കേരള ആരോഗ്യശാസ്ത്ര സർവകലാശാല 2017 മേയിൽ നടത്തിയ മൂന്നാംവർഷ ബിഎസ്്സി നഴ്സിംഗ് ഡിഗ്രി സപ്ലിമെന്ററി പരീക്ഷാഫലം പ്രസിദ്ധീകരിച്ചു.
റീടോട്ടലിംഗ്, ഉത്തരക്കടലാസുകളുടെയും സ്കോർഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓണ്ലൈൻ ആയി ഓഗസ്റ്റ് മൂന്നിനകം അപേക്ഷിക്കേണ്ടതാണ്.
റീടോട്ടലിംഗ് ഫലം
2017 ഏപ്രിലിൽ പരീക്ഷ നടത്തി ഫലപ്രഖ്യാപനം നടത്തിയ ഫൈനൽ ബിഎഎംഎസ് റെഗുലർ (2012 സ്കീം) പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
2017 മേയിൽ പരീക്ഷ നടത്തി ഫലപ്രഖ്യാപനം നടത്തിയ സെക്കൻഡ് ബിഎച്ച്എംഎസ് ഡിഗ്രി റെഗുലർ/സപ്ലിമെന്ററി പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
പരീക്ഷാ അപേക്ഷ
2017 സെപ്റ്റംബർ 13 മുതൽ ആരംഭിക്കുന്ന രണ്ടാംവർഷ എംഎസ്്സി നഴ്സിംഗ് ഡിഗ്രി റെഗുലർ/സപ്ലിമെന്ററി പരീക്ഷയ്ക്ക് ഓഗസ്റ്റ് ഏഴുമുതൽ 17 വരെ ഓണ്ലൈൻ ആയി രജിസ്റ്റർ ചെയ്യാം. പേപ്പറൊന്നിനു 100 രൂപ ഫൈനോടുകൂടി ഓഗസ്റ്റ് 19 വരെയും 300 രൂപ സൂപ്പർ ഫൈനോടുകൂടി ഓഗസ്റ്റ് 21 വരെയും ഓണ്ലൈൻ രജിസ്ട്രേഷൻ നടത്താം.