ബിരുദ പ്രവേശനം: എസ്സി, എസ്ടി മൂന്നാം പ്രത്യേക അലോട്ട്മെന്റിന് ഓപ്ഷൻ രജിസ്ട്രേഷൻ ഇന്നു തുടങ്ങും
ബിരുദ പ്രവേശനം എസ്സി, എസ്ടി മൂന്നാം പ്രത്യേക അലോട്ട്മെന്റിന് ഓപ്ഷൻ രജിസ്ട്രേഷൻ ഇന്നു മുതൽ 21 വരെ. അലോട്ട്മെന്റ് 24നു പ്രസിദ്ധീകരിക്കും.
യൂണിവേഴ്സിറ്റിയോട് അഫിലിയേറ്റ് ചെയ്തിട്ടുള്ള ആർട്സ് ആൻഡ് സയൻസ് കോളജുകളിൽ വിവിധ ബിരുദ പ്രോഗ്രാമുകളിലേക്കു പട്ടികജാതി/പട്ടികവർഗ വിഭാഗങ്ങൾക്കായുള്ള സ്പെഷൽ അലോട്ട്മെന്റിനു ജൂലൈ 20 മുതൽ 21 വൈകിട്ട് അഞ്ചുവരെ പുതുതായി ഓപ്ഷൻ നൽകാം. നിലവിൽ അപേക്ഷ സമർപ്പിക്കാത്തവർക്കും മുൻ അലോട്ട്മെന്റുകളിൽ പ്രവശനം ലഭിച്ചവർ ഉൾപ്പെടെ എല്ലാ വിഭാഗം എസ്സി, എസ്ടി അപേക്ഷകർക്കും വേണ്ടി
സ്പെഷൽ അലോട്ട്മെന്റ് നടത്തും
കോളജുകളിലെ ഒഴിവുള്ള പ്രോഗ്രാമുകളുടെ വിശദവിവരം വെബ്സൈറ്റിൽ പ്രസിദ്ധീകരിക്കും. സ്പെഷൽ അലോട്ട്മെന്റ് ലിസ്റ്റ് 24ന് പ്രസിദ്ധീകരിക്കും ഓണ്ലൈൻ രജിസ്ട്രേഷനായി www.cap.mgu.ac.in എന്ന വെബ്സൈറ്റ് സന്ദർശിക്കുക. പ്രത്യേക അലോട്ട്മെന്റ് സ്പോട്ട് അലോട്ട്മെന്റല്ല. പുതുതായി അഫിലിയേഷൻ ലഭിച്ച എയ്ഡഡ് കോളജായ മുണ്ടക്കയം ശ്രീ ശബരീശ കോളജ്, ഉൾപ്പെടെയുള്ള കോളജുകളിലെ എസ്സി, എസ്ടി സീറ്റുകളുലേക്കും മൂന്നാം സ്പെഷൽ അലോട്ട്മെന്റിൽ ഓപ്ഷൻ നൽകാം.
അപേക്ഷാ തീയതി
25ന് തുടങ്ങുന്ന നാലാം സെമസ്റ്റർ ബിപിഇ (സിബിസിഎസ്എസ്) ഡിഗ്രി പരീക്ഷകൾക്ക് 2013 2014 അഡ്മിഷൻ ബിപിഇ (ഇംപ്രൂവ്മെന്റ്/സപ്ലിമെന്ററി) വിദ്യാർഥികൾക്ക് 22 വരെ അപേക്ഷിക്കാം.
ആറാം സെമസ്റ്റർ ബിവോക് (2014 അഡ്മിഷൻ റെഗുലർ) ഡിഗ്രി പരീക്ഷകൾക്ക് അപേക്ഷകൾ ഓഗസ്റ്റ് മൂന്നു വരെയും 50 രൂപ പിഴയോടെ നാലു വരെയും, 500 രൂപ സൂപ്പർഫൈനോടെ ഏഴുവരെയും സ്വീകരിക്കും. അപേക്ഷകർ 150 രൂപ പ്രൊവിഷണൽ സർട്ടിഫിക്കറ്റ് ഫീസായി നിശ്ചിത പരീക്ഷാ ഫീസിനു പുറമേ അടയ്ക്കണം. പരീക്ഷാ തീയതി പിന്നീട്.
പരീക്ഷാ തീയതി
സ്കൂൾ ഓഫ് പെഡഗോഗിക്കൽ സയൻസസിലെ നാലാം സെമസ്റ്റർ എംഎഡ് (സിഎസ്എസ് 201517 ബാച്ച്) ഡിഗ്രി എക്സ്റ്റേണൽ പരീക്ഷകൾ ഓഗസ്റ്റ് 29, 31 തീയതികളിൽ നടത്തും. അപേക്ഷകൾ 26 വരെയും 50 രൂപ പിഴയോടെ 31 വരെയും സ്വീകരിക്കും.
