ബിടെക് പ്രവേശനം: ഓറിയന്റേഷൻ പ്രോഗ്രാം
കാലിക്കട്ട് സർവകലാശാലാ എൻജിനിയറിംഗ് കോളജിൽ (സിസിഎസ്ഐടി) ഒന്നാം വർഷ (2017) ബിടെക് ക്ലാസുകൾ ആരംഭിക്കുന്നതോടനുബന്ധിച്ച് 28ന് വിദ്യാർഥികൾക്കും രക്ഷിതാക്കൾക്കുമായി ഓറിയന്റേഷൻ പ്രോഗ്രാം സംഘടിപ്പിക്കുന്നു. സർവകലാശാലാ സെമിനാർ കോംപ്ലക്സിൽ രാവിലെ 9.30ന് വൈസ് ചാൻസലർ ഡോ.കെ. മുഹമ്മദ് ബഷീർ ഉദ്ഘാടനം ചെയ്യും. പ്രോവൈസ് ചാൻസലർ ഡോ.പി. മോഹൻ, രജിസ്ട്രാർ ഡോ.ടി.എ. അബ്ദുൽ മജീദ് തുടങ്ങിയവർ സംബന്ധിക്കും.
ഫിക്സ്ചർ മീറ്റിംഗ് 27ന്
അഫിലിയേറ്റഡ് കോളജുകളിലെ 201718 വർഷത്തെ കായിക മത്സരങ്ങളുടെ ഫിക്സ്ചർ മീറ്റിംഗ് 27ന് രാവിലെ പത്തിന് സെമിനാർ കോംപ്ലക്സിൽ നടക്കും. കോളജുകളിലെ കായിക അധ്യാപകരോ പ്രതിനിധിയോ യോഗത്തിൽ പങ്കെടുക്കണം.
എംസിഎ പ്രവേശനം സീറ്റ് ഒഴിവ്
സിസിഎസ്ഐടിക്ക് കീഴിലെ 12 കേന്ദ്രങ്ങളിൽ എംസിഎ പ്രവേശനത്തിന് എസ് സി (43), എസ്ടി (23), എൽ സി, എസ്ഐയുസി (ഒന്ന്), ഒബിസിക്രിസ്ത്യൻ (ഒന്ന്), പിഎച്ച് (11), ബിപിഎൽ (16) വിഭാഗങ്ങളിൽ ഒഴിവുകളുണ്ട്. പ്രവേശന റാങ്ക് ലിസ്റ്റിലുൾപ്പെട്ട യോഗ്യരായവർ എല്ലാ രേഖകളും സഹിതം സർവകലാശാലാ കാന്പസിലെ സിസിഎസ്ഐടി ഓഫീസിൽ ഓഗസ്റ്റ് ഒന്നിനകം ഹാജരാകണം. വിവരങ്ങൾക്ക്: 0494 2407324.
ബിടെക് പ്രൊവിഷണൽ സർട്ടിഫിക്കറ്റ്, കണ്സോളിഡേറ്റഡ് മാർക്ക് ലിസ്റ്റ് വിതരണം
ബിടെക് (09 സ്കീം) പാസായ (ഏപ്രിൽ 2017) ഇൻസ്ട്രുമെന്റേഷൻ ആൻഡ് കണ്ട്രോൾ, പ്രിന്റിംഗ് ടെക്നോളജി, കെമിക്കൽ, പ്രൊഡക്ഷൻ, ബയോടെക്നോളജി, ഇൻഫർമേഷൻ ടെക്നോളജി വിഭാഗം വിദ്യാർഥികളുടെ കണ്സോളിഡേറ്റഡ് മാർക്ക് ലിസ്റ്റും പ്രൊവിഷണൽ സർട്ടിഫിക്കറ്റും സർവകലാശാലാ ബിടെക് ബ്രാഞ്ചിൽ നിന്നും വിതരണം ആരംഭിച്ചു. ബാക്കി ബ്രാഞ്ചുകളിലേത് പിന്നീട് വിതരണം ചെയ്യും.
ഫൈനൽ എംഎ ഇക്കണോമിക്സ്, ഇംഗ്ലീഷ് വൈവാ വോസി
വിദൂരവിദ്യാഭ്യാസം ഫൈനൽ എംഎ ഇക്കണോമിക്സ് ഏപ്രിൽ, മേയ് 2017 പരീക്ഷയുടെ വൈവാ വോസി ഓഗസ്റ്റ് ഏഴ് മുതൽ ഇരിഞ്ഞാലക്കുട ക്രൈസ്റ്റ് കോളജിലും (സൗത്ത് സോണ്), സർവകലാശാലാ കാന്പസിലെ ടാഗോർ നികേതൻ വെബ്സെന്ററിലും (നോർത്ത് സോണ്) നടക്കും. കാലിക്കട്ട് സർവകലാശാല വിദൂരവിദ്യാഭ്യാസം ഫൈനൽ എംഎ ഇംഗ്ലീഷ് ഏപ്രിൽ, മേയ് 2017 പരീക്ഷയുടെ വൈവാ വോസി ഓഗസ്റ്റ് ഏഴ് മുതൽ ദേവഗിരി സെന്റ് ജോസഫ്സ് കോളജിലും (നോർത്ത് സോണ്), തൃശൂർ ശ്രീ കേരളവർമ്മ കോളജിലും (സൗത്ത് സോണ്) നടക്കും. ഷെഡ്യൂൾ വെബ്സൈറ്റിൽ.
