എംഎസ്സി ജോഗ്രഫി പ്രവേശനം
കണ്ണൂർ സർവകലാശാല ഭൂമിശാസ്ത്രവിഭാഗത്തിൽ എംഎസ്സി ഭൂമിശാസ്ത്രത്തിൽ എഫ്സി/ബിപിഎൽ വിഭാഗക്കാർക്ക് ഒരു സീറ്റ് ഒഴിവുണ്ട്. പ്രവേശന പരീക്ഷയ്ക്കു ഹാജരായ യോഗ്യരായവർ അസൽ രേഖകൾ സഹിതം പയ്യന്നൂർ സ്വാമി ആനന്ദതീർഥ കാന്പസിൽ പ്രവർത്തിക്കുന്ന ഭൂമിശാസ്ത്ര വകുപ്പിൽ 21 ന് രാവിലെ 11 ന് ഹാജരാകണം.
പ്രൊവിഷണൽ സർട്ടിഫിക്കറ്റ്/ഫൈനൽ ഗ്രേഡ് കാർഡ് വിതരണം
കണ്ണൂർ സർവകലാശാലയുടെ 2014 അഡ്മിഷൻ പ്രകാരം 2017 മേയ് മാസത്തിൽ നടത്തിയ ആറാം സെമസ്റ്റർ വരെയുള്ള പരീക്ഷകൾ വിജയിച്ച എല്ലാ റഗുലർ വിദ്യാർഥികളുടെയും പ്രൊവിഷണൽ സർട്ടിഫിക്കറ്റും പരീക്ഷയെഴുതിയ എല്ലാ വിദ്യാർഥികളുടെയും ഫൈനൽ ഗ്രേഡ്കാർഡുകളും 19 നുള്ളിൽ കോളജുകളിൽ എത്തിക്കുന്നതാണ്. വിദ്യാർഥികൾ അവരവരുടെ കോളജുമായി ബന്ധപ്പെട്ട് സർട്ടിഫിക്കറ്റുകൾ കൈപ്പറ്റണം.
പരീക്ഷകൾ പുനഃക്രമീകരിച്ചു
24ന് ആരംഭിക്കാനിരുന്ന രണ്ടാംസെമസ്റ്റർ എംഎ, എംഎസ്സി, എംബിഎ, എംസിജെ, എംഎൽഐഎസ്സി, എംസിഎ (സിസിഎസ്എസ്റഗുലർ/സപ്ലിമെന്ററിപഠനവകുപ്പു മാത്രംമേയ് 2017), നാലാം സെമസ്റ്റർ എംസിഎ (ലാറ്ററൽ എൻട്രി മേയ് 2017) ഡിഗ്രി പരീക്ഷകൾ ഓഗസ്റ്റ് 14ന് തുടങ്ങുന്ന വിധത്തിൽ പുനഃക്രമീകരിച്ചു.
തുറന്ന സംവാദം 25ന്
മലയാളത്തിൽ ഗവേഷണം നടത്തുന്ന ജോസ്ന ജേക്കബ് എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിന്മേലുള്ള തുറന്ന സംവാദം 25ന് രാവിലെ 11ന് സർവകലാശാലയുടെ സെൻട്രൽ ലൈബ്രറിയിൽ നടത്തും. പ്രസ്തുത പ്രബന്ധം സെമിനാറിനു മൂന്നു ദിവസം മുന്പുമുതൽ സർവകലാശാലയുടെ സെൻട്രൽ ലൈബ്രറിയിൽ പരിശോധനയ്ക്കു ലഭ്യമായിരിക്കും.
പുനർമൂല്യനിർണയ ഫലം
നവംബർ 2015ൽ നടത്തിയ ഒന്നാം സെമസ്റ്റർ ബിരുദ പരീക്ഷകളുടെ പുനർമൂല്യനിർണയ ഫലം സർവകലാശാല വെബ്സൈറ്റിൽ ലഭ്യമാണ്. ഗ്രേഡിലോ ഗ്രേഡ്പോയിന്റിലോ മാർക്കിലോ മാറ്റമുള്ളവർ റിസൾട്ട് മെമ്മോയുടെ ഡൗണ്ലോഡ് ചെയ്ത പകർപ്പും മാർക്ക് ലിസ്റ്റും സഹിതം ബന്ധപ്പെട്ട ടാബുലേഷൻ സെക്ഷനിൽ സമർപ്പിക്കണം.
മൂന്നാം സെമസ്റ്റർ എംസിഎ പരീക്ഷാഫലം
മൂന്നാം സെമസ്റ്റർ എംസിഎ (ജനുവരി 2017) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.