സ്കോളർഷിപ്പോടെ അഭിനയം പഠിക്കാം
കേന്ദ്ര സാംസ്കാരിക മന്ത്രാലയത്തിനു കീഴിൽ പ്രവർത്തിക്കുന്ന നാഷണൽ സ്കൂൾ ഓഫ് ഡ്രാമയുടെ ബംഗളൂരു ചാപ്റ്റർ അഭിനയത്തിൽ ഒരു വർഷത്തെ ഇന്റൻസീവ് കോഴ്സിന് അപേക്ഷ ക്ഷണിച്ചു. ജൂലൈ 25നു തുടങ്ങുന്ന കോഴ്സിന് 20 സീറ്റുകളുണ്ട്. പഠന മാധ്യമം ഇംഗ്ലീഷ് ആയിരിക്കും. പരീക്ഷ ഇംഗ്ലീഷിലോ ഏതെങ്കിലും ദക്ഷിണേന്ത്യൻ ഭാഷയിലോ എഴുതാം.
നാലു പ്രൊഡക്ഷനുകളിലെങ്കിലും പങ്കെടുത്തിട്ടുള്ള ബിരുദധാരികൾക്ക് അപേക്ഷിക്കാം. പ്രായം 2017 ജൂണ് ഒന്നിന് 20നും 30നും മധ്യേ. ഇൻസ്റ്റിറ്റ്യൂട്ടിന്റെ ഹോസ്റ്റലിൽ താമസിച്ചു വേണം പഠനം നടത്താൻ. തെരഞ്ഞെടുക്കപ്പെടുന്നവർക്കു പ്രതിമാസം 4500 രൂപ സ്കോളർഷിപ്പ് ലഭിക്കും. അപേക്ഷ സമർപ്പിക്കേണ്ട അവസാന തീയതി ജൂണ് 30. അപേക്ഷാ ഫീസ് 150 രൂപ. അർഹരായ അപേക്ഷകർ ജൂലൈ 10,11,12 തീയതികളിൽ ഓഡിഷൻ, പെർഫോമൻസ് ടെസ്റ്റിന് ഹാജരാകണം.വെബ്സൈറ്റ്: www.nsd.gov.in.വിലാസം: എൻഎസ്ഡി, ബംഗളൂരു ചാപ്റ്റർ, ഗുരുനാനാക് ഭവൻ, വസന്ത നഗര, ബാംഗളൂരു560052. ഫോണ്: 080 22343027, 09448253488.