എംസിഎ പ്രവേശന കൗണ്സലിംഗ് 24, 25 തിയതികളിൽ സർവകലാശാലാ സെമിനാർ കോംപ്ലക്സിൽ നടക്കും. 24ന് രാവിലെ പത്തിന് റാങ്ക് ഒന്ന് മുതൽ 200 വരെയുള്ളവരും, ഉച്ചയ്ക്ക് രണ്ടിന് 201 മുതൽ 400 വരെയുള്ളവരും ഹാജരാകണം. റാങ്ക് 401 മുതൽ 600 വരെയുള്ളവർ 25ന് രാവിലെ പത്തിന്ന്, 601 മുതൽ 825 വരെയുള്ളവർ ഉച്ചയ്ക്ക് രണ്ടിന് ഹാജരാകണം. അഡ്മിറ്റ് കാർഡും ആന്റി റാഗിംഗ് അഫിഡവിറ്റും ഡൗണ്ലോഡ് ചെയ്ത് പ്രവേശന സമയത്ത് ഹാജരാക്കണം.
സുവർണ ജൂബിലി: ലോഗോ ക്ഷണിച്ചു സുവർണ ജൂബിലി ആഘോഷങ്ങൾക്കായി പൊതുജനങ്ങളിൽ നിന്ന് ലോഗോ ക്ഷണിച്ചു. 17വരെ സ്വീകരിക്കും. എ4 പേപ്പറിൽ കറുത്ത മഷികൊണ്ട് വരച്ച് സ്വന്തം വിലാസം സഹിതം കവറിൽ ഒട്ടിച്ച് അയക്കേണ്ടതാണ്. വിലാസം പബ്ലിക് റിലേഷൻസ് ഓഫീസർ, അഡ്മിനിസ്ട്രേഷൻ ബിൽഡിംഗ്, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673635. ലോഗോയുടെ സോഫ്റ്റ് കോപ്പി കറുപ്പിലോ കളറിലോ തയ്യാറാക്കി
[email protected] എന്ന ഇമെയിലിലും അയക്കേണ്ടതാണ്. തെരഞ്ഞെടുക്കുന്നവയ്ക്ക് പാരിതോഷികം നൽകും. വിവരങ്ങൾക്ക്: 0494 2407230.
പുതുതായി അപേക്ഷിച്ചവർക്ക് എംഎഡ് പ്രവേശനം കാലിക്കട്ട് സർവകലാശാലയുടെ എംഎഡ് പ്രവേശനത്തിന് പുതുതായി അപേക്ഷിച്ചവർക്കുള്ള റാങ്ക് ലിസ്റ്റ് അതത് കോളേജുകളിൽ ലഭ്യമാണ്. എല്ലാ വിഭാഗങ്ങളിലേക്കുമുള്ള പ്രവേശനം 14ന് നടക്കും. റാങ്ക് ലിസ്റ്റിലുൾപ്പെട്ടവർ രേഖകൾ സഹിതം കോളജുകളിൽ ഹാജരാകണം.
പുതുതായി അപേക്ഷിച്ചവർക്ക് അഫ്സൽഉൽഉലമ പ്രിലിമിനറി പ്രവേശനം അഫ്സൽഉൽഉലമ പ്രിലിമിനറി പ്രവേശനത്തിന് പുതുതായി അപേക്ഷിച്ചവരുടെ റാങ്ക് ലിസ്റ്റ് അതത് കോളജുകളിൽ ലഭ്യമാണ്. എല്ലാ വിഭാഗങ്ങളിലേക്കുമുള്ള പ്രവേശനം 14ന് നടക്കും. റാങ്ക് ലിസ്റ്റിലുൾപ്പെട്ടവർ രേഖകൾ സഹിതം കോളജുകളിൽ ഹാജരാകണം.
എംഎ ഫോക്ലോർ പ്രവേശനം ഫോക്ലോർ പഠനവകുപ്പിൽ എംഎ പ്രവേശനം 13ന് നടക്കും. പ്രവേശന പരീക്ഷയുടെ അടിസ്ഥാനത്തിൽ അർഹത നേടിയവർ സർട്ടിഫിക്കറ്റുകൾ സഹിതം രാവിലെ പഠനവകുപ്പിൽ ഹാജരാകണം. വിവരങ്ങൾക്ക്: 0494 2407257.
