പരീക്ഷാ തിയതികളിൽ മാറ്റം
22, 26 തിയതികളിൽ നടത്താനിരുന്ന മൂന്നാം സെമസ്റ്റർ ബിപിഎഡ് റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ 28, 30 തിയതികളിലേക്ക് മാറ്റി. സയമം രാവിലെ 9.30 മണി മുതൽ 12.30 വരെ.
26, 27 തിയതികളിൽ നടത്താനിരുന്ന ആറാം സെമസ്റ്റർ ബികോം ഓണേഴ്സ്/ബിഎ/ബിഎസ്ഡബ്ല്യൂ (സിസിഎസ്എസ്) സപ്ലിമെന്ററി/ഇംപ്രൂവ്മെന്റ് 29, 30 തിയതികളിലേക്ക് മാറ്റി. സമയം രാവിലെ 9.30 മണി മുതൽ 12.30 വരെ. 28ന് നടത്താനിരുന്ന റഗുലർ/വിദൂരവിദ്യാഭ്യാസം/പ്രൈവറ്റ് വിദ്യാർഥികളുടെ നാലാം സെമസ്റ്റർ യുജി (സിയുസിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ ജൂലൈ അഞ്ചിലേക്കും മാറ്റി.
പിഎച്ച്ഡി ഹിയറിംഗ്
ഗവേഷണ കാലാവധി കഴിഞ്ഞിട്ടും പിഎച്ച്ഡി പ്രബന്ധം സമർപ്പിക്കാത്തവർക്ക് പ്രശ്നങ്ങൾ ബോധിപ്പിക്കുന്നതിനായി കാലിക്കട്ട് സർവകലാശാല ഗസ്റ്റ് ഹൗസിൽ ജൂലൈ മൂന്നിന് രാവിലെ 11ന് ഹിയറിംഗ് നടത്തുമെന്ന് ഗവേഷണ വിഭാഗം ഡയറക്ടർ അറിയിച്ചു.
ബിരുദ ഏകജാലകം: കമ്മ്യൂണിറ്റി ലിസ്റ്റ് പ്രസിദ്ധീകരിച്ചു
ബിരുദ ഏകജാലക പ്രവേശനത്തിനു വിവിധ കോഴ്സുകൾ/പ്രോഗ്രാമുകൾക്ക് കമ്മ്യൂണിറ്റി ക്വാട്ടയിലേക്ക് തെരഞ്ഞെടുത്ത വിദ്യാർഥികളുടെ റാങ്ക് പട്ടിക www.cuonline.ac.in എന്ന വെബ്സൈറ്റിൽ പ്രസിദ്ധീകരിച്ചു. റാങ്ക് പട്ടിക കോളജ് നോട്ടീസ് ബോർഡിലും പ്രസിദ്ധീകരിക്കും. കമ്മ്യൂണിറ്റി ക്വാട്ടയിൽ പ്രവേശനത്തിന് 28 മുതൽ 30 പകൽ 12 വരെ റിപ്പോർട്ട് ചെയ്യുന്നവരെ ഉൾപ്പെടുത്തി 30ന് ഉച്ചയ്ക്ക് രണ്ടിനു അതത് കോളജുകളിൽ റാങ്ക് പട്ടിക പ്രസിദ്ധീകരിക്കും. മെറിറ്റ് അടിസ്ഥാനത്തിൽ ഷെഡ്യൂൾ പ്രകാരമുള്ള തിയതികളിൽ കോളജ് അധികൃതർ പ്രവേശനം നടത്തും.
ബിഎഡ് കോഴ്സിന് 28 വരെ അപേക്ഷിക്കാം
ബിഎഡ് കോഴ്സിന് www.cuonline.ac.in എന്ന വെബ്സൈറ്റിലൂടെ ജൂണ് 28 വരെ അപേക്ഷിക്കാം. അപേക്ഷാ ഫീസ് ജനറൽ 500 രൂപ, എസ്സി/എസ്ടി 150 രൂപ. സർവകലാശാല നേരിട്ട് നടത്തുന്ന 11 ബിഎഡ് സെന്ററുകളിലും ലക്ഷദ്വീപ് ബിഎഡ് കേന്ദ്രത്തിലും 65 ടീച്ചർ എഡ്യുക്കേഷൻ കോളജുകളിലും ബിഎഡ് കോഴ്സിന് അപേക്ഷിക്കാം. വിശദവിവരങ്ങൾ പ്രോസ്പെക്ടസിൽ .