പരീക്ഷ
എൽഎൽബി (2008 സ്കീം) ഏഴാം സെമസ്റ്റർ (പഞ്ചവത്സരം), മൂന്നാം സെമസ്റ്റർ (ത്രിവത്സരം) സപ്ലിമെന്ററി പരീക്ഷ ഓഗസ്റ്റ് 14ന് ആരംഭിക്കും.
ബിബിഎഎൽഎൽബി (2011 സ്കീം) ഏഴാം സെമസ്റ്റർ റഗുലർ, സപ്ലിമെന്ററി പരീക്ഷ ഓഗസ്റ്റ് 16ന് ആരംഭിക്കും.
പുനർമൂല്യനിർണയ അപേക്ഷ
അഞ്ചാം സെമസ്റ്റർ ബിഎസ് സി, ബിസിഎ (സിസിഎസ്എസ്) സപ്ലിമെന്ററി, ഇംപ്രൂവ്മെന്റ് നവംബർ 2016 പരീക്ഷയുടെ പുനർമൂല്യനിർണയത്തിന് അപേക്ഷിക്കാനുള്ള അവസാന തിയതി ഓഗസ്റ്റ് എട്ട്. 2012 മുതൽ പ്രവേശനം (എം, എൻ സീരീസ്) വിദ്യാർഥികൾ ഓണ്ലൈനിലും, അതിന് മുന്പ് പ്രവേശനം നേടിയവർ (ജെ, കെ, എൽ സീരീസ്) സാധാരണ ഫോമിലുമാണ് അപേക്ഷിക്കേണ്ടത്. അപേക്ഷ ചലാൻ സഹിതം ഓഗസ്റ്റ് 14നകം ലഭിക്കണം.
പുനർമൂല്യനിർണയ ഫലം
രണ്ടാം വർഷ ബിഎസ് സി മെഡിക്കൽ ബയോകെമിസ്ട്രി (ഏപ്രിൽ 2016), രണ്ടാം സെമസ്റ്റർ എംസിഎ (ഡിസംബർ 2016) പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
ബിവോക് പ്രാക്ടിക്കൽ, വൈവാ വോസി
അഞ്ച്, ആറ് സെമസ്റ്റർ ബി വോക് ബ്രോഡ് കാസ്റ്റിംഗ് ജേർണലിസം പ്രാക്ടിക്കൽ, വൈവാ വോസി 27ന് രാവിലെ 9.30ന് അരീക്കോട് സുല്ലമുസ്സലാം കോളജിൽ നടക്കും.
അഞ്ച്, ആറ് സെമസ്റ്റർ ബിവോക് മൾട്ടീമീഡിയ പ്രാക്ടിക്കൽ, വൈവാ വോസി 28, 29 തിയതികളിൽ രാവിലെ 9.30ന് തൃശൂർ സെന്റ് മേരീസ് കോളജിലും മാള കാർമൽ കോളജിലും നടക്കും.
അഞ്ച്, ആറ് സെമസ്റ്റർ ബിവോക് ഡിജിറ്റൽ ഫിലിം പ്രൊഡക്ഷൻ പ്രാക്ടിക്കൽ, വൈവാ വോസി 31, ഓഗസ്റ്റ് ഒന്ന് തിയതികളിൽ രാവിലെ 9.30ന് നടക്കും.
പരീക്ഷാ അപേക്ഷ
ബയോടെക്നോളജി പഠനവകുപ്പിൽ നടക്കുന്ന എംഎസ് സി ബയോടെക്നോളജി (നാഷണൽ സ്ട്രീം) രണ്ടാം സെമസ്റ്റർ പരീക്ഷയ്ക്ക് പിഴകൂടാതെ 29 വരെയും 150 രൂപ പിഴയോടെ ഓഗസ്റ്റ് ഒന്ന് വരെയും സാധാരണ ഫോമിൽ അപേക്ഷിക്കാം. പരീക്ഷ ഓഗസ്റ്റ് ഒന്പതിന് ആരംഭിക്കും.
പരീക്ഷാഫലം
ഒന്നാം വർഷ ബിഎഫ്എ (മാർച്ച് 2017) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഓഗസ്റ്റ് എട്ട് വരെ അപേക്ഷിക്കാം.
എംകോം പരീക്ഷ മാറ്റി
28ന് ആരംഭിക്കാനിരുന്ന വിദൂരവിദ്യാഭ്യാസം എംകോം ഒന്ന്, രണ്ട് സെമസ്റ്റർ റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷ മാറ്റി. പുതുക്കിയ തിയതി പിന്നീട് അറിയിക്കും.