സർവകലാശാലയിൽ നോവൽ ചർച്ച സംഘടിപ്പിച്ചു
തേഞ്ഞിപ്പലം: എല്ലാവിധ ഫാസിസങ്ങളെയും പ്രതിരോധിക്കാൻ കരുത്തുറ്റ സാഹിത്യ മാധ്യമം നോവൽ ആണെന്ന് ഡൽഹി സർവകലാശാലാ ഇംഗ്ലീഷ് പ്രഫസർ ഡോ.പി. കൃഷ്ണനുണ്ണി അഭിപ്രായപ്പെട്ടു. കാലിക്കട്ട് സർവകലാശാലാ മലയാളകേരള പഠനവിഭാഗത്തിൽ സംഘടിപ്പിച്ച നോവൽ ചർച്ചയിൽ മുഖ്യ പ്രഭാഷണം നടത്തുകയായിരുന്നു അദ്ദേഹം. ലാറ്റിൻ അമേരിക്കൻ, ആഫ്രിക്കൻ, ഏഷ്യൻ രാജ്യങ്ങളിലെ നോവലുകളിൽ ഈ അധികാര പ്രതിരോധം ദൃശ്യമാണ്. ചർച്ചയുടെ ഭാഗമായി കേരളം ഒരു ഡോക്യുമെന്റ്’ എന്ന നോവൽ ഡോ. ലിജി നിരഞ്ജന അവതരിപ്പിച്ചു. പഠനവകുപ്പ് മേധാവി ഡോ. ഉമർ തറമേൽ അധ്യക്ഷനായിരുന്നു. ഡോ.എൽ. തോമസ്കുട്ടി, നിഷ ജോണ് എന്നിവർ പങ്കെടുത്തു.