സർവകലാശാലാ കാന്പസിലെ ഫിലോസഫി പഠനവകുപ്പിൽ മണിക്കൂർ വേതന നിരക്കിൽ ഗസ്റ്റ് ലക്ചററെ നിയമിക്കുന്നതിന് 27ന് അഭിമുഖം നടത്തും. ഫിലോസഫി ഓഫ് ലാംഗ്വേജ്, അനലറ്റിക്കൽ ഫിലോസഫിയിൽ വിശേഷ അവഗാഹമുള്ളവരെയാണ് പരിഗണിക്കുക. താത്പര്യമുള്ളവർ രേഖകൾ സഹിതം രാവിലെ 11ന് പഠനവകുപ്പിൽ ഹാജരാകണം.
ഒറിജിനൽ ഗ്രേഡ് കാർഡിലെ മാർക്ക് രേഖപ്പെടുത്തണം
പ്രവേശന പരീക്ഷ മുഖാന്തരമല്ലാത്ത പിജി കോഴ്സുകൾക്ക് അപേക്ഷിക്കുന്ന 2017ൽ ബിരുദം നേടിയ സിയുസിബിസിഎസ്എസ് വിദ്യാർഥികൾ ഒറിജിനൽ ഗ്രേഡ് കാർഡിലെ മാർക്കോ 21 മുതൽ വെബ്സൈറ്റിൽ ലഭ്യമായ ഗ്രേഡ് കാർഡിലെ മാർക്കോ രേഖപ്പെടുത്തി മാത്രമേ അപേക്ഷിക്കാവൂ. ഫോണ്: 0494 2407016, 2407017.
എംബിഎ: 31 വരെ അപേക്ഷിക്കാം
കോമേഴ്സ് ആൻഡ് മാനേജമെന്റ് പഠനവകുപ്പ്, സർവകലാശാലാ സ്വാശ്രയ കേന്ദ്രങ്ങൾ (ഫുൾടൈം, പാർട്ട്ടൈം), സ്വാശ്രയ കോളജുകൾ എന്നിവയിൽ എംബിഎ പ്രവേശനത്തിന് ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. ഇപെയ്മെന്റായി 500 രൂപ (എസ് സി, എസ്ടി167 രൂപ) ഫീ അടച്ച് 31ന് വൈകുന്നേരം അഞ്ചിനകം ഓണ്ലൈനിൽ രജിസ്റ്റർ ചെയ്യണം.
യോഗ്യത: 50 ശതമാനം മാർക്കിൽ കുറയാത്ത ബിരുദം. ഫലം കാത്തിരിക്കുന്നവർക്കും അപേക്ഷിക്കാം. യോഗ്യതാ മാർക്ക് ലിസ്റ്റ് ഓഗസ്റ്റ് 30നകം സമർപ്പിക്കണം. മറ്റ് സർവകലാശാലയിൽ നിന്ന് ബിരുദം നേടിയവർ 10+ രണ്ട് + മൂന്ന് അല്ലെങ്കിൽ 10+രണ്ട് + നാല് സ്കീമിൽ പഠനം പൂർത്തീകരിച്ചവരായിരിക്കണം. അപേക്ഷകർ കാറ്റ്, സിമാറ്റ്, കെമാറ്റ് പരീക്ഷയ്ക്ക് 15ശതമാനം, 10ശതമാനം, 7.5 ശതമാനം (യഥാക്രമം ജനറൽ, മറ്റ് പിന്നോക്ക വിഭാഗം, പട്ടികജാതി, പട്ടികവർഗം) നേടിയിരിക്കണം. അപേക്ഷയുടെ പ്രിന്റൗട്ട്, ചലാൻ (എസ് സി, എസ്ടി വിഭാഗം കമ്മ്യൂണിറ്റി സർട്ടിഫിക്കറ്റിന്റെ പകർപ്പ്) എന്നിവ സഹിതം 31ന് വൈകുന്നേരം അഞ്ചിനകം ഹെഡ് ഓഫ് ദ ഡിപ്പാർട്ടുമെന്റ്, കോമേഴ്സ് ആൻഡ് മാനേജ്മെന്റ് സ്റ്റഡീസ്, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തിൽ ലഭിക്കണം. വിവരങ്ങൾ www.cuonline.ac.in വെബ്സൈറ്റിൽ. ഫോണ്: 0494 2407363.
ബിടെക് ഇന്റേണൽ ഇംപ്രൂവ്മെന്റ് പരീക്ഷാ അപേക്ഷ
ബിടെക്, പാർട്ട്ടൈം ബിടെക് (2000, 2004, 2009 സ്കീം) മൂന്ന്, അഞ്ച്, ഏഴ് സെമസ്റ്റർ (സെപ്റ്റംബർ 2017) ഇന്റേണൽ ഇംപ്രൂവ്മെന്റ് പരീക്ഷയ്ക്ക് അപേക്ഷിക്കാനുള്ള തിയതി 29 വരെ നീട്ടി. പ്രിന്റൗട്ട്, ചലാൻ, മാർക്ക് ലിസ്റ്റുകൾ എന്നിവ സഹിതം പരീക്ഷാഭവനിൽ സ്വീകരിക്കുന്ന അവസാന തിയതി 31.
പരീക്ഷാ അപേക്ഷ
വിദൂരവിദ്യാഭ്യാസം, പ്രൈവറ്റ് രജിസ്ട്രേഷൻ രണ്ടാം സെമസ്റ്റർ ബിഎ, ബിഎസ് സി, ബികോം, ബിബിഎ, ബിഎപിഒടി, ബിഎ അഫ്സൽഉൽഉലമ (സിയുസിബിസിഎസ്എസ്) ഫസ്റ്റ് അപ്പിയറൻസ് വിദ്യാർഥികൾക്ക് റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷക്ക് സൂപ്പർ ഫൈനോടെ 26 വരെ അപേക്ഷിക്കാം.
ബികോം, ബിബിഎ, ബിഎ, ബിഎപിഒടി, ബിഎ അഫ്സൽഉൽഉലമ സപ്ലിമെന്ററി, ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 27 വരെയും 150 രൂപ പിഴയോടെ 29 വരെയും അപേക്ഷിക്കാം.
പരീക്ഷ
അഫിലിയേറ്റഡ് കോളജുകളിലെ രണ്ടാം സെമസ്റ്റർ ബികോം, ബികോം വൊക്കേഷണൽ, ബിബിഎ, ബിഎച്ച്എ, ബിടിഎച്ച്എം, ബികോം പ്രൊഫഷണൽ (സിയുസിബിസിഎസ്എസ്), ബികോം ഓണേഴ്സ്സിസിഎസ്എസ് പരീക്ഷ ഓഗസ്റ്റ് 11ന് ആരംഭിക്കും.
വിദൂരവിദ്യാഭ്യാസം രണ്ടാം സെമസ്റ്റർ ബികോം, ബിബിഎ (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷ ഓഗസ്റ്റ് 11ന് ആരംഭിക്കും.
പുനർമൂല്യനിർണയ ഫലം
രണ്ടാം വർഷ ബിഎസ് സി മെഡിക്കൽ ലബോറട്ടറി ടെക്നോളജി, മെഡിക്കൽ മൈക്രോബയോളജി ഏപ്രിൽ 2016 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.