ബിരുദാനന്തര ബിരുദ ഏകജാലക പ്രവേശനം: ഓണ്ലൈൻ രജിസ്ട്രേഷൻ ജൂലൈ ഒന്ന് മുതൽ
എംജി സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളജുകളിലെയും, പത്തനംതിട്ട, എറണുകുളം എന്നീ സ്ഥലങ്ങളിൽ സർവകലാശാല നേരിട്ട് നടത്തുന്ന സ്കൂൾ ഓഫ് ടെക്നോളജി ആൻഡ് അപ്ലൈഡ് സയൻസിലെയും, ഏകജാലകം വഴിയുള്ള ഒന്നാം വർഷ ബിരുദാനന്തര ബിരുദ പ്രോഗ്രാമുകളിലേക്കുള്ള ഓണ്ലൈൻ രജിസ്ട്രേഷൻ ജൂലൈ ഒന്നു മുതൽ ആരംഭിക്കും സർവകലാശാലാ നേരിട്ട് ഏകജാലക സംവിധാനത്തിലൂടെ മെറിറ്റ് സീറ്റുകളിലേക്കും പട്ടിക ജാതി, പട്ടിക വർഗ (എസ്സി, എസ്ടി), സാമൂഹ്യമായും സാന്പത്തികമായും പിന്നോക്കം നിൽക്കുന്ന വിഭാഗങ്ങൾ (എസ്ഇബിസി), മുന്നോക്ക സമുദായത്തിലെ സാന്പത്തികമായി പിന്നോക്കം നിൽക്കുന്നവർ (ഇബിഎഫ്സി) എന്നിവർക്കായി സംവരണം ചെയ്തിട്ടുള്ള സീറ്റുകളിലെ അലോട്ട്മെന്റ് നടത്തും.
ഓണ്ലൈൻ രജിസ്ട്രേഷൻ വെബ്സൈറ്റിൽ നടത്താവുന്നതാണ് ’അക്കൗണ്ട് ക്രിയേഷൻ’ എന്ന ലിങ്കിൽ ക്ലിക്ക് ചെയ്ത് അപേക്ഷകന്റെ പേര്, ഇമെയിൽ വിലാസം, ജനനതീയതി, സംവരണ വിഭാഗം എന്നീ വ്യക്തിഗത വിവരങ്ങൾ നൽകി പാസ്വേഡ് സൃഷ്ടിച്ച ശേഷം ഓണ്ലൈനായി നിശ്ചിത ആപ്ലിക്കേഷൻ ഫീ അടയ്ക്കണം. അപേക്ഷാഫീസ് പൊതുവിഭാഗത്തിനു 1000 രൂപയും എസ്സി, എസ്ടി വിഭാഗത്തിനു 500 രൂപയുമാണ്. ഇത്തരത്തിൽ അപേക്ഷാ ഫീസ് ഒടുക്കിയാൽ മാത്രമേ അപേക്ഷകന്റെ അക്കൗണ്ട് പ്രവർത്തനക്ഷമമാക്കുകയുള്ളൂ. അപേക്ഷകന്റെ ആപ്ലിക്കേഷൻ നന്പരായിരിക്കും ലോഗിൻ ഐഡി ഓണ്ലൈനായി ഫീസ് അടച്ചശേഷം അപേക്ഷകന്റെ വ്യക്തിഗത അക്കാദമിക വിവരങ്ങൾ നൽകേണ്ടതും വിശദമായ പരിശോധനകൾക്ക് ശേഷം ആപ്ലിക്കേഷൻ സബ്മിറ്റ് ചെയ്യണം.
ഓണ്ലൈൻ രജിസ്ട്രേഷൻ ജൂലൈ 20 വരെ നടത്താം. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാലയിൽ സമർപ്പിക്കേണ്ടതില്ല. അദ്യ അലോട്ട്മെന്റ് ജൂലൈ 31 ന് നടത്തും.
ഓണ്ലൈൻ പേമെന്റ് ഗേറ്റ് വേ വഴി ഫീസ് ഒടുക്കാം എന്നുള്ളതാണ് ഈ വർഷത്തെ ഏകജാലക പ്രവേശനത്തിന്റെ പ്രത്യേകത. മാനേജ്മെന്റ്, കമ്മ്യൂണിറ്റി, സ്പോർട്സ്, കൾച്ചറൽ ക്വോട്ട, വികലാംഗ വിഭാഗത്തിന് സംവരണം ചെയ്ത സീറ്റുകൾ എന്നിവയിലേക്ക് അപേക്ഷിക്കുന്നവർ പ്രവേശനം ആഗ്രഹിക്കുന്ന കോളജുകളിൽ തന്നെ നേരിട്ട് അപേക്ഷ സമർപ്പിക്കണം. ലക്ഷദ്വീപിൽ നിന്നുള്ള അപേക്ഷകർക്കായി ഓരോ കോളജിലും സീറ്റുകൾ സംവരണം ചെയ്തിട്ടുണ്ട് ലക്ഷദ്വീപ് നിവാസികളായ അപേക്ഷകർ പ്രവേശനം ആഗ്രഹിക്കുന്ന കോളജുകളിൽ തന്നെ നേരിട്ട് അപേക്ഷ സമർപ്പിക്കണം. വികലാംഗ, സ്പോർട്സ്, കൾച്ചറൽ ക്വാട്ടാ വിഭാഗങ്ങളിൽ സംവരണം ചെയ്തിട്ടുള്ള സീറ്റുകളിലേക്കുള്ള പ്രവേശനത്തിനായുള്ള നടപടിക്രമം.
