മാറ്റിവച്ച രണ്ടാം സെമസ്റ്റർ യുജിപരീക്ഷകൾ ഓഗസ്റ്റ് ഏഴിന് നടത്തും
ഓഗസ്റ്റ് മൂന്നിന് നടത്താൻ നിശ്ചയിച്ചിരുന്നതും മാറ്റി വച്ചതുമായ രണ്ടാം സെമസ്റ്റർ യുജി (സിബിസിഎസ്എസ് 2013 ന് മുന്പുള്ള അഡ്മിഷൻ സപ്ലിമെന്ററി, മേഴ്സിചാൻസ്) പരീക്ഷകൾ ഓഗസ്റ്റ് ഏഴിനും മൂന്നാം സെമസ്റ്റർ ബിവോക് (2015 അഡ്മിഷൻ റെഗുലർ, 2014 അഡ്മിഷൻ സപ്ലിമെന്ററി) ഡിഗ്രി പരീക്ഷകൾ ഓഗസ്റ്റ് 11നും നാലാം സെമസ്റ്റർ എംബിഎ പുതിയ സ്കീം (2015 അഡ്മിഷൻ റെഗുലർ, 2012 മുതൽ 2014 വരെ അഡ്മിഷൻ സപ്ലിമെന്ററി, സ്പെഷൽ എക്സാം) പരീക്ഷ സെപ്റ്റംബർ 18നും നടത്തും. പരീക്ഷാ സമയത്തിനും കേന്ദ്രത്തിനും മാറ്റമില്ല.
പരീക്ഷാ തീയതി
മൂന്നാം വർഷ ബിഫാം (റെഗുലർ,സപ്ലിമെന്ററി) ഡിഗ്രി പരീക്ഷകൾ ഓഗസ്റ്റ് 16ന് തുടങ്ങും. അപേക്ഷകൾ ഓഗസ്റ്റ് രണ്ടു വരെയും 50 രൂപ പിഴയോടെ മൂന്നു വരെയും 500 രൂപ സൂപ്പർഫൈനോടെ അഞ്ചു വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടു മെഴുതുന്നവർ പേപ്പറൊന്നിന് 20 രൂപ വീതവും (പരമാവധി 100) സിവി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടയ്ക്കണം.
നാലാം വർഷ ബിഎസ്എം എൽടി (സപ്ലിമെന്ററി) ഡിഗ്രി പരിക്ഷകൾ 16നു തുടങ്ങും. അപേക്ഷകൾ ഓഗസ്റ്റ് രണ്ടു വരെയും 50 രൂപ പിഴയോടെ മൂന്നു വരെയും 500 രൂപ സൂപ്പർഫൈനോടെ അഞ്ചു വരെയും സ്വീകരിക്കും. അപേക്ഷകർ പേപ്പറൊന്നിന് 20 രൂപ വീതം സി.വി ക്യാന്പ് ഫീസായി നിശ്ചിത പരീക്ഷാഫീസിനു പുറമേ അടയ്ക്കണം.
ബിസിഎ പ്രാക്ടിക്കൽ പരീക്ഷ മാറ്റി
ജൂലൈ 27 മുതൽ ഓഗസ്റ്റ് ഒന്നു വരെ ഇടപ്പള്ളി സ്റ്റാസിലും പത്തനംതിട്ട സ്റ്റാസിലും നടത്താനിരുന്ന ഒന്നു മുതൽ ആറു വരെ സെമസ്റ്റർ ബിസി എ ഓഫ് കാന്പസ് (2012 ന് മുന്പുള്ള അഡ്മിഷൻ സപ്ലിമെന്ററി, മേഴ്സിചാൻസ്, സിബിസിഎസ്എസ് 2012 മുതലുള്ള അഡ്മിഷൻ റെഗുലർ, സപ്ലിമെന്ററി) 2017 ഏപ്രിൽ ഡിഗ്രി പരീക്ഷകളുടെ പ്രാക്ടിക്കൽ മാറ്റിവച്ചു. എറണാകുളം, ഇടുക്കി, ആലപ്പുഴ, കൊല്ലം, പത്തനംതിട്ട തിരുവന്തപുരം ജില്ലകളിലെ വിദ്യാർഥികളുടെ പ്രാക്ടിക്കൽ പരീക്ഷാ തീയതി പിന്നീടു പ്രഖ്യാപിക്കും.
ബിഎഫ്ടി ഓഫ് കാന്പസ് പ്രാക്ടിക്കൽ പരീക്ഷ
2017 ഏപ്രിൽ, മേയ് മാസങ്ങളിൽ നടത്തിയ ബിഎഫ്ടി (സിബിസിഎസ്എസ് അഞ്ചും ആറും സെമസ്റ്റർ 2014 മുതലുള്ള അഡ്മിഷൻ റെഗുലർ, 2012, 2013 അഡ്മിഷൻ ആൻഡ് 2014 മുതലുള്ള അഡ്മിഷൻ സപ്ലിമെന്ററി, 2012ന് മുന്പുള്ള അഡ്മിഷൻ സപ്ലിമെന്ററി, മേഴ്സിചാൻസ്) ഡിഗ്രി പരീക്ഷകളുടെ പ്രാക്ടിക്കൽ 31ന് ചങ്ങനാശേരി അസംപ്ഷൻ കോളജിലും, ചാലക്കുടി എൻസിഐടിയിലും നടത്തും. വിശദമായ ടൈംടേബിൾ വെബ്സൈറ്റിൽ ലഭ്യമാണ്.
