ബിരുദം: പുതിയ കോളജിലേക്കും ഓപ്ഷൻ നൽകാം
പുതുതായി അഫിലിയേഷൻ നൽകപ്പെട്ട എയ്ഡഡ് കോളജായ മുണ്ടക്കയം ശ്രീ ശബരീശ കോളജുകളിലേക്കും ഏകജാലകം വഴിയുള്ള ബിരുദ പ്രവേശനത്തിന് ഓണ്‍ലൈൻ രജിസ്ട്രേഷൻ നടത്താം.
ബികോം ഓഫ് കാന്പസ് പ്രാക്ടിക്കൽ
2017 ഏപ്രിൽ, മേയ് മാസങ്ങളിലെ മൂന്നാം വർഷ ബികോം ഓഫ് കാന്പസ് ( സിബിസിഎസ്എസ്) കംപ്യൂട്ടർ ആപ്ലിക്കേഷൻ പരീക്ഷയുടെ ഡിബിഎംഎസ്, കംപ്യൂട്ടറൈസ്ഡ് അക്കൗണ്ടിംഗ് എന്നീ വിഷയങ്ങളുടെ പ്രാക്ടിക്കൽ പരീക്ഷകൾ 25 മുതൽ ഓഗസ്റ്റ് അഞ്ചു വരെ നടക്കും. രണ്ടാം വർഷ ഐടി ഫോർ ഓഫീസ്, ഐടി. ഫോർ ബിസിനസ് എന്നീ വിഷയങ്ങളുടെ പ്രാക്ടിക്കൽ ഓഗസ്റ്റ് ഏഴിനും കോട്ടയം, ആലപ്പുഴ, എറണാകുളം, ഇടുക്കി, പത്തനംതിട്ട ജില്ലകളിലെ (റെഗുലർ, സപ്ലിമെന്‍ററി) വിദ്യാർഥികൾക്കു തൊടുപുഴ മുട്ടം യൂണിവേഴ്സിറ്റി കോളജ് ഓഫ് എൻജിനിയറിംഗിൽ നടത്തും. വിദ്യാർഥികൾ രജിസ്റ്റർ നന്പർ ക്രമത്തിൽ ബന്ധപ്പെട്ട ദിവസം ഹാൾടിക്കറ്റും തിരിച്ചറിയൽ രേഖയും സഹിതം ഹാജരാകണം. ടൈംടേബിൾ വെബ്സൈറ്റിൽ.
വൈവാവോസി
2017 മേയ് മാസത്തിലെ എംബിഎ (ഓഫ് കാന്പസ്) ഡിഗ്രി പരീക്ഷകളുടെ വൈവാവോസിയും പ്രോജകട് മൂല്യനിർണയവും 26, 27 തീയതികളിൽ സർവകലാശാലാ കാന്പസിലെ സ്കൂൾ ഓഫ് മാനേജ്മെന്‍റ് ആൻഡ് ബിസിനസ് സ്റ്റഡിസിൽ നടത്തും. ടൈംടേബിൾ വെബ്സൈറ്റിൽ.
സിൻഡിക്കറ്റ് യോഗം
സിൻഡിക്കറ്റിന്‍റെ പ്രത്യേക യോഗം 25ന് രാവിലെ 10.30ന് സിൻഡിക്കേറ്റ് ഹാളിൽ നടത്തും.
പ്രിൻസിപ്പൽമാരുടെ യോഗം
പ്രിൻസിപ്പൽമാരുടെ യോഗം 26നു രാവിലെ 10.30ന് സർവകലാശാല അസംബ്ലി ഹാളിൽ നടക്കും. അധ്യപകരുടെ സർവീസ് കാര്യം ഉൾപ്പെടുത്തിയ ലിസ്റ്റും സിഡിയും യൂണിവേഴ്സിറ്റിയിൽ സമർപ്പിക്കണം.
റിസർച്ച് ഫെലോ
ബയോമെഡിക്കൽ ഗവേഷണത്തിനായി സർവകലാശാലയുടെ കീഴിലുള്ള അന്തർ സർവകലാശാലാ കേന്ദ്രത്തിൽ പ്രോജക്ട് റിസർച്ച് അസിസ്റ്റന്‍റുമാരുടെയും പ്രോജക്ട് റിസർച്ച് ഫെലോമാരുടേയും ഒഴിവുകളിലേക്ക് അപേക്ഷിക്കാം. www.iu cbr.ac.in.