എൻആർഐ, വികലാംഗ, സ്പോർട്സ്, കൾച്ചറൽ, സ്റ്റാഫ് ക്വാട്ടാ വിഭാഗങ്ങളിൽ സംവരണം ചെയ്തിട്ടുള്ള സീറ്റുകളിലേക്ക് അപേക്ഷ സമർപ്പിക്കുന്നവർ പ്രവേശനം ആഗ്രഹിക്കുന്ന കോളജുകളിൽ ജൂലൈ 14 നകം നേരിട്ട് അപേക്ഷ സമർപ്പിക്കണം. അതിനാൽ ഇവർക്ക് ഏകജാലക സംവിധാനത്തിലൂടെയുള്ള പ്രവേശനത്തിനു പ്രത്യേകമായി സീറ്റുകൾ സംവരണം ചെയ്തിട്ടില്ല.
കോളജ് അധികൃതരുടെ ശ്രദ്ധയ്ക്ക്
സ്പോർട്സ്, കൾച്ചറൽ വികലാംഗ സംവരണ സീറ്റുകളിലേക്കും, മാനേജ്മെന്റ് കമ്മ്യൂണിറ്റി ക്വാട്ടാ സീറ്റുകളിലേക്കുമുള്ള പ്രവേശനം സംബന്ധിച്ച സർവകലാശാല വിജ്ഞാപനം വെബ്സൈറ്റിൽ പ്രസിദ്ധീകരിച്ചിട്ടുണ്ട്. കോളജധികൃതർ വിജ്ഞാപനത്തിലുള്ള തീയതികൾക്ക അനുസൃതമായിതന്നെ പ്രവേശന നടപടികൾ പൂർത്തീകരിക്കണം. കോളജധികൃതൽ തങ്ങളുടെ ഇമെയിൽ ദിവസേന പരിശോധിക്കണം. ഹെൽപ് ലൈൻ : 0481 6555563.
പരീക്ഷാതീയതി
അഫിലിയേറ്റ് കോളജുകളിലെ രണ്ടാം സെമസ്റ്റർ എംകോം (സിഎസ്എസ് 2016 അഡ്മിഷൻ റെഗുലർ) ഡിഗ്രി പരീക്ഷകൾ ജൂലൈ 11 ന് ആരംഭിക്കും. വിശദമായ ടൈം ടേബിൾ സർവകലാശാലാ വെബ്സൈറ്റിൽ. ഇന്റേണൽ മാർക്കുകൾ യഥാസമയം ലഭ്യമാക്കാത്ത കോളജുകളിൽ നിന്നും ഉത്തരവു പ്രകാരമുള്ള പിഴ ഈടാക്കും.
അഫിലിയേറ്റ് കോളജുകളിലെ രണ്ടാം സെമസ്റ്റർ എംഎസ്സി (സിഎസ്എസ് 2016 അഡ്മിഷൻ റെഗുലർ) ഡിഗ്രി പരീക്ഷകൾ ജൂലൈ 11 ന് ആരംഭിക്കും. വിശദമായ ടൈം ടേബിൾ സർവകലാശാലാ വെബ്സൈറ്റിൽ. ഇന്റേണൽ മാർക്കുകൾ യഥാസമയം ലഭ്യമാക്കാത്ത കോളജുകളിൽ നിന്നും ഉത്തരവു പ്രകാരമുള്ള പിഴ ഈടാക്കും.
അഫിലിയേറ്റ് കോളജുകളിലെ രണ്ടാം സെമസ്റ്റർ എംഎ, എംഎസ്ഡബ്ല്യൂ, എംസിജെ, എംടിഎ ആൻഡ് എംഎംഎച്ച് (സിഎസ്എസ് 2016 അഡ്മിഷൻ റെഗുലർ) ഡിഗ്രി പരീക്ഷകൾ ജൂലൈ 11 ന് ആരംഭിക്കും. വിശദമായ ടൈം ടേബിൾ സർവകലാശാലാ വെബ്സൈറ്റിൽ ലഭ്യമാണ്. ഇന്റേണൽ മാർക്കുകൾ യഥാസമയം ലഭ്യമാക്കാത്ത കോളജുകളിൽ നിന്നും ഉത്തരവു പ്രകാരമുള്ള പിഴ ഈടാക്കും.
