മാർച്ചിൽ നടത്തിയ എംഎഫ്എ പരീക്ഷാ ഫലം പ്രസിദ്ധീകരിച്ചു. സൂക്ഷ്മ പരിശോധനയ്ക്കായി ഓഗസ്റ്റ് രണ്ടുവരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.
ബിഎ ഫലം
ഏപ്രിലിൽ നടത്തിയ ആറാം സെമസ്റ്റർ (സിബിസിഎസ്എസ് കരിയൽ റിലേറ്റഡ്) ബിഎ മലയാളം ആൻഡ് മാസ് കമ്യൂണിക്കേഷൻസ് (2013 സപ്ലിമെന്‍ററി 2014 റഗുലർ) ഡിഗ്രി പരീക്ഷയുടെ ഫലം വെബ്സൈറ്റിൽ ലഭിക്കും.
ബിഎ, ബിഎസ്‌സി സൂക്ഷ്മ പരിശോധന
ജൂണ്‍ 16 ന് പ്രസിദ്ധീകരിച്ച ബിഎ പാർട്ട് ഒന്ന് രണ്ട് ബിഎസ്‌സി പാർട്ട് ഒന്ന്, രണ്ട്, മൂന്ന് സബ് സിഡിയറിയുടെയും പരീക്ഷയുടെയും സൂക്ഷ്മ പരിശോധനയ്ക്കും പുനർ മൂല്യനിർണയത്തിനും അപേക്ഷിക്കാനുള്ള തീയതി ഓഗസ്റ്റ് പത്തുവരെ നീട്ടി.
വനിതാ ഹോസ്റ്റൽ പ്രവേശനം
ഗവ. കോളജുകളിലെ ഒന്നം വർഷ ബിരുദ വിദ്യാർഥിനികൾക്ക് തൈക്കാട്ടുള്ള സർവകലാശാല വനിതാ ഹോസ്റ്റൽ പ്രവേശനത്തിനുള്ള ഒന്നാം ഘട്ട അലോട്ട്മെന്റ് ലിസ്റ്റ് പ്രസിദ്ധീകരിച്ചു. ലിസ്റ്റ് വെബ്സൈറ്റിൽ ലഭ്യമാണ്.
സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സ് പരീക്ഷ
തുടർ വിദ്യാഭ്യാസ വ്യാപന കേന്ദ്രം ആറ്റിങ്ങൽ ഗവ. കോളജ് കാഞ്ഞിരംകുളം, കെഎൻഎം ഗവ. കോളജ്, പനവൂർ മുസ്‌ലിം അസോസിയേഷൻ കോളജ് എന്നിവിടങ്ങളിലായി സംഘടിപ്പിച്ച സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന്റെ പരീക്ഷകൾ ഓഗസ്റ്റ് 14,16,18,21,23, 25 തീയതികളിലായി അതത് സെന്‍ററുകളിൽ നടക്കും. പരീക്ഷയ്ക്ക് 20വരെ (50 രൂപ പിഴയോടെ 27, 250 രൂപ പിഴയോടെ ഓഗസ്റ്റ് രണ്ട്) ഫീസ് അടച്ച് അപേക്ഷിക്കാം. വിവരങ്ങൾക്ക് ഫോണ്: 0471 2302523.
ബിഎ (ആന്വൽ സ്കീം) പരീക്ഷാ കേന്ദ്രം
17ന് ആരംഭിക്കുന്ന ബിഎ (അന്വേൽ സ്കീം) പാർട്ട് ഒന്നും രണ്ടും പരീക്ഷയ്ക്ക് കൊട്ടിയം എംഎംഎൻഎസ്എസ് കോളജ് പരീക്ഷാകേന്ദ്രമായി ഓണ്‍ലൈനായി അപേക്ഷിച്ചിരുന്ന ഹിസ്റ്ററി മെയിൻ വിദ്യാർഥികൾ കൊല്ലം ഉമയല്ലൂർ ഡോണ് ബോസ്കോ കോളജിൽ പരീക്ഷ എഴുതണം.
ബിബിഎ പരീക്ഷ
ഓഗസ്റ്റ് 23 ന് ആരംഭിക്കുന്ന ഒന്നാം വർഷ ബിബിഎ പരീക്ഷയ്ക്ക് (പ്രൈവറ്റ് രജിസ്ട്രേഷൻ) 25വരെ (50 രൂപ പിഴയോടെ 27, 125 രൂപ പിഴയോടെ 29) ഫീസടച്ച് അപേക്ഷിക്കാം. പരീക്ഷാഫീസ് പേപ്പർ ഒന്നിന് 150 രൂപ വീതവും മാർക്ക് ലിസ്റ്റിന് 100 രൂപയും സിവി ക്യാന്പ് ഫീസായി 200 രൂപയും അടക്കം. തിരുവനന്തപുരം, കൊല്ലം, ആലപ്പുഴ ജില്ലകളിൽ ഓരോ പരീക്ഷാ കേന്ദ്രമേ ഉണ്ടാവുകയുളളൂ. വിവരങ്ങൾ വെബ്സൈറ്റിൽ ലഭ്യമാണ്.
പിജി ഡിപ്ലോമ ഇൻ ഹ്യൂമൻ റൈറ്റ്സ് പരീക്ഷ
പിജി ഡിപ്ലോമ ഇൻ ഹ്യൂമൻ റൈറ്റ്സ് പരീക്ഷകൾ 20ന് ആരംഭിക്കും.ടൈംടേബിൾ വെബ്സൈറ്റിൽ.