പ്രാക്ടിക്കൽ പരീക്ഷ
ഒന്നും രണ്ടും വർഷ എംഎഫ്എ (പ്രീവിയസും ഫൈനലും റെഗുലർ, സപ്ലിമെന്ററി) ജൂലൈ 2017 പരീക്ഷയുടെ പ്രാക്ടിക്കൽ ഓഗസ്റ്റ് ഏഴു മുതൽ 25 വരെ തൃപ്പൂണിത്തുറ ആർഎൽവി കോളജിൽ നടത്തും. ടൈംടേബിൾ വെബ്സൈറ്റിൽ.
2017 മേയ് ജൂണ് മാസങ്ങളിലെ നാലാം സെമസ്റ്റർ എംഎ കഥകളി വേഷം (റെഗുലർ, സപ്ലിമെന്ററി) പരീക്ഷയുടെ പ്രാക്ടിക്കൽ 31, ഓഗസ്റ്റ് ഒന്ന് എന്നീ തീയതികളിൽ തൃപ്പൂണിത്തുറ ആർഎൽവി കോളജിൽ നടത്തും. ടൈംടേബിൾ വെബ്സൈറ്റിൽ.
പരീക്ഷാഫലം
2017 മാർച്ചിലെ ആറാം സെമസ്റ്റർ ബിഎസ്സി (മോഡൽ ഒന്നും രണ്ടും മൂന്നും സിബിസിഎസ്എസ് 2013ന് മുന്പുള്ള അഡ്മിഷൻ റീ അപ്പിയറൻസ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷ ഓഗസ്റ്റ് ഏഴു വരെ സ്വീകരിക്കും.
സ്കൂൾ ഓഫ് സോഷ്യൽ സയൻസസിൽ 2017 മേയ് മാസത്തിൽ നടത്തിയ രണ്ടാം സെമസ്റ്റർ എംഫിൽ ജനറൽ സോഷ്യൽ സയൻസ് (സിഎസ് എസ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി.
സംവരണ സീറ്റൊഴിവ്
സ്കൂൾ ഓഫ് സോഷ്യൽ സയൻസസിൽ 2017 18 അധ്യയന വർഷത്തിൽ എംഎ ആന്ത്രോപോളജി പ്രോഗ്രാമിൽ എസ്സി വിഭാഗത്തിനും എസ്ടി വിഭാഗത്തിനും ഒരോ സീറ്റു വീതവും എംഎ ഹിസ്റ്ററി പ്രോഗ്രാമിന് എസ്ടി വിഭാഗത്തിൽ ഒരു സീറ്റും ഒഴിവുണ്ട്. യോഗ്യതയുള്ളവർ 31ന് കോട്ടയം പുല്ലരിക്കുന്നിലുള്ള സ്കൂൾ ഓഫ് സോഷ്യൽ സയൻസസിൽ എല്ലാ അസൽ സർട്ടിഫിക്കറ്റുകളുമായി ഹാജരാകണം. 0481 2392383.
സ്കൂൾ ഓഫ് ഇന്റർനാഷണൽ റിലേഷൻസ് ആൻഡ് പൊളിറ്റിക്സിൽ, എംഎ പൊളിറ്റിക്സ് ആൻഡ് ഇന്റർനാഷണൽ റിലേഷൻസ്, എംഎ പബ്ലിക് പോളിസി ആൻഡ് ഗവേണൻസ് എന്നീ പ്രോഗ്രാമുകൾക്ക് എസ്സി വിഭാഗത്തിലും എസ്ടി വിഭാഗത്തിലും ഓരോ സീറ്റുവീതം ഒഴിവുണ്ട്. ബിരുദവും CAT പ്രോസ്പെക്ടസ് പ്രകാരം യോഗ്യതയുമുള്ള വിദ്യാർഥികൾ ഓഗസ്റ്റ് ഒന്നിനു രാവിലെ 10ന് എല്ലാ അസൽ സർട്ടിഫിക്കറ്റുകൾ സഹിതം സ്കൂൾ ഡയറക്ടർ മുന്പാകെ ഹാജരാകണം. 9495 108 959.
സർട്ടിഫിക്കറ്റ് കോഴ്സ് പ്രവേശനം
ഡിപ്പാർട്ട്മെന്റ് ഓഫ് ലൈഫ് ലോംഗ് ലേണിംഗ് ആൻഡ് എക്സ്റ്റൻഷന്റെ ആഭിമുഖ്യത്തിൽ നടത്തുന്ന സർട്ടിഫിക്കറ്റ് കോഴ്സ് ഇൻ കൗണ്സിലിംഗിന് ഓഗസ്റ്റ് ഒന്നിനും സർട്ടിഫിക്കറ്റ് കോഴ്സ് ഇൻ മാനേജ്മെന്റ് ഓഫ് ലേണിംഗ് ഡിസെബിലിറ്റീസിന് ഓഗസ്റ്റ് നാലിനും സർട്ടിഫിക്കറ്റ് കോഴ്സ് ഇൻ യോഗിക് സയൻസസിന് ഓഗസ്റ്റ് ഏഴിനും സർട്ടിഫിക്കറ്റ് കോഴ്സിൽ ഓർഗാനിക് ഫാമിംഗിന് ഓഗസ്റ്റ് 10നും പ്രവേശനം നടത്തും. ഓർഗാനിക് ഫാമിംഗ് ഒഴികെയുള്ള കോഴ്സുകളുടെ അടിസ്ഥാനയോഗ്യത പ്ലസ്ടു, പ്രീഡിഗ്രിയും ഓർഗാനിക് ഫാമിംഗ് കോഴ്സിനു വേണ്ട യോഗ്യത മലയാളം വായിക്കാനും എഴുതാനുമുള്ള കഴിവുമാണ്. ഫീസ് 3,100 രൂപ. 0481 2731560, 2731724, 9544 981 839.