ബിരുദ ഏകജാലകം: പട്ടികജാതി, പട്ടിക വർഗ വിഭാഗത്തിൽപ്പെട്ടവർക്ക് നാളെവരെ ഓപ്ഷനുകൾ പുനഃക്രമീകരിക്കാം
സർവകലാശാലാ ബിരുദ പ്രവേശനത്തിന് പട്ടികജാതി, പട്ടിക വർഗ വിഭാഗത്തിൽപ്പെട്ടവർക്ക് 29നു നടത്തുന്ന നാലാം ഘട്ട അലോട്ട്മെന്റിൽ പരിഗണിക്കുന്നതിനായി അപേക്ഷകർക്ക് തങ്ങൾ നേരത്തേ നൽകിയ ഓപ്ഷനുകൾ പുനഃക്രമീകരിക്കാൻ നാളെ വൈകുന്നേരം അഞ്ചു വരെ സൗകര്യമുണ്ടാകും. അപേക്ഷകർക്ക് തങ്ങളുടെ ആപ്ലിക്കേഷൻ നന്പർ, പാസ്വേഡ് ഇവ ഉപയോഗിച്ച് ലോഗിൻ ചെയ്ത് ഓപ്ഷനുകളിൽ ആവശ്യമായ പുനഃക്രമീകരണം നടത്താൻ സാധിക്കും. എന്നാൽ പുതുതായി കോളജുകളോ, പ്രോഗ്രാമുകളോ കൂടുതലായി കൂട്ടിച്ചേർക്കുവാൻ ഈ ഘട്ടത്തിൽ സാധിക്കുകയില്ല. മൂന്നാം അലോട്ട്മെന്റ് വഴി പ്രവേശനം ലഭിച്ച വിദ്യാർഥികൾ തങ്ങൾക്ക് നിലവിൽ ലഭിച്ച അലോട്ട്മെന്റിൽ തൃപ്തരാണെങ്കിൽ നിലനിൽക്കുന്ന ഹയർ ഓപ്ഷനുകൾ ഡിലീറ്റ് ചെയ്യണം. അലോട്ട്മെന്റ് ലഭിച്ച വിദ്യാർഥികൾ ഹയർ ഓപ്ഷനുകൾ ഡിലീറ്റ് ചെയ്യാതിരിക്കുകയും ത·ുലം നാലാം അലോട്ട്മെന്റിൽ പുതുതായി ഹയർ ഓപ്ഷനിലെ മറ്റൊരു പ്രോഗ്രാമിലേക്ക്, കോളജിലേക്ക് അലോട്ട്മെന്റ് ലഭിക്കുകയും ചെയ്യുന്ന പക്ഷം പുതുതായി അലോട്മെന്റ് ലഭിച്ച പ്രോഗ്രാമിലേക്ക്, കോളേജിലേക്ക് നിർബന്ധമായും പ്രവേശനം നേടേണ്ടതായി വരും. കൂടാതെ അവർക്ക് ആദ്യം ലഭിച്ച അലോട്ട്മെന്റ് നഷ്ടപ്പെടുകയും ചെയ്യും. സ്ഥിര പ്രവേശം നേടിയവർ ഹയർ ഓപ്ഷനുകൾ റദ്ദാക്കേണ്ടതില്ല.
പ്രാക്ടിക്കൽ, പ്രോജക്ട് മൂല്യനിർണയം, വൈവാ വോസി
തൃപ്പൂണിത്തുറ ആർഎൽവി കോളജിൽ 2017 മേയ്, ജൂലൈ മാസങ്ങളിൽ നടത്തിയ രണ്ടും നാലും സെമസ്റ്റർ എംഎ ഭരതനാട്യം, മോഹിനിയാട്ടം (റെഗുലർ, സപ്ലിമെന്ററി) ഡിഗ്രി പരീക്ഷകളുടെ പ്രാക്ടിക്കൽ ഓഗസ്റ്റ് ഒന്നു മുതൽ നാലു വരെ ആർഎൽവി കോളജിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
2017 മേയിൽ നടത്തിയ നാലാം സെമസ്റ്റർ എംഎസ്സി മാത്തമാറ്റിക്സ് ഓഫ് കാന്പസ് സപ്ലിമെന്ററി ഡിഗ്രി പരീക്ഷകളുടെ പ്രോജക്റ്റ് മൂല്യനിർണയവും വൈവാവോസിയും 31നു സർവകലാശാലാ സിൽവർ ജൂബിലി പരീക്ഷാഭവനിലെ 201ാം മുറിയിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പരീക്ഷാഫലം
2017 ഏപ്രിലിൽ നടത്തിയ അഞ്ചാം സെമസ്റ്റർ ബിഎ (മോഡൽ ഒന്നും രണ്ടും മൂന്നും സിബിസിഎസ്എസ് 2013, 2014 അഡ്മിഷൻ റീ അപ്പിയറൻസ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ് ക്കും പുനർമുല്യനിർണയത്തിനുമുള്ള അപേക്ഷകൾ ഓഗസ്റ്റ് ഏഴു വരെ സ്വീകരിക്കും.