പിജിഡികംഐ അഡ്മിഷൻ
ഡിപ്പാർട്ട്മെന്‍റ് ഓഫ് ഫ്യൂച്ചർ സ്റ്റഡീസ് നടത്തുന്ന പിജി ഡിപ്ലോമ ഇൻ നോളജ് മാനേജ്മെന്‍റ് കോഴ്സിന്റെ അഡ്മിഷനു വേണ്ടി അപേക്ഷിക്കേണ്ട അവസാന തീയതി ഓഗസ്റ്റ് 18. അപേക്ഷാഫോറത്തിനും വിശദവിവരത്തിനും വെബ്സൈറ്റ് സന്ദർശിക്കുക.
എംഎ ഹിസ്റ്ററി ഫലം
ഏപ്രിലിൽ നടത്തിയ എംഎ ഹിസ്റ്ററി 201517 ബാച്ച് (സിഎസ്എസ്) പരീക്ഷാ ഫലം പ്രസിദ്ധീകരിച്ചു. എം.എച്ച്. ലിബിൻ ഒന്നാം റാങ്ക് കരസ്ഥമാക്കി.
എംഫിൽ ഫലം
ഏപ്രിലിൽ നടത്തിയ 201516 ബാച്ച് എംഫിൽ ഫോട്ടോണിക്സ് (സപ്ലിമെന്‍ററി) പരീക്ഷ ഫലം വെബ്സൈറ്റിൽ ലഭ്യമാണ്.
സേ പരീക്ഷാ വിജയികൾക്ക് അപേക്ഷിക്കാം
അഫിലിയേറ്റ് ചെയ്തിട്ടുള്ള ആർട്സ് ആൻഡ് സയൻസ് കോളജുകളിൽ (ഗവ. എയ്ഡഡ്, സ്വാശ്രയ, ഐഎച്ച്ആർഡി)ഒന്നാം വർഷ ബിരുദ പ്രവേശനത്തിന് സേ പരീക്ഷ വിജയിച്ചവർക്ക് 17 വരെ ഓണ്‍ലൈൻ വഴി രജിസ്റ്റർ ചെയ്യാം.
സേ പരീക്ഷ ഇംപ്രൂവ്മെന്‍റ്/ റീവാല്യുവേഷൻ മാർക്കുകൾ
ഒന്നാം വർഷ ബിരുദ പ്രവേശനത്തിന് ഓണ്‍ൈൽ അപേക്ഷിച്ചിട്ടുള്ള വിദ്യാർഥികൾക്ക് സേ പരീക്ഷയിൽ ഇംപ്രൂവ്മെന്‍റ്/ റീവാല്യുവേഷനിൽ മാർക്കുകൾ കൂടിയിട്ടുണ്ടെങ്കിൽ അവരവരുടെ പ്രൊഫൈൽ ലോഗിൻ ചെയത് പുതിയ മാർക്കുകൾ രേഖപ്പെടുത്താം. ഇതിനായി സർവകലാശാലയിൽ എത്തേണ്ടതില്ല. ഇംപ്രൂവ്മെന്‍റ്/ റീവാല്യുവേഷൻ മാർക്കുകൾ രേഖപ്പെടുത്തുവാൻ ഫോറം ലിങ്കിൽ പരാതികൾ സമർപ്പിക്കരുത്.
ബികോം ഫലം
ഏപ്രിലിൽ നടത്തിയ ആറാം സെമസ്റ്റർ സിബിസിഎസ്എസ് കരിയർ റിലേറ്റഡ് ബികോം കോമേഴ്സ് വിത്ത് കംപ്യൂട്ടർ ആപ്ലിക്കേഷൻ (2013 അഡ്മിഷൻ, 2014 അഡ്മിഷൻ) ഡിഗ്രി പരീക്ഷയുടെ ഫലം വെബ്സൈറ്റിൽ.
ബികോം (ആന്വൽ സ്കീം) പരീക്ഷാ കേന്ദ്രം
18 ന് ആരംഭിക്കുന്ന ബികോം (ആന്വൽ സ്കീം) പാർട്ട് ഒന്നും രണ്ടും പരീക്ഷയിൽ കൊട്ടിയം, എംഎംഎൻഎസ്എസ് കോളജ് പരീക്ഷാ കേന്ദ്രമായി ആവശ്യപ്പെട്ടവരിൽ 3031528057 മുതൽ 3031628200 വരെയും 3031528001 മുതൽ 3031528057 വരെയുള്ളവരും 1428047 ഉം കൊല്ലം ഉമയല്ലൂർ ഡോണ് ബോസ്കോ കോളജിൽ പരീക്ഷ എഴുതണം.
ബിഎഡ് സൂക്ഷ്മ പരീശോധന
2016 ഡിസംബറിൽ നടത്തിയ മൂന്നാം സെമസ്റ്റർ ബിഎഡ് പരീക്ഷയുടെ സൂക്ഷ്മ പരിശോധനയ്ക്ക് അപേക്ഷിച്ചവർ 17 മുതൽ 24 വരെയുള്ള പ്രവൃത്തി ദിവസങ്ങളിൽ ഹാൾടിക്കറ്റുകളുമായി മൂല്യനിർണയ വിഭാഗത്തിൽ എത്തിച്ചേരണം.
ബിഎഎസ്എൽപി ഫലം
ജൂണിൽ നടത്തിയ ആറാം സെമസ്റ്റർ ബിഎ എസ്പിൽ ഡിഗ്രി പരീക്ഷയുടെ ഫലം വെബ്സൈറ്റിൽ ലഭിക്കും. സൂക്ഷ്മ പരിശോധനയ്ക്കും മൂല്യനിർണയത്തിനും ഓഗസ്റ്റ് ഒന്നുവരെ അപേക്ഷിക്കാം.