വൊക്കേഷണല് ഹയര്സെക്കൻഡറി മൂന്നാം അലോട്ട്മെന്റ് പ്രസിദ്ധീകരിച്ചു
തിരുവനന്തപുരം: വൊക്കേഷണല് ഹയര്സെക്കൻഡറി ഒന്നാം വര്ഷ ഏകജാലക പ്രവേശനത്തിനുള്ള മൂന്നാം അലോട്ട്മെന്റ് www.vhscap.kerala.gov.in എന്ന വൈബ്സൈറ്റിൽ പ്രസിദ്ധീകരിച്ചു.
ട്രയൽ അലോട്ട്മെന്റ് റിസൽട്ട് എന്ന ലിങ്കില് അപേക്ഷാ നമ്പരും ജനന തീയതിയും ടൈപ്പ് ചെയ്ത് അപേക്ഷകര്ക്ക് അലോട്ട്മെന്റ് വിവരങ്ങള് മനസിലാക്കാനും അലോട്ട്മെന്റ് സ്ലിപ്പ് ഡൗണ്ലോഡ് ചെയ്യാനും കഴിയും.
മൂന്നാം അലോട്ട്മെന്റിന്റെ അടിസ്ഥാനത്തില് 28ന് വൈകുന്നേരം മൂന്നുവരെ സ്കൂളുകളില് സ്ഥിര പ്രവേശനം നേടാം. മൂന്നാം അലോട്ട്മെന്റില് താത്കാലിക പ്രവേശനമില്ല. അലോട്ട്മെന്റ് ലിസ്റ്റില് ഉള്പ്പെട്ടിട്ടുളള വിദ്യാര്ഥികള് 28ന് മൂന്നിനു മുമ്പ് അലോട്ട്മെന്റ് ലഭിച്ച സ്കൂളില്സ്ഥിര അഡ്മിഷന് നേടിയിട്ടില്ലെങ്കില് പ്രവേശന നടപടികളില് നിന്ന് പുറത്താകും.