പരീക്ഷാ അപേക്ഷ
എൽഎൽബി (ത്രിവത്സരം, പഞ്ചവത്സരം)/ബിബിഎഎൽഎൽബി/എൽഎൽബി യൂണിറ്ററി റഗുലർ/സപ്ലിമെന്ററി പരീക്ഷയ്ക്ക് പിഴകൂടാതെ ജൂലൈ നാല് വരെയും 150 രൂപ പിഴയോടെ ജൂലൈ ഏഴ് വരെയും അപേക്ഷിക്കാം. വിവരങ്ങൾ വെബ്സൈറ്റിൽ.
പരീക്ഷാ കേന്ദ്രത്തിൽ മാറ്റം
28 മുതൽ നടക്കുന്ന ഫൈനൽ അദീബെ ഫാസിൽ (2007 മുതൽ പ്രവേശനം) റഗുലർ/സപ്ലിമെന്ററി പരീക്ഷയ്ക്ക് മലപ്പുറം ഗവണ്മെന്റ് കോളജിൽ രജിസ്റ്റർ ചെയ്തവർ മലപ്പുറം ഫലാഹിയ അറബിക് കോളജിലാണ് ഹാജരാകേണ്ടത്.
പരീക്ഷ
പിജി ഡിപ്ലോമ ഇൻ മാനേജ്മെന്റ് ഓഫ് ലേണിംഗ് ഡിസെബിലിറ്റീസ് പരീക്ഷ 29ന് രാവിലെ 9.30ന് ആരംഭിക്കും.ഒന്നാം വർഷ അഫ്സൽഉൽഉലമ പ്രിലിമിനറി (2016 പ്രവേശനം) റഗുലർ/പ്രൈവറ്റ് പരീക്ഷ ജൂലൈ 14ന് ആരംഭിക്കും.
പരീക്ഷാഫലം
വിദൂരവിദ്യാഭ്യാസം അഞ്ചാം സെമസ്റ്റർ ബിഎസ്സി കൗണ്സലിംഗ് സൈക്കോളജി പരീക്ഷാഫലം വെബ്സൈറ്റിൽ.
2016 മേയ്, ഏപ്രിൽ മാസങ്ങളിൽ നടത്തിയ ഒന്ന്, രണ്ട് സെമസ്റ്റർ എംഎ ഗാന്ധിയൻ സ്റ്റഡീസ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂലൈ പത്ത് വരെ അപേക്ഷിക്കാം.
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംകോം (സിസിഎസ്എസ്) പരീക്ഷാഫലം വെബ്സൈറ്റിൽ.
സർവകലാശാലയിൽ ബ്യൂട്ടി മാനേജ്മെന്റ് സർട്ടിഫിക്കറ്റ് കോഴ്സ്
കാന്പസിലെ ലൈഫ് ലോംഗ് ലേണിംഗ് വകുപ്പിൽ മൂന്ന് മാസത്തെ അഡ്വാൻസ്ഡ് ബ്യൂട്ടി മാനേജ്മെന്റ് സർട്ടിഫിക്കറ്റ് കോഴ്സ് ആരംഭിക്കുന്നു. 50 പേർക്കാണ് പ്രവേശനം. ഹെയർ സ്പ, ഹെയർ കണ്ടീഷനിംഗ്, ഹെയർ കട്ട്, മേക്കപ്പ് ബ്രൈഡൽ, സട്രെയിറ്റനിംഗ്, വോളമൈസിംഗ്, കളറിംഗ്, പെർമിംഗ്, ഫേഷ്യൽ, ഹെന്ന എന്നീ മേഖലകളിൽ വിദഗ്ധർ പരിശീലനം നൽകും. ഈ രംഗത്ത് പ്രാഥമിക പരിജ്ഞാനമുള്ളവർക്ക് മുൻഗണന ലഭിക്കും. 1300 രൂപ ഫീസ് അടച്ച് പഠനവകുപ്പിൽ രജിസ്റ്റർ ചെയ്യാം. പഠന സാമഗ്രികളുടെ തുക പഠിതാക്കൾ നൽകണം. വിജയികൾക്ക് സർവകലാശാല സർട്ടിഫിക്കറ്റുകൾ നൽകും. വിവരങ്ങൾക്ക്: 0494 2407360