എംഎ മ്യൂസിക് സീറ്റ് ഒഴിവ്
കണ്ണുർ സർവ്വകലാശാലയുടെ പയ്യന്നൂർ എടാട്ട് സ്വാമി ആനന്ദതീർഥ കാന്പസിൽ പ്രവർത്തിക്കുന്ന ഡിപ്പാർട്ട്മെന്റ് ഓഫ് മ്യൂസിക്കിൽ എംഎ മ്യൂസിക് കോഴ്സിൽ എസ്സി, എസ്ടി, ഒബിസി വിഭാഗം സീറ്റുകൾ ഒഴിവുണ്ട്. കൂടുതൽ വിവരങ്ങൾക്ക് ഹെഡ്, ഡിപ്പാർട്ട്മെന്റ് ഓഫ് മ്യൂസിക്, സ്വാമി ആനന്ദതീർഥ കാന്പസ്, എടാട്ട് പിഒ, പയ്യന്നൂർ എന്ന വിലാസത്തിലോ 0497 2806404 എന്ന ഫോണ് നന്പരിലോ ബന്ധപ്പെടണം.
എംഎസ്സി ജ്യോഗ്രഫി പ്രവേശനം
ഭൂമിശാസ്ത്ര വിഭാഗത്തിൽ എംഎസ്സി ഭൂമിശാസ്ത്രത്തിൽ എസ്സി വിഭാഗ ക്കാർക്ക് സീറ്റ് ഒഴിവുണ്ട്. യോഗ്യരായവർ അസൽ പ്രമാണങ്ങൾ സഹിതം പയ്യന്നൂർ സ്വാമി ആനന്ദ തീർത്ഥ കാന്പസിൽ പ്രവർത്തിക്കുന്ന ഭൂമിശാസ്ത്രവകുപ്പിൽ 29 ന് രാവിലെ 11ന് ഹാജരാകണം.
രണ്ടാം വർഷ പിജി (വിദൂര വിദ്യാഭ്യാസം) ഹാൾടിക്കറ്റ്
നാളെ ആരംഭിക്കുന്ന രണ്ടാം വർഷ എംഎ/എംഎസ്സി/എംകോം (വിദൂര വിദ്യാഭ്യാസം റഗുലർ/സപ്ലിമെന്ററി/ ഇംപ്രൂവ്മെന്റ് ജൂണ് 2017) ഡിഗ്രി പരീക്ഷകളുടെ ഹാൾടിക്കറ്റുകൾ അവർക്കനുവദിച്ച പരീക്ഷാ കേന്ദ്രങ്ങളിൽ ലഭ്യമാണ്. അപേക്ഷിച്ച കേന്ദ്രവും അനുവദിച്ച കേന്ദ്രവും (ബ്രാക്കറ്റിൽ).
1. നെഹ്റു ആർട്സ് ആൻഡ് സയൻസ് കോളജ് കാഞ്ഞങ്ങാട്, ഇ.കെ.നായനാർ മെമ്മോറിയൽ ഗവ. കോളജ് എളേരിത്തട്ട് (സി.കെ.നായർ ആർട്സ് ആൻഡ് മാനേജ്മെന്റ് കോളജ് കാഞ്ഞങ്ങാട്),
2. ഗവ: കോളജ് കാസർഗോഡ്, ഗോവിന്ദ പൈ മെമ്മോറിയൽ ഗവ.കോളജ് മഞ്ചേശ്വരം (ഗോവിന്ദ പൈ മെമ്മോറിയൽ ഗവ.കോളജ് മഞ്ചേശ്വരം),
3. പയ്യന്നൂർ കോളജ് (എംകോം മാത്രം പിലാത്തറ കോഓപ്പറേറ്റീവ് ആർട്സ് ആൻഡ് സയൻസ് കോളജ്, എംഎ/എംഎസ്സി സെന്റ് ജോസഫ് കോളജ് പിലാത്തറ),
4. സർ സയ്യിദ് കോളജ് തളിപ്പറന്പ് (എം.എ ഇംഗ്ലീഷ് മാത്രം സ്കൂൾ ഓഫ് ഫിസിക്കൽ എഡ്യുക്കേഷൻ, മാങ്ങാട്ടുപറന്പ, എംഎ മറ്റു വിഷയങ്ങൾ/ എംഎസ്സി/എംകോം സർ സയ്യിദ് കോളജ് തളിപ്പറന്പ്),
5. കെഎംഎം ഗവ. വിമൻസ് കോളജ് കണ്ണൂർ (എംഎ ഇംഗ്ലീഷ്/എംകോം കണ്ണൂർ സർവകലാശാല ധർമശാല കാന്പസ്, എംഎ മറ്റു വിഷയങ്ങൾ/എംഎസ്സി സ്കൂൾ ഓഫ് ഫിസിക്കൽ എഡ്യുക്കേഷൻ, മാങ്ങാട്ട്പറന്പ് കാന്പസ്),
6. പിആർഎൻഎസ്എസ് കോളജ് മട്ടന്നൂർ, നിർമലഗിരി കോളജ് കൂത്തുപറന്പ് (പിആർഎൻഎസ്എസ് കോളജ് മട്ടന്നൂർ),
7. എസ്ഇഎസ് കോളേജ് ശ്രീകണ്ഠാപുരം (ഡോണ് ബോസ്കോ ആർട്സ് ആൻഡ് സയൻസ് കോളജ് അങ്ങാടിക്കടവ്),
8. കോഓപ്പറേറ്റീവ് ആർട്സ് ആൻഡ് സയൻസ് കോളജ് മാടായി, എസ്എൻ കോളജ് കണ്ണൂർ, ഗവ. ബ്രണ്ണൻ കോളജ് തലശേരി, എംജി കോളജ് ഇരിട്ടി, ഗവ. കോളജ് മാനന്തവാടി എന്നീ കോളേജുകൾ കേന്ദ്രമായി അപേക്ഷിച്ച വിദ്യാർഥികൾ അതേ കേന്ദ്രത്തിൽ തന്നെ പരീക്ഷയ്ക്ക് ഹാജരാകണം.