ബിരുദ ഏകജാലകം: മൂന്നാം അലോട്ട്മെന്റ് പ്രസിദ്ധീകരിച്ചു
ബിരുദ ഏകജാലകം വഴി യോഗ്യത നേടിയവർ 28ന് വൈന്നേരം നാലിനു മുന്പായി പ്രവേശനം നേടണം. 29 മുതൽ 30 വരെ ഓപ്ഷനുകൾ പുനഃക്രമീകരിക്കാം.
ഏകജാലകം വഴി 2017ൽ ബിരുദ പ്രവേശനത്തിനുള്ള മൂന്നാംഘട്ട അലോട്ട്മെന്റ് ലഭിച്ച അപേക്ഷകർ അലോട്ട്മെന്റ് മെമ്മോയുടെ പ്രിന്റൗട്ട് എടുത്ത് ഓണ്ലൈനായി യൂണിവേഴ്സിറ്റി അക്കൗണ്ടിൽ വരേണ്ട ഫീസടച്ച് 28ന് വൈകുന്നേരം നാലിനു മുന്പായി പ്രവേശനം നേടണം. 29 മുതൽ 30 വരെ ഓപ്ഷനുകൾ പുനഃക്രമീകരിക്കാം. ഹയർ ഓപ്ഷനുകൾ നിലനിർത്താൻ ആഗ്രഹിക്കുന്ന അപേക്ഷകർ ഒഴികെയുള്ളവർ കോളജുകളിൽ നിശ്ചിത ട്യൂഷൻ ഫിസ് അടച്ചു സ്ഥിരപ്രവേശനം ഉറപ്പാക്കണം.
എംഎസ്ഡബ്ല്യു: അപേക്ഷ 15 വരെ
അഫിലിയേറ്റഡ് കോളജുകളിലെ എംഎസ്ഡബ്ല്യൂ പ്രോഗ്രാമിന് അപേക്ഷിക്കാം. പ്രവേശന പരീക്ഷയിലെ മാർക്കിന്റെയും ബോണസ് പോയിന്റുകളുടെയും അടിസ്ഥാനത്തിലാണു പ്രവേശനം. പരീക്ഷയുടെ തീയതി പിന്നീട്. വിശദവിവരങ്ങളും അപേക്ഷാഫോമിന്റെ മാതൃകയും ഫീസ് ചെലാനും www.mg u.ac.in എന്ന വെബ്സൈറ്റിൽ.
പഞ്ചവത്സര എംഎസ്സി
ഇൻസ്റ്റിറ്റ്യൂട്ട് ഫോർ ഇന്റഗ്രേറ്റഡ് പ്രോഗ്രാംസ് ആൻഡ് റിസർച്ച് ഇൻ ബേസിക് സയൻസസിൽ (iirbs) ഫെലോഷിപ്പോടുകൂടി പഞ്ചവത്സര എംഎസ്സി കോഴ്സിന് അപേക്ഷിക്കാം, യോഗ്യത 55 ശതമാനത്തിൽ കുറയാത്ത മാർക്കോടെ പ്ലസ്ടു (സയൻസ്). സയൻസിലും ഗവേഷണത്തിലും പ്രത്യേക താത്പര്യമുള്ള വിദ്യാർഥികൾക്ക് അപേക്ഷിക്കാം. എഴുത്തു പരീക്ഷയുടെയും ഇന്റർവ്യൂവിന്റെയും അടിസ്ഥാനത്തിലാണു പ്രവേശനം. അവസാന തീയതി ജൂലൈ 10. ഫോമിനും വിശദവിവരങ്ങൾക്കും വെബ്സൈറ്റ് : www.iir bsmgu.com.
പരീക്ഷാതീയതി
സ്കൂൾ ഓഫ് ഇന്ത്യൻ ലീഗൽ തോട്ടിലെ 10ാം സെമസ്റ്റർ ബിബിഎ എൽഎൽബി (ഓണേഴ്സ്) ഡിഗ്രി പരീക്ഷകൾ ജൂലൈ 12ന് തുടങ്ങും. അപേക്ഷകൾ പിഴയില്ലാതെ 29 വരെയും 50 രൂപ പിഴയോടെ 30 വരെയും 500 രൂപ സൂപ്പർഫൈനോടെ ജൂലൈ മൂന്നു വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതം (പരമാവധി 100) സിവി ക്യാന്പ് ഫീസായി പരീക്ഷാഫീസിനു പുറമേ അടയ്ക്കണം.