പരീക്ഷാഫലം കാലിക്കട്ട് സർവകലാശാല എട്ടാം സെമസ്റ്റർ ബിടെക്, പാർട്ട് ടൈം ബിടെക് (09 സ്കീം) (പ്രിന്റിംഗ് ടെക്നോളജി ഒഴികെ) ഏപ്രിൽ 2017 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 26 വരെ ഓണ്ലൈനിൽ അപേക്ഷിക്കാം. പ്രിന്റൗട്ട്, ചലാൻ സഹിതം 31നകം ലഭിക്കണം. പ്രൊവിഷണൽ സർട്ടിഫിക്കറ്റും കണ്സോളിഡേറ്റഡ് മാർക്ക് ലിസ്റ്റും വിതരണം ചെയ്യുന്ന തിയതി 20ന് അറിയിക്കും.
രണ്ട്, മൂന്ന് വർഷ ബിഎസ് സി നഴ്സിംഗ് (ഒക്ടോബർ 2016) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 20 വരെ അപേക്ഷിക്കാം.
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎ ഇസ്ലാമിക് ഹിസ്റ്ററി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 24 വരെ അപേക്ഷിക്കാം.
2016 ഡിസംബറിൽ നടത്തിയ ഒന്നാം സെമസ്റ്റർ എംബിഎ (റുഗലർ, ഈവനിംഗ്), അഞ്ചാം സെമസ്റ്റർ (ഈവനിംഗ്) (സിയുസിഎസ്എസ്) പരീക്ഷാഫലങ്ങൾ വെബ്സൈറ്റിൽ. പുനർമൂല്യനിർണയത്തിന് 25 വരെ അപേക്ഷിക്കാം.
ബി വോക് ജെമ്മോളജി പ്രാക്ടിക്കൽ പരീക്ഷ അഞ്ചാം സെമസ്റ്റർ ബി വോക് ജെമ്മോളജി ആൻഡ് ജ്വല്ലറി ഡിസൈനിംഗ് പ്രാക്ടിക്കൽ പരീക്ഷ 13ന് ആരംഭിക്കും.
അന്തർ കലാലയ മത്സരങ്ങളുടെ ഫിക്സ്ചർ മീറ്റിംഗ് 27ന് 201718 വർഷത്തെ കാലിക്കട്ട് സർവകലാശാലാ അന്തർ കലാലയ മത്സരങ്ങളുടെ ഫിക്സ്ചർ മീറ്റിംഗ് സെമിനാർ കോംപ്ലക്സിൽ 27ന് രാവിലെ 10.30ന് നടത്തും. 65 മത്സരങ്ങൾക്കുള്ള വേദികൾ ഈ യോഗത്തിൽ തീരുമാനിക്കും. ചാന്പ്യൻഷിപ്പ് ഏറ്റെടുക്കാൻ ആഗ്രഹിക്കുന്ന കോളജുകളിലെ പ്രിൻസിപ്പൽമാർ 20നകം കായിക പഠനവകുപ്പിൽ അറിയിക്കണം. വിവരങ്ങൾ വെബ്സൈറ്റിൽ. ഈ യോഗത്തിൽ പങ്കെടുക്കാത്ത കോളജുകൾക്ക് ഈ വർഷത്തെ അന്തർ കലാലയ മത്സരങ്ങളിൽ പങ്കെടുക്കാനാവില്ല. കോളജുകൾ 201617 വർഷത്തെയും മുൻ വർഷങ്ങളിലെയും സ്പോർട്സ് അഫിലിയേഷൻ ഫീസ് യോഗത്തിന് മുന്പായി സർവകലാശാലയിൽ അടച്ച് രസീതി കായിക പഠനവകുപ്പിൽ സമർപ്പിക്കണം.
കുഞ്ഞിരാമൻ വൈദ്യർ സ്മാരക എൻഡോവ്മെന്റ് സ്വർണ മെഡൽ പുരസ്കാര വിതരണം കുഞ്ഞിരാമൻ വൈദ്യർ സ്മാരക എൻഡോവ്മെന്റ് സ്വർണ മെഡൽ പുരസ്കാര വിതരണം കാലിക്കട്ട് സർവകലാശാലാ സെമിനാർ കോംപ്ലക്സിൽ 13ന് നടത്തും. തൃശൂർ ഗവണ്മെന്റ് ലോ കോളജിലെ ഹിൽമ ജോസഫ് ആണ് ഈ വർഷത്തെ പുരസ്കാര ജേതാവ്. ചടങ്ങിൽ ഇ.കെ. ഭരത് ഭൂഷണ് ഐഎഎസ് മുഖ്യാതിഥിയായിരിക്കും. വൈസ് ചാൻസലർ ഡോ.കെ. മുഹമ്മദ് ബഷീർ, പ്രോവൈസ് ചാൻസലർ ഡോ.പി. മോഹൻ, രജിസ്ട്രാർ ഡോ.ടി.എ. അബ്ദുൽ മജീദ്, സിന്റിക്കേറ്റ് അംഗങ്ങൾ തുടങ്ങിയവർ പങ്കെടുക്കും.
