പ്ലസ് വണ്: രണ്ടാം അലോട്ട്മെന്റ് ഫലം 27ന്; ക്ലാസുകള് 29ന്
തിരുവനന്തപുരം: പ്ലസ് വണ് രണ്ടാമത്തെ അലോട്ട്മെന്റ് ജൂണ് 27ന് രാവിലെ 10ന് പ്രസിദ്ധീകരിക്കും. വിശദാംശങ്ങള് www.hsc ap.kerala.gov.in ല് ലഭിക്കും.
രണ്ടാമത്തെ ലിസ്റ്റ് പ്രകാരമുളള പ്രവേശനം 27, 28 തീയതികളില് നടക്കും.
അലോട്ട്മെന്റ് ലഭിച്ച എല്ലാ വിദ്യാര്ഥികളും അതത് സ്കൂളുകളില് ഫീസടച്ച് 28ന് വൈകുന്നേരം അഞ്ചിനു മുമ്പ് സ്ഥിര പ്രവേശനം നേടണം. 29ന് പ്ലസ് വണ് ക്ലാസുകള് തുടങ്ങുമെന്നു ഹയര് സെക്കൻഡറി ഡയറക്ടര് അറിയിച്ചു.
സിബിഎസ്ഇയുടെ സ്കൂള്തല പരീക്ഷയില് യോഗ്യത നേടിയവര്ക്കും നേരത്തെ അപേക്ഷ നല്കാന് കഴിയാതിരുന്ന മറ്റ് എല്ലാ വിദ്യാര്ഥികള്ക്കും വേണ്ടിയുളള സപ്ലിമെന്ററി അലോട്ട്മെന്റിനു ജൂലൈ ആറ് മുതല് അപേക്ഷ സമര്പ്പിക്കാം. അപേക്ഷിച്ചിട്ടും ഇതുവരെ അലോട്ട്മെന്റൊന്നും ലഭിച്ചിട്ടില്ലാത്തവര് നിലവിലുളള അപേക്ഷ പുതുക്കി പുതിയ ഓപ്ഷനുകള് കൂട്ടിച്ചേര്ത്തു സപ്ലിമെന്ററി അലോട്ട്മെന്റിന് അപേക്ഷിക്കണം.