മാഗസിൻ അവാർഡും എഡിറ്റേഴ്സ് ക്യാന്പും
21 മുതൽ 23 വരെ തൃശൂർ കേരള വർമ്മ കോളജിൽ വെച്ച് മാഗസിൻ അവാർഡും എഡിറ്റേഴ്സ് ക്യാന്പും നടത്തുന്നു. പരിപാടിയുടെ ഉദ്ഘാടനം വിദ്യാഭ്യാസ മന്ത്രി സി.രവീന്ദ്രനാഥ് നിർവഹിക്കും. കോളജ് മാഗസിൻ എഡിറ്റർമാരും താൽപര്യമുള്ള വിദ്യാർഥികളും പങ്കെടുക്കണമെന്ന് കാലിക്കട്ട് യൂണിവേഴ്സിറ്റി യൂണിയൻ ചെയർമാൻ അറിയിച്ചു.
അപേക്ഷ ക്ഷണിച്ചു
ഹെൽത്ത് സയൻസ് പഠനവകുപ്പിലെ എംഎസ്‌സി ഫുഡ് സയൻസ് ആൻഡ് ടെക്നോളജി (പ്രവേശന പരീക്ഷ ഇല്ലാത്ത) പ്രവേശനത്തിന് അപേക്ഷ ക്ഷണിച്ചു. യോഗ്യത: കാലിക്കട്ട് സർവകലാശാലയുടെ ബിഎസ്‌സി ഫുഡ് ടെക്നോളജി (പാർട്ട് മൂന്ന് 50% മാർക്ക്). അപേക്ഷാ ഫോം വെബ്സൈറ്റിൽ നിന്ന് ഡൗണ്ലോഡ് ചെയ്യാം. അപേക്ഷാ ഫീ: ജനറൽ300 രൂപ. എസ്‌സി/എസ്ടി100 രൂപ. പൂരിപ്പിച്ച അപേക്ഷ, ഇചലാൻ രസീതി, രേഖകൾ സഹിതം ഡയറക്‌ടർ, സ്കൂൾ ഓഫ് ഹെൽത്ത് സയൻസസ്, കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തിൽ 27നകം സമർപ്പിക്കണം. ഫോണ് : 0494 2407345.
മൂല്യനിർണയ ക്യാന്പ്: ലോ കോളജുകളിൽ ക്ലാസുകൾ ഉണ്ടാകില്ല
നാലാം സെമസ്റ്റർ ബിബിഎഎൽഎൽബി, നാലാം സെമസ്റ്റർ എൽഎൽബി (സപ്ലിമെന്‍ററി), രണ്ടാം സെമസ്റ്റർ ബിബിഎഎൽഎൽബി റഗുലർ/സപ്ലിമെന്‍ററി (ഒക്ടോബർ 2016) പരീക്ഷകളുടെ മൂല്യനിർണയ ക്യാന്പ് ജൂലൈ 19ന് ആരംഭിക്കുന്നതിനാൽ 20, 21, 26, 27 തിയതികളിൽ ലോ കോളജുകളിൽ റഗുലർ ക്ലാസുകൾ ഉണ്ടായിരിക്കുന്നതല്ല.
പരീക്ഷാഫലം
വിദൂരവിദ്യാഭ്യാസം രണ്ടാം സെമസ്റ്റർ ബിഎ/ബിഎ അഫ്സൽഉൽഉലമ/ബിഎപിഒടി (സിയുസിബിസിഎസ്എസ്) ഏപ്രിൽ 2016 പരീക്ഷാഫലം വെബ്സൈറ്റിൽ.
ഒന്ന്, നാല് വർഷ ബിഎസ്‌സി നഴ്സിംഗ് (ഒക്ടോബർ 2016) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 26 വരെ അപേക്ഷിക്കാം.
2016 ഡിസംബറിൽ നടത്തിയ ഒന്ന്, മൂന്ന് സെമസ്റ്റർ എംഎസ്‌സി മൈക്രോബയോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 28 വരെ അപേക്ഷിക്കാം. 2016 ഡിസംബറിൽ നടത്തിയ ഒന്നാം സെമസ്റ്റർ എംഎസ്‌സി ഫിസിക്സ് (സിസിഎസ്എസ്) പരീക്ഷാഫലം വെബ്സൈറ്റിൽ.
പുനർമൂല്യനിർണയ ഫലം
രണ്ടാം സെമസ്റ്റർ എംബിഎ ജൂണ്‍ 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ ലഭ്യമാണ്. ഉത്തരക്കടലാസ് തിരിച്ചറിയാൻ ആഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം