രണ്ടാം വർഷ പിജി (വിദൂര വിദ്യാഭ്യാസം) പരീക്ഷ പുന:ക്രമീകരിച്ചു
കണ്ണൂർ സർവകലാശാലയുടെ ജൂലൈ 21ന് ആരംഭിക്കാനിരുന്ന രണ്ടാം വർഷ എംഎ, എംഎസ് സി , എം.കോം (വിദൂര വിദ്യാഭ്യാസം റഗുലർ, സപ്ലിമെന്ററി, ഇംപ്രൂവ്മെന്റ് ജൂണ് 2017) ഡിഗ്രി പരീക്ഷകൾ ജൂലൈ 26ന് തുടങ്ങുന്ന വിധത്തിൽ പുന:ക്രമീകരിച്ചു.
എംഎസ് സി ജ്യോഗ്രഫി പ്രായോഗിക പരീക്ഷ
നാലാം സെമസ്റ്റർ എംഎസ് സി ജ്യോഗ്രഫി (റഗുലർ, സപ്ലിമെന്ററി, ഇംപ്രൂവ്മെന്റ് മാർച്ച് 2017) ഡിഗ്രിയുടെ പ്രായോഗിക പരീക്ഷകൾ, വൈവ വോസി ജൂലൈ 20, 21, 22 തീയതികളിൽ പെർള നളന്ദ കോളജ് ഓഫ് ആർട്സ് ആൻഡ് സയൻസസിൽ വച്ചു നടത്തും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.
എംഎസ് സി സുവോളജി പ്രായോഗിക പരീക്ഷ പുന:ക്രമീകരിച്ചു
രണ്ടാം സെമസ്റ്റർ എംഎസ് സി സുവോളജി (റഗുലർ, സപ്ലിമെന്ററി, ഇംപ്രൂവ്മെന്റ് മാർച്ച് 2017) ഡിഗ്രിയുടെ പ്രായോഗിക പരീക്ഷകൾ ജൂലൈ 24 മുതൽ തോട്ടട ശ്രീ നാരായണ കോളജിലും ധർമടം ഗവ.ബ്രണ്ണൻ കോളജിലും ആരംഭിക്കും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
സ്പോട്ട് അഡ്മിഷന് അലോട്ട്മെന്റ് ലഭിച്ചവർക്ക് ഇന്ന് പ്രവേശനം
കണ്ണൂർ സർവകലാശാലയുടെ താവക്കര കാന്പസിൽ നടന്ന എസ്സി, എസ്ടി സ്പോട്ട് അഡ്മിഷനിൽ അലോട്ട്മെന്റ് ലഭിച്ച വിദ്യാർഥികൾക്ക് ഇന്നും കോളജുകളിൽ പ്രവേശനം നൽകും. അലോട്ട്മെന്റ് മെമ്മോയുമായി വരുന്ന വിദ്യാർഥികളുടെ മാർക്ക്ലിസ്റ്റും സർട്ടിഫിക്കറ്റുകളും കൃത്യമായി പരിശോധിച്ചതിനുശേഷം മാത്രം പ്രവേശനം നൽകേണ്ടതാണ്. മറ്റു വിഭാഗങ്ങളുടെ സ്പോട്ട് അഡ്മിഷൻ കോളജുകളിൽ വച്ച് തന്നെയാണ് നടത്തേണ്ടത്. വിദ്യാർഥികൾക്ക് ഇന്നും നാളെയും രാവിലെ 11 വരെ അതത് കോളജുകളിൽ സ്പോട്ട് അഡ്മിഷൻ ലഭിക്കുന്നതിനുള്ള അപേക്ഷ സമർപ്പിക്കാം. ഇങ്ങനെ ലഭിക്കുന്ന അപേക്ഷകൾ പരിശോധിച്ച് റാങ്ക്ലിസ്റ്റ് തയാറാക്കി 20ന് ഉച്ചകഴിഞ്ഞ് രണ്ടിനകം കോളജിൽ പ്രദർശിപ്പിക്കണമെന്നും നോഡൽ ഓഫീസർമാർക്കുള്ള നോട്ടിഫിക്കേഷനിൽ സർവകലാശാല അറിയിച്ചു.
. ഓൺലൈനായി രജിസ്റ്റർ ചെയ്ത എല്ലാ വിദ്യാർഥികളുടെയും (സേ രജിസ്ട്രേഷനും വിവിധ കാരണങ്ങളാൽ CAP ൽ നിന്നും പുറത്തായവരുൾപ്പെടെ) റാങ്ക്ലിസ്റ്റ് സർവകലാശാല കോളജുകൾക്കു നൽകും. ഈ റാങ്ക്ലിസ്റ്റ് മാനദണ്ഡമാക്കി 20ന് രാവിലെ 11വരെ ലഭിക്കുന്ന അപേക്ഷകൾ പരിശോധിച്ച് ഇൻഡക്സ് മാർക്കിന്റെയും കാറ്റഗറിയുടെയും അടിസ്ഥാനത്തിലാണ് കോളജുകൾ റാങ്ക്ലിസ്റ്റ് തയാറാക്കേണ്ടത്. ഓൺലൈൻ രജിസ്റ്റർ ചെയ്തവരുടെ അഭാവത്തിൽ മാത്രമേ ഓൺലൈനായി രജിസ്റ്റർ ചെയ്യാത്തവരെ പരിഗണിക്കാവൂ.
എസ്സി/എസ്ടി വിഭാഗത്തിൽ ഒഴിവുകളുണ്ടെങ്കിൽ ആ വിഭാഗത്തെ പരിഗണിച്ചതിനുശേഷം വീണ്ടും ഒഴിവ് വരികയാണെങ്കിൽ ഗവൺമെന്റ്, എയ്ഡഡ് (ബാക്ക്വേഡ് മൈനോറിറ്റി ഒഴികെ) കോളജുകൾക്ക് ആ ഒഴിവിലേക്ക് ഒഇസി വിഭാഗത്തിനും ഒഇസി വിഭാഗങ്ങളുടെ അഭാവത്തിൽ എസ്ഇബിസി, ജനറൽ എന്നീ ക്രമത്തിൽ പ്രവേശനം നൽകാം. വിദ്യാഭ്യാസ ആനുകൂല്യങ്ങൾ അനുവദിക്കുന്നതിനായി ഒഇസി വിഭാഗത്തിലേക്ക് മാറ്റിയ 30 സമുദായങ്ങളെ എസ്ഇബിസി കാറ്റഗറിയിലാണ് പരിഗണിക്കേണ്ടത്. എയ്ഡഡ് (ബാക്ക്വേഡ് മൈനോറിറ്റി) കോളജുകൾക്ക് എസ്സി. എസ്ടി സീറ്റ് ഒഴിവ് വരികയാണെങ്കിൽ ഈ ഒഴിവിലേക്ക് കോളജുകൾ നടത്തുന്ന കമ്യൂണിറ്റി വിഭാഗത്തിൽപ്പെട്ടവർക്ക് പ്രവേശനം നൽകാം. എന്നിട്ടും ഒഴിവ് വരികയാണെങ്കിൽ ഒഇസി, എസ്ഇബിസി, ജനറൽ എന്നീ ക്രമത്തിൽ പ്രവേശനം നൽകാവുന്നതാണ്. മറ്റ് വിഭാഗങ്ങളിൽ വരുന്ന ഒഴിവുകൾ (ഈഴവ, മുസ്ലിം, ഒബിഎക്സ്, ഒബിഎച്ച്, ബിപിഎൽ, സ്പോർട്സ് തുടങ്ങിയവ) അപേക്ഷകരുടെ അഭാവത്തിൽ ജനറൽ വിഭാഗത്തിലേക്ക് മാറ്റാവുന്നതാണ്. 20ന് ഉച്ചകഴിഞ്ഞ് രണ്ടിന് തയാറാക്കുന്ന റാങ്ക്ലിസ്റ്റിൽ നിന്നും അന്ന് ഉച്ച മുതൽ 22ന് വൈകുന്നേരം അഞ്ചുവരെ പ്രവേശനം നടത്താം. 22 വരെ സ്വാശ്രയ കോളജുകളിൽ ലഭിക്കുന്ന സ്പോട്ട് അഡ്മിഷനുള്ള അപേക്ഷകളിൽ 22ന് വൈകുന്നേരം അഞ്ചിനകം പ്രവേശനം പൂർത്തിയാക്കേണ്ടതാണ്.22ന് വൈകുന്നേരം അഞ്ചിന് ശേഷം ഒഴിവുകളുണ്ടെങ്കിൽ 24, 25 തീയതികളിൽ കൂടി സ്വാശ്രയ കോളജുകളിൽ സ്പോട്ട് അഡ്മിഷൻ നടത്താം. ഓരോ ദിവസവും 11ന് മുന്പായി ലഭിക്കുന്ന അപേക്ഷകൾ പരിശോധിച്ച് അതത് ദിവസം റാങ്ക് ലിസ്റ്റ് തയാറാക്കി പ്രവേശനം നടത്താവുന്നതാണ്. യാതൊരു കാരണവശാലും 25ന് വൈകുന്നേരം അഞ്ചിനുശേഷം അഡ്മിഷൻ അനുവദിക്കുന്നതല്ല.
10. വിദ്യാർഥികൾക്ക് അവർക്ക് അർഹതപ്പെട്ട കോഴ്സുകളിലേക്ക് മാത്രമേ പ്രവേശനം നൽകാവൂ. കോഴ്സ് മാറ്റം, ഇക്കാര്യത്തിൽ സർവകലാശാലയുടെ അനുമതി ലഭിക്കുന്നതിന് മുന്പ് ഒരു കാരണവശാലും അനുവദിക്കുന്നതല്ല. പ്രവേശന നടപടികൾ ജൂലൈ 25ന് വൈകുന്നേരം അഞ്ചിന പൂർത്തിയാകുന്നതാണ്.
