കേരള ആരോഗ്യശാസ്ത്ര സർവകലാശാല 2017 ഓഗസ്റ്റ് 16 മുതൽ ആരംഭിക്കുന്ന നാലാംവർഷ ബിപിടി ഡിഗ്രി റെഗുലർ/ സപ്ലിമെന്ററി (2010 & 2012 സ്കീം) പരീക്ഷയ്ക്ക് ജൂലൈ ഒന്നുമുതൽ 29 വരെയുള്ള തീയതികളിൽ ഓണ്ലൈനായി രജിസ്റ്റർ ചെയ്യാം. പേപ്പർ ഒന്നിന് 100 രൂപ ഫൈനോടുകൂടി ഓഗസ്റ്റ് ഒന്നു വരെയും 30 രൂപ സൂപ്പർഫൈനോടുകൂടി മൂന്നുവരെയും രജിസ്ട്രേഷൻ നടത്താം.
പരീക്ഷാ തീസിസ്
2018 ഏപ്രിലിൽ നടത്താനുദ്ദേശിക്കുന്ന മെഡിക്കൽ പിജി ഡിഗ്രി (എംഡി/ എംഎസ്) റെഗുലർ ആൻഡ് സപ്ലിമെന്ററി പരീക്ഷയുടെ ഫൈനൽ തീസിസ് 3000 രൂപ ഫീനോടുകൂടി 2017 നവംബർ 30ന് അഞ്ചുവരെ സർവകലാശാലയിൽ സമർപ്പിക്കാം. അയ്യായിരം രൂപ ഫൈനോടുകൂടി തീസീസ് ഡിസംബർ 15നു അഞ്ചുവരെയും സമർപ്പിക്കാവുന്നതാണ്.
പരീക്ഷാ തിയതി
2017 ജൂലൈ 31 മുതൽ ആരംഭിക്കുന്ന ഫസ്റ്റ് പ്രഫഷണൽ എംബിബിഎസ് ഡിഗ്രി റെഗുലർ ആൻഡ് സപ്ലിമെന്ററി തിയറി പരീക്ഷാ ടൈംടേബിൾ പ്രസിദ്ധീകരിച്ചു.