പ്രാക്ടിക്കൽ, പ്രോജക്ട് ഇവാലുവേഷൻ
2017 മേയ്, ജൂണ് മാസങ്ങളിലെ നാലാം സെമസ്റ്റർ എംഎസ്സി കംപ്യൂട്ടർ സയൻസ് (സിഎസ്എസ് 2015 അഡ്മിഷൻ റെഗുലർ, സപ്ലിമെന്ററി, ഇംപ്രൂവ്മെന്റ്) ഡിഗ്രി പരീക്ഷകളുടെ പ്രാക്ടിക്കൽ 25, 26 തീയതികളിൽ വിവിധ കേന്ദ്രങ്ങളിൽ ആരംഭിക്കും. ടൈ ംടേബിൾ വെബ്സൈറ്റിൽ.
2017 മേയിലെ ബിബിഎ (ഓഫ് കാന്പസ്) ഡിഗ്രി പരീക്ഷകളുടെ പ്രോജക്ട് മൂല്യനിർണയം 24 മുതൽ തുടങ്ങും. ടൈംടേബിൾ വെബ്സൈറ്റിൽ.
എംകോം സൂക്ഷ്മ പരിശോധന
2016 ഫൈബ്രുവരിയിൽ നടത്തിയ ഒന്നാം സെമസ്റ്റർ എംകോം (സിഎസ്എസ്) ഡിഗ്രി പരീക്ഷകളുടെ ഉത്തരക്കടലാസ് സൂക്ഷ്മ പരിശോധനയ്ക്ക് അപേക്ഷിച്ചവർ 21, 22 തീയതികളിൽ ഹാൾടിക്കറ്റോ തിരിച്ചറിയിൽ രേഖയോ സഹിതം പരീക്ഷാ ഭവനിലെ 226ാം മുറിയിൽ ഹാജരാകണം.
പരീക്ഷാഫലം
ഇടപ്പള്ളി സ്റ്റാസ്, പുല്ലരിക്കുന്ന് സ്റ്റാസ്, വെച്ചൂച്ചിറ വിശ്വബ്രാഹ്മണ കോളജ് എന്നീ കേന്ദ്രങ്ങളിൽ 2015 ഒക്ടോബറിൽ നടത്തിയ മൂന്നാം സെമസ്റ്റർ ബിഎസ്സി സൈബർ ഫോറൻസിക് (മോഡൽ മൂന്ന് സിബിസിഎസ്എസ് 2015 അഡ്മിഷൻ റെഗുലർ, 2014 അഡ്മിഷൻ റീ അപ്പിയറൻസ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി.സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷ ഓഗസ്റ്റ് വരെ സ്വീകരിക്കും.
2017 ജനുവരിയിലെ മൂന്നാം സെമസ്റ്റർ എംഎസ്സി. പോളിമർ കെമിസ്ട്രി (സിഎസ്എസ് റെഗുലർ ആൻഡ് സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മ പരിശോധനയ്ക്കും പുനർമുല്യ നിർണയത്തിനുമുള്ള അപേക്ഷ ഓഗസ്റ്റ് രണ്ടുവരെ സ്വീകരിക്കും.
സീറ്റൊഴിവ്
സ്കൂൾ ഓഫ് ഇന്റർനാഷണൽ റിലേഷൻസ് ആൻഡ് പൊളിറ്റിക്സിൽ, എംഎ പൊളിറ്റിക്സ് ആൻഡ് ഇന്റർനാഷണൽ റിലേഷൻസ് പ്രോഗ്രാമിന് എസ്സി വിഭാഗത്തിനു രണ്ടു സീറ്റും എസ്ടി വിഭാഗത്തിന് ഒരു സീറ്റും എംഎ പബ്ലിക് പോളിസി ആൻഡ് ഗവേണൻസ് പ്രോഗ്രാമിന് എസ്സി വിഭാഗത്തിനും എസ്ടി വിഭാഗത്തിനും ഓരോ സീറ്റുവീതവും ഒഴിവുണ്ട്. ബിരുദവും CAT പ്രോസ്പെക്ടസ് പ്രകാരം യോഗ്യതയുമുള്ള വിദ്യാർഥികൾ 24ന് രാവിലെ 10ന് എല്ലാ അസൽ സർട്ടിഫിക്കറ്റ് സഹിതം സ്കൂൾ ഡയറക്ടർ മുന്പാകെ ഹാജരാകണം. 9495 108 959.