എസ്സി, എസ്ടി വിഭാഗങ്ങളുടെ പ്രവേശനം
കണ്ണൂർ സർവകലാശാലയുടെ താവക്കര കാന്പസിൽ നടന്ന എസ്സി, എസ്ടി വിഭാഗങ്ങൾക്കുള്ള സ്പോട്ട് അഡ്മിഷനിൽ അലോട്ട്മെന്റ് ലഭിച്ചവർ ഇന്ന് അതത് കോളജുകളിൽ പ്രവേശനം നേടേണ്ടതാണ്. ബ്രണ്ണൻ കോളജിൽ അലോട്ടമെന്റ് ലഭിച്ചവർ ജൂലൈ 20ന് പ്രവേശനം നേടേണ്ടതാണ്.
മറ്റു വിഭാഗങ്ങളുടെ സ്പോട്ട് അഡ്മിഷനിൽ പങ്കെടുക്കാൻ താത്പര്യമുള്ളവർക്ക് ജൂലൈ 20 ന് രാവിലെ 11 വരെ അതത് കോളജുകളിൽ സ്പോട്ട് അഡ്മിഷനിൽ പരിഗണിക്കാനുള്ള അപേക്ഷ സമർപ്പിക്കാം. (ബ്രണ്ണൻ കോളജിൽ 20 ന് മാത്രം). സേ പരീക്ഷ എഴുതിയവർക്കും വിവിധ കാരണങ്ങളാൽ CAP ൽ നിന്നും പുറത്തായവർക്കും സ്പോട്ട് അഡ്മിഷനിൽ പങ്കെടുക്കാം. ഓൺലൈനായി രജിസ്റ്റർ ചെയ്തവരുടെ അഭാവത്തിൽ രജിസ്റ്റർ ചെയ്യാത്തവരെയും പരിഗണിക്കും. സർവകലാശാല നൽകുന്ന റാങ്ക്ലിസ്റ്റ് മാനദണ്ഡമാക്കി, ഓരോ കോളജിലും ലഭിക്കുന്ന അപേക്ഷകൾ പരിശോധിച്ച് ഇൻഡക്സ് മാർക്കിന്റെയും കാറ്റഗറിയുടെയും അടിസ്ഥാനത്തിൽ കോളജുകൾ 20ന് ഉച്ചകഴിഞ്ഞ് രണ്ടിന് റാങ്ക്ലിസ്റ്റ് പ്രദർശിപ്പിക്കും. ഈ റാങ്ക് ലിസ്റ്റിൽ ഉൾപ്പെട്ടവർക്ക് 20ന് ഉച്ചകഴിഞ്ഞ് രണ്ടു മുതൽ 22ന് വൈകുന്നേരം അഞ്ചുവരെ പ്രവേശനം നേടാം. ഇതിനുശേഷവും 24, 25 തീയതികളിൽ അൺഎയ്ഡഡ് കോളജുകളിൽ സ്പോട്ട് അഡ്മിഷൻ നടത്തും. ഓരോ ദിവസവും 11 വരെ ലഭിക്കുന്ന അപേക്ഷകൾ പരിശോധിച്ച് റാങ്ക്ലിസ്റ്റ് തയാറാക്കി അന്നുതന്നെ പ്രവേശനം നൽകും. ജൂലൈ 25ന് പ്രവേശന നടപടികൾ അവസാനിക്കും.
എംഎസ് സി ഫിസിക്സ് പ്രവേശനം 201719
കണ്ണൂർ സർവകലാശാല ഫിസിക്സ് വിഭാഗത്തിൽ എംഎസ് സി ഫിസിക്സിൽ എസ് സി വിഭാഗക്കാർക്ക് സീറ്റ് ഒഴിവു ണ്ട്. യോഗ്യരായവർ അസ്സൽ രേഖകൾ സഹിതം പയ്യന്നൂർ സ്വാമിആനന്ദ തീർത്ഥ കാന്പസിൽ പ്രവർത്തിക്കുന്ന ഫിസിക്സ് വകുപ്പിൽ 24ന് രാവിലെ 11 ന് ഹാജരാകണം.
എംഎ ആന്ത്രോപ്പോളജി പ്രവേശനം
കണ്ണൂർ സർവകലാശാലയുടെ പാലയാട്ടെ തലശേരി കാന്പസിൽ എംഎ ആന്ത്രോപ്പോളജി കോഴ്സിനുള്ള പ്രവേശനം 19ന് രാവിലെ 10ന് നടക്കും. എംഎ ആന്ത്രോപ്പോളജി കോഴ്സിനു മൂന്ന് എസ്സി സീറ്റ് ഒഴിവുണ്ട്. പ്രവേശനത്തിനായി സർട്ടിഫിക്കറ്റുകൾ സഹിതം 19ന് ഉച്ചകഴിഞ്ഞു രണ്ടിന് ഓഫീസിൽ എത്തണം. ഫോൺ: 0490 2346270, 2346153, 9447380663.