ്ലീഷ് സിലബസ് പരിഷ്കരിച്ചു
2017 മുതൽ പ്രവേശനം നേടുന്ന ബിഎ ഇംഗ്ലീഷ് (സിയുസിബിസി.എസ്) വിദ്യാർഥികൾക്കുള്ള എ01 മുതൽ എ06 വരെ കോമണ് കോഴ്സുകളുടെ സിലബസ് പരിഷ്കരിച്ചു. പുതുക്കിയ സിലബസ് വെബ്സൈറ്റിൽ. ജൂണ് മധ്യത്തോടെ ടെക്സ്റ്റ് ബുക്കുകൾ ലഭ്യമാകും.
ബിഎ/ബിഎസ്സി/ബിഎംഎംസി സ്പോട്ട് പെയ്മെന്റ് ക്യാന്പ്
വിദൂരവിദ്യാഭ്യാസം ആറാം സെമസ്റ്റർ ബിഎ/ബിഎസ്സി/ബിഎംഎംസി പരീക്ഷകളുടെ മൂല്യനിർണയത്തിനുള്ള സ്പോട്ട് പെയ്മെന്റ് ക്യാന്പ് 22ന് ലൈഫ്ലോംഗ് ലേണിംഗ് ആൻഡ് എക്സ്റ്റൻഷൻ വിഭാഗത്തിൽ നടക്കും. എല്ലാ ചീഫ് എക്സാമിനർമാരും മാർക്ക് ഷീറ്റുകളും ബില്ലുകളും സഹിതം 12.30നകം എത്തണം.
നാലാം സെമസ്റ്റർ എംബിഎ (എസ്ഡിഇ) ട്യൂഷൻ ഫീ
വിദൂരവിദ്യാഭ്യാസം വഴി 2014ൽ പ്രവേശനം നേടിയ എംബിഎ വിദ്യാർഥികൾക്കുള്ള നാലാം സെമസ്റ്റർ ട്യൂഷൻ ഫീ 10,000 രൂപ, പിഴകൂടാതെ 30 വരെയും 100 രൂപ പിഴയോടെ ജൂലൈ ഏഴ് വരെയും അടക്കാം. വിവരങ്ങൾ വെബ്സൈറ്റിൽ.
ബിഎസ്സി നഴ്സിംഗ് പ്രാക്ടിക്കൽ/വൈവ സപ്ലിമെന്ററി പരീക്ഷ
നാലാം വർഷ ബിഎസ്സി നഴ്സിംഗ് സപ്ലിമെന്ററി പ്രാക്ടിക്കൽ/വൈവ പരീക്ഷകൾ 21ന് ആരംഭിക്കും. ഷെഡ്യൂൾ വെബ്സൈറ്റിൽ.
പരീക്ഷാ അപേക്ഷ
ഈയടുത്ത് ഫലം പ്രസിദ്ധീകരിച്ച നാലാം സെമസ്റ്റർ ബിഎംഎംസി (സിയുസിബിസിഎസ്എസ്) വിദ്യാർഥികൾക്ക് സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് അപേക്ഷിക്കാനുള്ള ലിങ്ക് 22 വരെ ലഭ്യമാവും.
പരീക്ഷാഫലം
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎസ്സി കംപ്യൂട്ടർ സയൻസ് (സിസിഎസ്എസ്) പരീക്ഷാഫലം വെബ്സൈറ്റിൽ.
2016 ജൂണിൽ നടത്തിയ ഒന്ന്, രണ്ട് സെമസ്റ്റർ എംഫിൽ ബോട്ടണി പരീക്ഷാഫലം വെബ്സൈറ്റിൽ.
എട്ടാം സെമസ്റ്റർ ബിബിഎഎൽഎൽബി (ഓണേഴ്സ്), എൽഎൽബി (പഞ്ചവത്സരം) ഒക്ടോബർ 2016 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂലൈ അഞ്ചുവരെ ഓണ്ലൈനിൽ അപേക്ഷിക്കാം.
വിദൂരവിദ്യാഭ്യാസം നാലാം സെമസ്റ്റർ ബിഎംഎംസി (സിയുസിബിസിഎസ്എസ്) പരീക്ഷാഫലം വെബ്സൈറ്റിൽ. സപ്ലിമെന്ററി/ഇംപ്രൂവ്മെന്റ് പരീക്ഷയ്ക്ക് അപേക്ഷിക്കാനുള്ള ലിങ്ക് 22 വരെ ലഭ്യമാവും.