ലൈബ്രറി സയൻസ് സർട്ടിഫിക്കറ്റ് കോഴ്സ്
തുടർവിദ്യാഭ്യാസ വ്യാപന കേന്ദ്രം നെടുമങ്ങാട് പനവൂർ മുസ്ലിം അസോസിയേഷൻ കോളജ് ഓഫ് ആർട്സ് ആന്ഡ് സയൻസിൽ നടത്തുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് അപേക്ഷ ക്ഷണിച്ചു. കോഴ്സ് കാലാവധി ആറ് മാസം. യോഗ്യത പ്ലസ് ടു/പ്രീ ഡിഗ്രി. കോഴ്സ് ഫീസ് 7500 രൂപ. ക്ലാസുകൾ ശനി, ഞായർ ദിവസങ്ങളിൽ മാത്രം. അപേക്ഷ കോളജിലെ തുടർവിദ്യാഭ്യാസ യൂണിറ്റിൽ നിന്ന് ലഭിക്കും. അപേക്ഷാഫീസ് 110 രൂപ. ഫോണ്: 04722867555, 7293973530
പി.ജി സർട്ടിഫിക്കറ്റ് ഇൻ കൗണ്സലിംഗ്: അഡ്മിഷൻ തുടരുന്നു
തുടർവിദ്യാഭ്യാസ വ്യാപന കേന്ദ്രത്തിൽ ആഗസ്റ്റ് അഞ്ചിന് ക്ലാസ് ആരംഭിക്കുന്ന പി.ജി സർട്ടിഫിക്കറ്റ് ഇൻ കൗണ്സലിംഗ് കോഴ്സിന് അഡ്മിഷൻ തുടരുന്നു. കേരള സർവകലാശാല അംഗീകരിച്ച ബിരുദമാണ് യോഗ്യത. കോഴ്സ് ഫീസ് 7500 രൂപ. അപേക്ഷ ഫീസ് 100 രൂപ. ക്ലാസ് ശനി, ഞായർ ദിവസങ്ങളിൽ മാത്രം. താത്പര്യമുള്ളവർ പിഎംജി ജംഗ്ഷനിലെ തുടർവിദ്യാഭ്യാസ വ്യാപന കേന്ദ്രം ഓഫിസുമായി ബന്ധപ്പെടുക. 04712302523
എംടെക് കംപ്യൂട്ടർ സയൻസ് (2017 അഡ്മിഷൻ) സീറ്റൊഴിവ്
കാര്യവട്ടം കംപ്യൂട്ടർ സയൻസ് പഠനവകുപ്പിൽ അകഇഠഋ അംഗീകൃത എംടെക് കംപ്യൂട്ടർ സയൻസി (ഡിജിറ്റൽ ഇമേജ് കന്പ്യൂട്ടിംഗ്) ലെ എസ്സി/എസ്ടി വിഭാഗത്തിൽ ഏതാനും സീറ്റുകൾ ഒഴിവുണ്ട്. താത്പര്യമുള്ളവർ സർട്ടിഫിക്കറ്റുകളുടെ അസൽ പകർപ്പുകളുമായി ഓഗസ്റ്റ് ഒന്നിനു രാവിലെ 11ന് കംപ്യൂട്ടർ സയൻസ് പഠനവകുപ്പിൽ ഹാജരാകണം.
കമ്യൂണിക്കേഷൻ സ്കിൽസ് ഇൻ ഇംഗ്ലീഷ് കോഴ്സ്
സെന്റർ ഫോർ ഇംഗ്ലീഷ് ലാംഗ്വേജ് ടീച്ചിംഗ് നടത്തുന്ന കമ്യൂണിക്കേഷൻ സ്കിൽസ് ഇൻ ഇംഗ്ലീഷ് എന്ന ഹ്രസ്വ കാല സർട്ടിഫിക്കറ്റ് കോഴ്സിലേക്കുള്ള അപേക്ഷകൾ ക്ഷണിച്ചു. അപേക്ഷിക്കാനുള്ള അവസാന തീയതി ഓഗസ്റ്റ് 16. വിശദവിവരങ്ങൾ വെബ്സൈറ്റിൽ ലഭിക്കും.
പോസ്റ്റ് ഗ്രാജുവേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്യൂണിക്കേഷൻ കോഴ്സ് (ഈവനിംഗ്) 201718: എസ്ടി വിഭാഗത്തിന് സ്പോട്ട് അഡ്മിഷൻ
പോസ്റ്റ് ഗ്രാജുവേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്യൂണിക്കേഷൻ കോഴ്സ് (ഈവനിംഗ്) 201718 ബാച്ചിലേക്ക് എസ്ടി വിഭാഗത്തിൽ ഒഴിവുള്ള സീറ്റിലേക്കുള്ള സ്പോട്ട് അഡ്മിഷൻ ഓഗസ്റ്റ് രണ്ടിന് രാവിലെ 10ന് പാളയത്തുള്ള ഇൻസ്റ്റിറ്റ്യൂട്ട് ഓഫ് ഇംഗ്ലീഷിൽ നടക്കും. താത്പര്യമുളളവർ ബന്ധപ്പെട്ട രേഖകളുമായി ഹാജരാകണം.
എൽഎൽബി ഫലം
ഫെബ്രുവരിയിൽ നടത്തിയ അഞ്ചാം സെമസ്റ്റർ (ത്രിവത്സരം), ഒന്പതാം സെമസ്റ്റർ (പഞ്ചവത്സരം) എൽഎൽബി ഡിഗ്രി പരീക്ഷകളുടെ (20112 ന് മുന്പുള്ള അഡ്മിഷൻ) (കോമണ് ഫോർ മേഴ്സി ചാൻസ്) ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് 25 വരെ അപേക്ഷിക്കാം.
പി.ജി അഡ്മിഷൻ: ബിരുദ മാർക്ക്/ഗ്രേഡുകൾ വെബ്സൈറ്റിൽ രേഖപ്പെടുത്താനുള്ള തീയതി നീട്ടി
പഠനവകുപ്പുകളിലേക്ക് ബിരുദാനന്തരബിരുദ പ്രവേശന പരീക്ഷ എഴുതിയ വിദ്യാർഥികൾ അവരവരുടെ ബിരുദതല പരീക്ഷയുടെ മാർക്കും വിശദവിവരങ്ങളും ചേർക്കുന്നതിനും തിരുത്തലുകൾ വരുത്തുന്നതിനുമുള്ള അവസാന തീയതി ഓഗസ്റ്റ് 10 വരെ നീട്ടി.
ബിഎ ഓണേഴ്സ് ടൈംടേബിൾ
ഓഗസ്റ്റിൽ നടത്തുന്ന രണ്ടാം സെമസ്റ്റർ ബിഎ ഓണേഴ്സ് ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
ലക്ചറർ : അപേക്ഷ ക്ഷണിച്ചു
ഡെമോഗ്രഫി പഠനവകുപ്പിൽ കരാറടിസ്ഥാനത്തിൽ ആക്ചൂരിയൽ സയൻസ് ലക്ചറർ നിയമനത്തിന് അപേക്ഷ ക്ഷണിച്ചു. വിശദവിവരങ്ങൾ വെബ്സൈറ്റിൽ ലഭിക്കും.