ഒന്നാം വർഷ ബിഫാം (റെഗുലർ, സപ്ലിമെന്ററി) ഡിഗ്രി പരീക്ഷകൾ ജൂലൈ 14ന് തുടങ്ങും. അപേക്ഷ 29 വരെയും 50 രൂപ പിഴയോടെ 30 വരെയും 500 രൂപ സൂപ്പർഫൈനോടെ ജൂലൈ മൂന്നു വരെയും സ്വീകരിക്കും. വിദ്യാർഥികൾ പേപ്പറൊന്നിന് 20 രൂപ വീതം (പരമാവധി 100) സി.വി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടയ്ക്കണം.
എംടെക് പരീക്ഷ
ഒന്നാം സെമസ്റ്റർ എംടെക് (2013 ആൻഡ് 2014 അഡ്മിഷൻ സപ്ലിമെന്ററി) പരീക്ഷയിൽ മെക്കാനിക്കൽ എൻജിനിയറിംഗ് ബ്രാഞ്ചിൽ അഡ്വാൻസ്ഡ് എൻജിനിയറിംഗ് മാത്തമാറ്റിക്സ് എന്ന പേപ്പറും ഉൾപ്പെടുത്തി.
അപേക്ഷാ തീയതി
2017 മാർച്ചിലെ രണ്ടാം വർഷ ബിപിടി (പുതിയ സ്കീം 2008 മുതലുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷയിൽ വിജയിച്ചവർക്ക് നാലാം വർഷ ബിപിടി (2008 മുതലുള്ള അഡ്മിഷൻ) സപ്ലിമെന്ററി പരീക്ഷകൾക്കു പിഴയില്ലാതെ 26 വരെ അപേക്ഷിക്കാം.
വൈവാവോസി
നാലാം സെമസ്റ്റർ എംഎ ഹിന്ദി (സിഎസ്എസ് റെഗുലർ, സപ്ലിമെന്ററി), മൂന്നും നാലും സെമസ്റ്റർ, രണ്ടാം വർഷ (പ്രൈവറ്റ് റെഗുലർ, സപ്ലിമെന്ററി, മേഴ്സിചാൻസ്) എംഎ ഹിന്ദി ജൂണ് 2017 ഡിഗ്രി പരീക്ഷകളുടെ പ്രോജക്റ്റ് ഇവാല്യൂവേഷനും വൈവാവോസിയും 28 മുതൽ ജൂലൈ അഞ്ചു വരെ നടത്തും. ടൈംടേബിൾ വെബ്സൈറ്റിൽ.
നാലാം സെമസ്റ്റർ എംഎസ്സി പ്യൂവർ കെമിസ്ട്രി (റെഗുലർ, സപ്ലിമെന്ററി) മേയ്, ജൂണ് 2017 ഡിഗ്രി പരീക്ഷകളുടെ പ്രാക്ടിക്കൽ, പ്രൊജക്ട് ഇവാല്യൂവേഷൻ, വൈവാവോസി എന്നിവ 28മുതൽ ബന്ധപ്പെട്ട കോളജുകളിൽ ആരംഭിക്കും. ടൈംടേബിൾ വെബ്സൈറ്റിൽ.
നാലാം സെമസ്റ്റർ എംഎസ്സി അനലിറ്റിക്കൽ കെമിസ്ട്രി (റെഗുലർ, സപ്ലിമെന്ററി) മേയ്, ജൂണ് 2017 ഡിഗ്രി പരീക്ഷയുടെ പ്രാക്ടിക്കൽ, പ്രൊജക്ട് ഇവാല്യൂവേഷൻ, വൈവാവോസി എന്നിവ 29 മുതൽ ബന്ധപ്പെട്ട കോളജുകളിൽ ആരംഭിക്കും. ടൈംടേബിൾ വെബ്സൈറ്റിൽ.
പരീക്ഷാഫലം
2016 ഓഗസ്റ്റിലും സെപ്റ്റംബറിലും നടത്തിയ രണ്ടാം സെമസ്റ്റർ എംഎസ്സി ബോട്ടണി (സിഎസ്എസ് റെഗുലർ, സപ്ലിമെന്ററി,ബെറ്റർമെന്റ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷ ജൂലൈ 10 വരെ സ്വീകരിക്കും.