കോളജ് മാറ്റത്തിന് അപേക്ഷിക്കാനുള്ള തിയതി നീട്ടി
ബിരുദ കോഴ്സുകൾക്ക് കോളജ് മാറ്റത്തിന് അപേക്ഷ സമർപ്പിക്കുന്നതിനുള്ള അവസാന തിയതി 27 വരെ നീട്ടി.
സീറ്റുകൾ ഒഴിവ്
ലൈഫ്‌ലോംഗ് ലേണിംഗ് ആൻഡ് എക്സ്റ്റൻഷൻ വകുപ്പിൽ നടത്തുന്ന ഒരു വർഷത്തെ പിജി ഡിപ്ലോമ ഇൻ മാനേജ്മെന്‍റ് ഓഫ് ലേണിംഗ് ഡിസെബിലിറ്റി കോഴ്സിന് സീറ്റുകൾ ഒഴിവ്. സർട്ടിഫിക്കറ്റുകൾ സഹിതം 27നകം പഠനവകുപ്പിൽ ഹാജരാകണം.
എംഎസ്‌സി ഹെൽത്ത് ആൻഡ് യോഗതെറാപ്പി പ്രവേശന പരീക്ഷാ ഹാൾടിക്കറ്റ്
26ന് രാവിലെ 9.30ന് നടത്തുന്ന എംഎസ്‌സി ഹെൽത്ത് ആൻഡ് യോഗതെറാപ്പി പ്രവേശന പരീക്ഷാ ഹാൾടിക്കറ്റ് വെബ്സൈറ്റിൽ നിന്ന് ഡൗണ്ലോഡ് ചെയ്യാം.
ബിഎഡ് പ്രവേശനം: അപേക്ഷാ തിയതി 28 വരെ നീട്ടി
ബിഎഡ് പ്രവേശനത്തിന് ഓണ്‍ലൈനായി രജിസ്റ്റർ ചെയ്യാനുള്ള തിയതി 28 വരെ നീട്ടി.
പുനർമൂല്യനിർണയ അപേക്ഷ
വിദൂരവിദ്യാഭ്യാസം നാലാം സെമസ്റ്റർ ബിഎംഎംസി (സിയുസിബിസിഎസ്എസ്, 2014 പ്രവേശനം) പരീക്ഷയുടെ പുനർമൂല്യനിർണയത്തിന് ജൂലൈ ഒന്ന് വരെ അപേക്ഷിക്കാം. പ്രിന്‍റൗട്ട് ചലാൻ സഹിതം ജൂലൈ അഞ്ചിനകം ലഭിക്കണം.
പരീക്ഷാഫലം
അഞ്ചാം സെമസ്റ്റർ ബിഎ/ബിഎസ്ഡബ്ല്യു/ബിവിസി (സിസിഎസ്എസ്) നവംബർ 2016 സപ്ലിമെന്‍ററി/ഇംപ്രൂവ്മെന്‍റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂലൈ അഞ്ച് വരെ അപേക്ഷിക്കാം. പ്രിന്‍റൗട്ട് ചലാൻ സഹിതം ജൂലൈ പത്തിനകം ലഭിക്കണം.
2016 നവംബർ, ജൂണ്‍ മാസങ്ങളിൽ നടത്തിയ ഒന്ന്, രണ്ട് സെമസ്റ്റർ എൽഎ.എം (സിസിഎസ്എസ്) പരീക്ഷാഫലം വെബ്സൈറ്റിൽ.
പുനർമൂല്യനിർണയ ഫലം
ബിഎംഎംസി ഒന്നാം സെമസ്റ്റർ റഗുലർ നവംബർ 2015, മൂന്നാം സെമസ്റ്റർ ഡിസംബർ 2015 പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
തേർഡ് പ്രഫഷണൽ ബിഎഎംഎസ് സപ്ലിമെന്‍ററി ഓഗസ്റ്റ് 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
ബിഎഡ് പ്രാക്ടിക്കൽ: കോളജുകൾ രേഖകൾ കൈപ്പറ്റണം
ബിഎഡ് പ്രാക്ടിക്കൽ പരീക്ഷയുമായി ബന്ധപ്പെട്ട രേഖകൾ (മാർക്ക് ഷീറ്റ്, ഗൈഡ്ലൈൻസ്, എക്സാമിനേഴ്സിനുള്ള കത്തുകൾ, മറ്റ് രേഖകൾ) ബിഎഡ് കോളജുകൾ 23 മുതൽ ബ്രാക്കറ്റിൽ കൊടുത്ത കേന്ദ്രങ്ങളിൽ നിന്നും കൈപ്പറ്റണം. കോഴിക്കോട്, വയനാട് ജില്ലകൾ (കോഴിക്കോട് ജിസിടിഇ), മലപ്പുറം ജില്ല (ഫാറൂഖ് ട്രെയിനിംഗ് കോളേജ്), പാലക്കാട് ജില്ല (ഒറ്റപ്പാലം എൻഎസ്എസ് ട്രെയിനിംഗ് കോളേജ്), തൃശൂർ ജില്ല (തൃശൂർ ഗവണ്‍മെന്‍റ് ഐഎഎസ്.ഇ).