പ്രാക്ടിക്കൽ പരീക്ഷ
നാലാം സെമസ്റ്റർ ബിഎസ്സി സൈബർ ഫോറൻസിക് (സിബിസിഎസ്എസ്) റെഗുലർ, സപ്ലിമെന്ററി 2017 മേയ്, ജൂണ് ഡിഗ്രി പരീക്ഷയുടെ പ്രാക്ടിക്കൽ 27 മുതൽ അതാത് കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പരീക്ഷാഫലം
2016 ഓഗസ്റ്റിൽ നടത്തിയ രണ്ടാം സെമസ്റ്റർ എംടിഎ (പിജിസിഎസ്എസ് റെഗുലർ), 2016
സെപ്റ്റംബറിൽ നടത്തിയ രണ്ടാം സെമസ്റ്റർ
എംടിഎ (പിജിസിഎസ്എസ്സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ ജൂലൈ ആറുവരെ സ്വീകരിക്കും.
2016 ജൂണിൽ നടത്തിയ രണ്ടാം സെമസ്റ്റർ എംഫിൽ (സോഷ്യൽ വർക്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ ജൂലൈ ആറു വരെ സ്വീകരിക്കും.
2016 ഓ്ഗസ്റ്റ്, സെപ്റ്റംബർ മാസങ്ങളിൽ നടത്തിയ രണ്ടാം സെമസ്റ്റർ എംഎസ്സി ഹോം സയൻസ് ബ്രാഞ്ച് എ, ബി, സി, ഡി ആൻഡ് ഇ (സി എസ്എസ് റെഗുലർ, സപ്ലിമെന്ററി), 2017 ജനുവരിയിൽ നടത്തിയ മൂന്നാം സെമസ്റ്റർ എംഎസ്സി ഹോം സയൻസ് ബ്രാഞ്ച് എ, ഡി ആൻഡ് ഇ (സിഎസ്എസ് റെഗുലർ, സപ്ലിമെന്ററി) എന്നീ പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ ജൂലൈ ആറു വരെ സ്വീകരിക്കും.
എംഫിൽ പ്രവേശന റാങ്ക് ലിസ്റ്റ് പ്രസിദ്ധീകരിച്ചു
സ്കൂൾ ഓഫ് എൻവയോണ്മെന്റ് സയൻസിലെ എംഫിൽ പ്രവേശനത്തിനുള്ള പ്രൊവിഷണൽ റാങ്ക് ലിസ്റ്റ് പ്രസിദ്ധീകരിച്ചു. റാങ്ക് ലിസറ്റ് യൂണിവേഴ്സിറ്റി വെബ്സൈറ്റിൽ ലഭ്യമാണ്. യോഗ്യത നേടിയവർ 30നു വൈകുന്നേരം അഞ്ചിനു മുൻപായി പ്രവേശനം നേടണം.
കനേഡിയൻ ശാസ്ത്രജ്ഞന്റെ പരന്പര
ഇന്റർനാഷണൽ ആൻഡ് ഇന്റർ യൂണിവേഴ്സിറ്റി സെന്റർ ഫോർ നാനോസയൻസ് ആൻഡ് നാനോ ടെക്നോളജിയുടെ ആഭിമുഖ്യത്തിൽ ഇന്നു മുതൽ 27 വരെ കാനഡയിലെ നാനോടെക്നോളജി പ്രഫ. ഡോ. കാർലെ മോണ്ഡി മാൻഗോ സ്കൂൾ ഓഫ് കെമിക്കൽ സയൻസസ് ഓഡിറ്റോറിയത്തിൽ ഉച്ചകഴിഞ്ഞു 1.30 മുതൽ 3.30 വരെ എറുഡൈറ്റ് പ്രഭാഷണങ്ങൾ നടത്തും. 24 നും 26 നും രാവിലെ 9.30 നും ഉച്ചകഴിഞ്ഞ് 1.30 നുമായി രണ്ട് പ്രഭാഷണങ്ങൾ ഉണ്ടായിരിക്കും. എംജി സർവകലാശാലയുമായി അക്കാദമിക വിനിമയത്തിന് ധാരണാപത്രം നിലവിലുള്ള കാനഡയിലെ ആൽബർട്ടാ യൂണിവേഴ്സിറ്റിയിലെ ഇൻജന്വിറ്റി ലാബിന്റെ ഡയറക്ടറാണ് ഡോ. കാർലേ. പ്രകാശസംശ്ലേഷണവും കാർബണ് കാപ്ചറിംഗും, ജാവ കംപ്യൂട്ടർ, റീജനറേറ്റീവ് മെഡിസിൻ, ജീൻ തെറാപ്പി എന്നീ വിഷയങ്ങളിലാണ് പ്രഭാഷണം. ഫോണ് : 9447 149 547.