പ്രഫ.എൻ. വി. പി ഉണിത്തിരി എൻഡോവ്മെന്റ്: പ്രബന്ധങ്ങൾ ക്ഷണിച്ചു സംസ്കൃത വിഭാഗം ഡിസംബറിൽ സംഘടിപ്പിക്കുന്ന പ്രഫ. എൻ.വി.പി. ഉണിത്തിരി എൻഡോവ്മെന്റ് ആൾ കേരള ഓറിയന്റൽ കോണ്ഫറൻസിൽ പ്രബന്ധം അവതരിപ്പിക്കാൻ താത്പ്പര്യമുള്ളവർ സംക്ഷിപ്ത രൂപം സെപ്റ്റംബർ 30നകവും പൂർണരൂപം ഒക്ടോബർ 31നകവും ജനറൽ കണ്വീനർക്ക് അയക്കണം. വൈദിക പഠനം, തിയറ്റർ പഠനം, ക്ലാസിക്കൽ സാഹിത്യം, ഭാരതീയ ദർശനം, വ്യാകരണവും ഭാഷാശാസ്ത്രവും, സാംസ്കാരിക പഠനം, സ്ത്രീ പഠനം, ശാസ്ത്ര സാങ്കേതിക സാഹിത്യം എന്നീ സെഷനുകളാണ് ഉണ്ടാവുക. പ്രബന്ധത്തിന്റെ സംക്ഷിപ്ത രൂപത്തിൽ, പങ്കെടുക്കുന്ന സെഷൻ വ്യക്തമാക്കണം. തെരഞ്ഞെടുത്ത പത്ത് പ്രബന്ധങ്ങൾ വീതം ഓരോ സെഷനിലും ഉൾപ്പെടുത്തും. രജിസ്ട്രേഷൻ ഫീ 200 രൂപ (വിദ്യാർഥികൾ 100 രൂപ) അവതരണ സമയത്ത് നൽകണം. 40 വയസ്സിൽ താഴെയുള്ളവരുടെ മികച്ച പ്രബന്ധങ്ങൾക്ക് എൻഡോവ്മെന്റ് പുരസ്കാരങ്ങൾ നൽകും. മികച്ചവ പ്രസിദ്ധീകരിക്കും. ഡോ.കെ.കെ. ഗീതകുമാരിയാണ് പരിപാടിയുടെ ജനറൽ കണ്വീനർ. ഫോണ്: 0494 2407258.
ഗാന്ധിദർശൻ അധ്യാപക ശിൽപശാല 22ന് പൊതുവിദ്യാഭ്യാസ വകുപ്പിന്റെ സഹകരണത്തോടെ ഗാന്ധി ചെയർ സംഘടിപ്പിക്കുന്ന ഗാന്ധിദർശൻ അധ്യാപക ശിൽപശാല 22ന് സർവകലാശാലാ കാന്പസിൽ മന്ത്രി ഡോ.കെ.ടി. ജലീൽ ഉദ്ഘാടനം ചെയ്യും. പൊതുവിദ്യാഭ്യാസ ശാക്തീകരണത്തിൽ അനിവാര്യമായ ഗാന്ധിയൻ ആദർശങ്ങൾ എന്നതാണ് പ്രമേയം. ഡോ.എൻ.പി. ഹാഫിസ് മുഹമ്മദ്, ഡോ. അനിൽ ചേലേന്പ്ര, ഡോ.ആർ. സുരേന്ദ്രൻ, കെ. വേദവ്യാസൻ തുടങ്ങിയവർ ക്ലാസുകൾ നയിക്കും. മലപ്പുറം ജില്ലയിലെ താത്പ്പര്യമുള്ള അധ്യാപകർക്ക് ശിൽപശാലയിൽ പങ്കെടുക്കാൻ ഡിഡിഇ അനുമതി നൽകിയിട്ടുണ്ട്. 18നകം രജിസ്റ്റർ ചെയ്യണം. ഫോണ് : 0494 2400350. ഇമെയിൽ:
[email protected]