2017 ഏപ്രിലിൽ നടത്തിയ അഞ്ചാം സെമസ്റ്റർ ബികോം (മോഡൽ ഒന്നും രണ്ടും മൂന്നും 2013,2014 അഡ്മിഷൻ ഇംപ്രൂവ്മെന്റ്, സപ്ലിമെന്ററി ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ ഓഗസ്റ്റ് എട്ടു വരെ സ്വീകരിക്കും.
2017 ജനുവരിയിൽ നടത്തിയ മൂന്നാം സെമസ്റ്റർ എംഎച്ച്ആർഎം (റെഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ ഓഗസ്റ്റ് എഴു വരെ സ്വീകരിക്കും.
2017 ജനുവരിയിൽ നടത്തിയ മൂന്നാം സെമസ്റ്റർ എംഎസ്സി ബോട്ടണി (സിഎസ്എസ് റെഗുലർ, സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ ഓഗസ്റ്റ് 11 വരെ സ്വീകരിക്കും.
2017 ഏപ്രിലിൽ നടത്തിയ ഒന്നാം വർഷ ബിഎസ്സി മെഡിക്കൽ മൈക്രോബയോളജി (പുതിയ സ്കിം 2015 അഡ്മിഷൻ സപ്ലിമെന്ററി, പഴയസ്കീം 2015 ന് മുന്പുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. പുനർമുല്യനിർണയത്തിനുള്ള അപേക്ഷകൾ ഓഗസ്റ്റ് ഏഴു വരെ സ്വീകരിക്കും.
സംവരണ സീറ്റൊഴിവ്
സ്കൂൾ ഓഫ് പ്യൂവർ ആൻഡ് അപ്ലൈഡ് ഫിസിക്സിൽ എംഎസ്സി കോഴ്സിന് പട്ടികവർഗ സംവരണത്തിൽ ഒരു സീറ്റൊഴിവുണ്ട്. താത്പര്യമുള്ളവർ ഓഗസ്റ്റ് നാലിനു് വൈകുന്നേരം അഞ്ചിനുള്ളിൽ എല്ലാ അസൽ സർട്ടിഫിക്കറ്റുകൾ സഹിതം സ്കൂൾ ഓഫ് പ്യൂവർ ആന്റ് അപ്ലൈഡ് ഫിസിക്സിൽ ഹാജരാകണം.
സ്കൂൾ ഓഫ് എൻവയോണ്മെന്റൽ സയൻസസിൽ എംഎസ്സി കോഴ്സിന് എൻവയോണ്മെന്റ് സയൻസ് ആൻഡ് ഡിസാസ്റ്റർ മാനേജ്മെന്റ് വിഷയത്തിൽ പട്ടികവർഗ സംവരണത്തിൽ ഒരു സീറ്റൊഴിവുണ്ട്. താത്പര്യമുള്ളവർ 28നു രാവിലെ 11നു എല്ലാ അസൽ സർട്ടിഫിക്കറ്റുകൾ സഹിതം സ്കൂൾ ഡയറക്ടർ മുന്പാകെ ഹാജരാകണം. തെരഞ്ഞെടുക്കപ്പെടുന്നവർ 1250/ രൂപ കോഷൻ ഡെപ്പോസിറ്റായി അടയ്ക്കണം.
പ്രിൻസിപ്പൽമാരുടെ യോഗം
സർവകലാശാലയോട് അഫിലിയേറ്റ് ചെയ്യതിട്ടുള്ള ആർട്സ് ആൻഡ് സയൻസ് കോളജ് പ്രിൻസിപ്പൽമാരുടെ യോഗം പരീക്ഷാ പരിഷ്കരണവുമായി ബന്ധപ്പെട്ട കാര്യങ്ങൾ ചർച്ച ചെയ്യുന്നതിനായി ഇന്നു രാവിലെ 10.30 ന് സർവകലാശാലാ സ്കൂൾ ഓഫ് കെമിക്കൽ സയൻസ് ഓഡിറ്റോറിയത്തിൽ നടത്തും. കോളജുകളിൽ ജൂലൈ ഒന്നിന് സർവീസിലുള്ള അധ്യാപകരുടെ സർവീസ് കാര്യങ്ങൾ ഉൾപ്പെടുത്തിയ ലിസ്റ്റും, സിഡിയും കേളജധികൃതർ സർവകലാശാലയിൽ സമർപ്പിക്കണം. യോഗത്തിൽ എല്ലാ പ്രിൻസിപ്പൽമാരും പങ്കെടുക്കണം.
സംഘടനാ പ്രതിനിധി യോഗം
പരീക്ഷാ സംബന്ധമായ പരിഷ്കാരങ്ങളെപ്പറ്റി ചർച്ച ചെയ്യുന്നതിനായി എംജി സർവകലാശാല ജീവനക്കാരുടെ സംഘടനാ പ്രതിനിധികളുടെ യോഗം നാളെ രാവിലെ 10.30 നും അഫിലിയേറ്റഡ് ഗവണ്മെന്റ്, എയ്ഡഡ് കോളജധ്യാപക സംഘടനാ പ്രതിനിധികളുടെ യോഗം രാവിലെ 11.30 നും വിദ്യാർഥി സംഘടനാ പ്രതിനിധികളുടെ യോഗം ഉച്ചകഴിഞ്ഞ് 3. 30 നും സർവകലാശാലാ ഭരണവിഭാഗത്തിലെ മിനി കോണ്ഫറൻസ് ഹാളിൽ നടത്തും.